ដោយ: អង្គរតូច / សៀមរាប: បុរសម្នាក់បានដួលម៉ូតូបោកក្បាលស្លាប់នៅនឹងកន្លែង ករណីនេះសមត្ថកិច្ចសន្និដ្ឋានថាអាចស្រវឹងស្រាហើយបើកបរ។ ហេតុការណ៍នោះបានកើតឡើង កាលពីវេលាម៉ោង ៩និង៤៥នាទីយប់ ថ្ងៃទី២០ ខែតុលា ឆ្នាំ ២០២០ លើកំណាត់ផ្លូវជាតិលេខ៦ ត្រង់ចំណុចមុខស្ថានីយប្រេង អេង សុភ័ក្ដ្រ ស្ថិតនៅភូមិខ្ចាស់ ឃុំខ្ចាស់ ស្រុកសូទ្រនិគម ក្នុងទិសដៅពីលិចទៅកើត។
មន្ត្រីកងរាជអាវុធហត្ថស្រុកសទ្រនិគម បានឲ្យដឹងថា ជនរងគ្រោះមានឈ្មោះ.រ៉ា អាយុ ៤៥ឆ្នាំ មានលំនៅភូមិដំដែកផ្សារ ឃុំដំដែក ស្រុកសូទ្រនិគ។ ជនរងគ្រោះបើកបរម៉ូតូម៉ាកសេ១២៤ ពណ៌ខ្មៅស៊េរីឆ្នាំ២០១៣។
មន្ត្រីបញ្ជាក់ថា ជនរងគ្រោះអាចបើកបរក្នុងពេលស្រវឹងស្រា ទើបបណ្ដាលឲ្យដួលម៉ូតូ បោកក្បាលស្លាប់នៅនឹងកន្លែងកើតហេតុបែបនេះ ។សាកសពប្រគល់ឲ្យសាច់ញាតិយកទៅធ្វើបុណ្រតាមប្រពៃណី ឯម៉ូតូបានប្រគល់ឲ្យខាងនគរបាល យកទៅរក្សាទុកនៅអធិការដ្ឋានស្រុក៕ ល/Ha
