Home ព័ត៌មានជាតិ សន្តិសុខ រថយន្តធន់ធំបើ...

រថយន្តធន់ធំបើកឡើងខឿនសួនច្បារចែកទ្រូងផ្លូវបុកបង្គោលប៉ាណូកៀបជាប់អ្នកបើកបរក្នុងកាប៊ីន

ដោយៈចាន់តូ/ភ្នំពេញៈបុរស​ម្នាក់​បើករថយន្ត​ហ៊ីយ៉ាន់ដាយ​ធុន​ធំ​មួយគ្រឿង សង្ស័យ​ងោក​មួយភាំង​បើក​ឡើង​សួនច្បារ​ចែក​ទ្រូងផ្លូវ​ទៅបុក​បង្គោល​ប៉ាន់​ណូ​មួយ​ដើម​បាក់​រាប​ដល់​ដី រីឯ​តៃកុង​កៀប​ជាប់​នៅក្នុង​កាប៊ីន​រងរបួស​ធ្ងន់​បង្ក​ឲ្យ​មានការ​ភ្ញាក់ផ្អើល​កាលពី​យប់​ថ្ងៃ​អង្គារ ទី​២០ ខែតុលា ឆ្នាំ​២០២០​នៅ​ចំណុច​ស្តុ​ប​៩២ តាម​បណ្តោយ​ផ្លូវ​ភ្នំពេញ​ហាណូយ​កែង​នឹង​ផ្លូវ​៩២ ក្នុង​សង្កាត់​ឃ្មួញ ខណ្ឌ​សែន​សុខ ។​

តាម​ប្រភពពី​កន្លែងកើតហេតុ​បាន​ឲ្យ​ដឹងថា​មុន​កើតហេតុ​គេ​ឃើញ​បុរស​ម្នាក់​បើក​រថ​យន្​ត​ធុន​ធំ​មួយគ្រឿង​ម៉ាក​ហ៊ីយ៉ាន់ដាយ ក្បាល​ពណ៌​សលាយ​បៃតង ពាក់​ផ្លាកលេខ ភ្នំពេញ​3A.1656​ធ្វើដំណើរ​តាម​បណ្ដោយ​ផ្លូវ​ភ្នំពេញ​ហាណូយ​ទិសដៅ​ពី​ជើង​ទៅ​ត្បូង លុះ​មកដល់​ចំណុចកើតហេតុ​ខាងលើ​ក៏មាន​រថយន្ត​ជាច្រើន​គ្រឿង​ឈប់​បន្ត កន្ទុយ​គ្នា​នៅ​នឹង​ស្តុ​ប ខណៈនោះ​សង្ស័យ​ងោក​មួយភាំង​រ៉េ​ចង្កូត​ឡើងលើ​សួនច្បារ​ចែក​ទ្រូងផ្លូវរ​ទៅបុក​បង្គោល​ប៉ាន់​ណូ​ផ្សាយពាណិជ្ជកម្ម​បណ្ដាល​ឲ្យ​ដែក​បង្គោល​ប៉ាន់​ណូ​ផ្ទប់​ជាប់​ជា​មួយ​កាប៊ីន​រថយន្ត តៃកុង​កៀប​ជាប់ជើង​រើ​មិន​រួច​ស្លេក​មុខ​បែកញើស​ជោគ​ពេញ​ខ្លួន​។​

ខណៈនោះ​បងប្អូន​ប្រជាពលរដ្ឋ​ធ្វើដំណើរ​នៅតាម​ដងផ្លូវ​ក៏ដូចជា​នៅក្បែរ​កន្លែង​កើត​ហេតុ​​និង​សមត្ថកិច្ច​មូលដ្ឋាន​និង​ជំនាញ​បាននាំគ្នា​យកដៃ​ជួយ​គាស់​ដើម្បី​ជួយសង្គ្រោះ​តៃកុង​ដែរ​កៀប​ជាប់ តែ​គាស់​មិនបាន​។​ពេលនោះ​មាន​រថយន្តស្ទូច​មួយគ្រឿង​ដែល​បាន​ឆ្លងកាត់​នៅ​កន្លែងកើតហេតុ​ត្រូវបាន​សមត្ថកិច្ច​ហៅ​មក​ឲ្យ​ជួយ​ស្ទូច​យក​ខ្សែកាប​ថ្ពក់​ជាប់​​នឹង​កាប៊ីន​ទាញ ទើប​អាច​យក តៃកុង​ចេញពី​រថយន្ត​បាន​រួច​បញ្ជូន​តាម​រថយន្ត​សង្គ្រោះបន្ទាន់​ទៅ​សង្គ្រោះ​នៅឯ​មន្ទីរពេទ្យ​ភ្លាមៗ​។​

ចំណែក​រថយន្ត​សមត្ថកិច្ច​ជំនាញ​ធ្វើការ​វាស់វែង​យកទៅ​រក្សាទុក​នៅ​ការិយាល័យ​ចរា​ចរណ៍​ផ្លូវគោក​នៃ​ស្នងការដ្ឋាន​នគរបាល​រាជធានី​ភ្នំពេញ​រង់ចាំ​ធ្វើការ​ដោះស្រាយ​គ្នា​នៅពេល​ក្រោយ​៕​-R

ទីតាំងផ្សាយពាណិជ្ជកម្ម

- Advertisment -

Most Popular

លោកស្រី អោ​ង សាន ស៊ូ​ជី​៖...

ដោយៈ​តារា​រិ​ទ្ធ​/​ភ្នំពេ...

ចាប់ផ្ដើម​សាងសង់​អគារ​សាល...

ដោយ​៖​រ៉ា​ម៉ន / ភ្នំពេញ​៖...

រាវ​រកឃើញ​គ្រាប់​យុទ្ធ​ភ័...

ដោយ​: ប​.​ជ័យ / បន្ទាយមាន...

លោកនាយ​ឧត្ដមសេនីយ៍ ម៉ឹង ស...

ដោយ​: វ៉ៃ​កូ / ខេត្តស្វាយ...