ដោយ: ជា សីហៈ / ភ្នំពេញ: នៅថ្ងៃទី២១ ខែតុលា ឆ្នាំ២០២០នេះ លោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទបានដឹកនាំកិច្ចប្រជុំធំៗចំនួន៣ក្នុងក្របខ័ណ្ឌអាស៊ានពីចម្ងាយតាមប្រព័ន្ធវីដេអូ។
ក្រសួងកសិកម្មបានឲ្យដឹងថា កិច្ចប្រជុំទី ១) គឺ កិច្ចប្រជុំលើកទី៤២ នៃរដ្ឋមន្ត្រីកសិកម្ម និងព្រៃឈើអាស៊ាន កិច្ចប្រជុំទី២) កិច្ចប្រជុំលើកទី២០ រដ្ឋមន្ត្រីកសិកម្ម និងព្រៃឈើអាស៊ាន និងប្រទេសបូក៣ (ចិន កូរ៉េ ជប៉ុន) និង កិច្ចប្រជុំទី៣) កិច្ចប្រជុំលើកទី៦ រដ្ឋមន្ត្រីកសិកម្ម និងព្រៃឈើអាស៊ាន ឥណ្ឌា ។
ក្នុងកិច្ចប្រជុំដ៏មានសារសំខាន់នេះ រដ្ឋមន្ត្រីកសិកម្ម និងព្រៃឈើនៃបណ្តាប្រទេសអាស៊ាន ប្រទេសបូក៣ (ចិន កូរ៉េ ជប៉ុន) និងប្រទេសឥណ្ឌា នឹងអនុម័តលើឯកសារមួយចំនួន ដើម្បីអនុវត្តក្នុងគោលដៅលើកកំពស់ប្រព័ន្ធសុវត្ថិភាពចំណីអាហារ ជំរុញពាណិជ្ជកម្មលើផលិតផលកសិកម្ម ជំរុញកំណើនសេដ្ឋកិច្ច និងបង្កើនកិច្ចសហប្រតិបត្តិការក្នុងការឆ្លើយតបទៅនឹងវិបត្តិកូវិដ១៩ជាដើម៕ ល
