នាំ​អំណោយ​ស​ម្តេច​តេ​ជោ​និង​សម្តេច​កិត្តិ​ព្រឹទ្ធ​បណ្ឌិត​រួម​នឹង​អំណោយ​មិត្ត​ចិន​ទៅ​ចែក ជូន​ប្រជាពលរដ្ឋ​រងគ្រោះ​ទឹកជំនន់​នៅ​ខណ្ឌដង្កោ​

ដោយៈ​រ៉ា​ម៉ន​/​ភ្នំពេញៈ​រដ្ឋបាល​រាជធានី​ភ្នំពេញ​បន្ត​នាំយក​អំណោយ​មនុស្សធម៌​របស់​ម្តេច​តេ​ជោ​ហ៊ុនសែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា និង​សម្តេច​កិត្តិ​ព្រឹទ្ធ​បណ្ឌិត​ប៊ុនរ៉ានី​ហ៊ុន សែន ប្រធាន​កាកបាទក្រហមកម្ពុជា រួម​នឹង​អំណោយ​ស្ថានទូត​ចិន​ទៅ​ចែកជូន​ប្រជាពលរដ្ឋ​ចំនួន​៣៧៥​គ្រួសារ នៅ​ខណ្ឌដង្កោ​ដែល​កំពុង​រងគ្រោះ​ដោយ​ជំនន់​ទឹកស្ទឹង​ព្រែក​ត្នោត ដើម្បី​ជួយ​សម្រាល​បន្ទុក​ជីវភាព​ប្រចាំថ្ងៃ​របស់​ពួកគាត់ កាលពី​រសៀល​ម្សិលមិញ​។​

លោកហ៊ុន ម៉ានី និងអភិបាលរាជធានីភ្នំពេញ រួមនឹងឯកអគ្គគ​រដ្ឋ​ទូត​សាធារណៈរដ្ឋ​ប្រជាមានិត​ចិន​ប្រចាំ​កម្ពុជាពេលយកអំណោយទៅ​ចែកជូន​ប្រជាពលរដ្ឋ​ចំនួន​៣៧៥​គ្រួសារ នៅ​ខណ្ឌដង្កោ

​ពិធី​ចែក​ត្រូវបាន​ប្រារព្ធ​ឡើង​នៅ​ទីតាំង​ចំនួន​២ ក្នុងនោះ ចំនួន​២៧៥​គ្រួសារ​នៅក្នុង​សង្កាត់ ក្រាំង​ពង្រ និង​១០០​គ្រួសារ​ទៀត នៅ​តំបន់​ទីទួល​សុវត្ថិភាព ក្នុង​តំបន់ រង្វង់​មូល​កួរស្រូវ ដោយ​អំណោយ​ទាំងនោះ​រួមមាន​គ្រឿងឧបភោគ​បរិភោគ និង​ថវិកា​មួយចំនួន​ផងដែរ​។​ដោយមាន​ការអញ្ជើញ​ចូលរួម​ពី​លោក ហ៊ុន ម៉ា​នី សមាជិក​រដ្ឋសភា និង​ជា​ប្រធាន​គណៈកម្មការ អប់រំ យុវជន កីឡា ធម្មការ កិច្ចការ​សាសនា វប្បធម៌​និង​ទេស​ចរណ៍​នៃ​រដ្ឋ​សភាព​លោក ឃួ​ង ស្រេង អភិបាល​រាជធានី​ភ្នំពេញ​និង​លោក វ៉ាង វិ​ន​ធាន ឯកអគ្គ​រដ្ឋ​ទូរ​សាធារណៈរដ្ឋ​ប្រជាមានិត​ចិន​ប្រចាំ​កម្ពុជា​

លោកហ៊ុន ម៉ានី ពេលយកអំណោយទៅ​ចែកជូន​ប្រជាពលរដ្ឋ​ចំនួន​៣៧៥​គ្រួសារ នៅ​ខណ្ឌដង្កោ

​លោក ឃួ​ង ស្រេង អភិបាល​រាជធានី​ភ្នំពេញ​បាន​មានប្រសាសន៍ថា ក្រោម​ការដឹកនាំ​និង​បញ្ជា​ផ្ទាល់​ពីស​ម្តេច​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​គឺ​បាន​ណែនាំ​នឹង​ជំរុញ​ឱ្យ​កងកម្លាំង​ទាំងអស់ ធ្វើយ៉ាងណា​សង្គ្រោះ​ប្រជាពលរដ្ឋ​រងគ្រោះ​និង​ងាយ​រងគ្រោះ ឱ្យមក​កាន់​ទីទួល​សុវត្ថិភាព​បាន​ទាន់ពេលវេលា និង​បាន​ផ្គត់ផ្គង់​ម្ហូប​អាហារ ទឹក​សុទ្ធ បង្គន់​អនាម័យ និង​ទីកន្លែង​ស្នាក់នៅ​បណ្ដោះអាសន្ន​សមរម្យ ពោល គឺ​ពុំមាន​អ្នកណាម្នាក់​ត្រូវ​រងគ្រោះ​បាត់បង់​ជីវិត​នៅឡើយ​» ។ ហើយ​អាជ្ញាធរ និង​រាជ​រដ្ឋាភិបាល នៅតែ​បន្ត​គិត គូរ​ពី​សុខទុក្ខ​របស់​ប្រជាពលរដ្ឋ​រងគ្រោះ​បន្តទៀត ដូចជា​ការផ្តល់​អំណោយ​មនុស្សធម៌ ជាមួយនឹង​ការចែក​អាហារ​ហូបចុក​គ្រប់គ្រាន់ ខណៈ​ដែល​ការសង្គ្រោះ​ប្រជាពលរដ្ឋ​នេះ គឺធ្វើឡើង​ដោយ​មិន​គិតពី​និន្នាការ​នយោបាយ​ឬ​គណបក្ស​ណា​នោះឡើយ​។​

លោកឃួង ស្រេង​ អភិបាលរាជធានីភ្នំពេញពេលយកអំណោយទៅ​ចែកជូន​ប្រជាពលរដ្ឋ​ចំនួន​៣៧៥​គ្រួសារ នៅ​ខណ្ឌដង្កោ
លោក វ៉ាង វិនធាន ឯកអគ្គរដ្ឋទូតសាធារណៈរដ្ឋប្រជាមានិតុចិនពេលយកអំណោយទៅ​ចែកជូន​ប្រជាពលរដ្ឋ​ចំនួន​៣៧៥​គ្រួសារ នៅ​ខណ្ឌដង្កោ

​លោក វ៉ាង វិ​ន​ធាន ឯកអគ្គ​រដ្ឋ​ទូត​សាធារណៈរដ្ឋ​ប្រជាមានិត​ចិន​ប្រចាំ​កម្ពុជា​បាន​មាន​ប្រសាសន៍ ថា​៖ ប្រទេស​ចិន និង​កម្ពុ​ជាមាន​ទំនាក់ទំនង និង​ជា​បងប្អូន​ជាមួយគ្នា​យ៉ាង​ល្អ ចេះ​ជួយ​យកអាសារ​គ្នា​ទៅ វិញ​ទៅមក ហើយ​ក្នុងស្ថានភាព​កម្ពុជា​រង​គ្រោះ​ដោយ​គ្រោះធម្មជាតិ​នេះ រដ្ឋាភិបាល​ចិន​សូម​ចូលរួម​រំលែក ទុក្ខ និង​រួមសុខ​រួមទុក្ខ​ជាមួយ​ប្រជាជន​កម្ពុជា​។​

ក្នុងឱកាស​នោះដែរ​លោក ហ៊ុន ម៉ា​នី សមាជិក​រដ្ឋសភា និង​ជា​ប្រធាន​គណៈកម្មការ អប់រំ យុវជន កីឡា ធម្មការ កិច្ចការ​សាសនា វប្បធម៌​និង​ទេសចរណ៍​នៃ​រដ្ឋ​សភាព បាន​
​​ផ្តាំផ្ញើរ​សូម​បងប្អូន​ដែល​កំពុង​ជួបប្រទះ​នូវ​គ្រោះទឹកជំនន់​ទឹកភ្លៀង​ត្រូវ​គិតគូរ​ពី​បញ្ហា​សុវត្ថិភាព​និង​បង្កើន​ការប្រុងប្រយ័ត្ន​ពី​គ្រោះថ្នាក់​ដែល​បង្កឡើង​ដោយ​ទឹកជំនន់ ជាពិសេស​កុមារ​ដែល​ងាយ​ប្រឈម​នឹង​គ្រោះថ្នាក់​នេះ សំខាន់​ត្រូវ​គិតគូរ​ថែទាំ​សុខភាព​ឱ្យបាន​ល្អ រក្សា​អនាម័យ​ស្អាត បរិភោគ​ទឹក​ដាំ​ឆ្អិន​ឬ​អាហារ​ដែល​ចម្អិន​បានល្អ ចៀសវាង​ជំងឺ​រាតត្បាត​នានា​ដែល​បង្កឡើង​ដោយ​ទឹក និង​ប្រុងប្រយ័ត្ន​ពី​សត្វ​អាសិរពិស​គ្រប់​ប្រភេទ​។​


សូមបញ្ជាក់ថា​ ចាប់ពី​តាំងពី​ថ្ងៃទី​១៣ ខែតុលា​មក គ្រោះទឹកជំនន់​ដែល​បណ្តាល​មក​ទឹក​ទឹកស្ទឹង ព្រែក​ត្នោត បាន​បង្កឱ្យមាន​ការលិចលុង​ផ្ទះសម្បែង​ប្រជាពលរដ្ឋ​ជាច្រើន​ខ្នង​នៅក្នុង​ខណ្ឌដង្កោ ខណ្ឌ​កំបូល និង​មួយផ្នែក​ទៀត​នៅ​ខណ្ឌ​ពោធិ​សែន​ជ័យ ហើយ​ភ្លាមៗ​​នោះ លោក​ឃួ​ង ស្រេង អភិបាល​រាជធានី​ភ្នំពេញ ក្រោម​ការបញ្ជា​ផ្ទាល់​ពីស​ម្តេច​តេ​ជោ​ហ៊ុន សែន បាន​នាំយក​ជំនួយ​មនុស្សធម៌​មាន​គ្រឿង ឧបភោគបរិភោគ​ជាច្រើន​មុខ​រួមទាំង​ថវិកា ទៅ​ចែកជូន​ប្រជាពលរដ្ឋ​រងគ្រោះ​ជា​បន្ត​បន្ទាប់ ដើម្បី​ដោះស្រាយ​ជីវ​ភាព​ក្នុង​អ​ឡុង​ពេល​រងគ្រោះ​ដោយ​ទឹកជំនន់​នេះ​៕​/R

ទីតាំងផ្សាយពាណិជ្ជកម្ម

- Advertisment -

Most Popular

រោងភាពយន្ត លេ​ជិន ផ្អាក​ប...

​ដោយៈ សុផល / ភ្នំពេញៈ រោង...

ក្រោយ​ការធ្វើ​តេស្ត​ជំងឺ​...

​ដោយ​៖ ទេព មង្គល / ភ្នំពេ...

ថ្នាក់ដឹកនាំ​និង​មន្ត្រី​...

ដោយៈ​ដេប៉ូ​/​ភ្នំពេញៈ​ថ្ន...

ក្រសួង​អប់រំ​ប្រកាស​ផ្អាក...

​ដោយ​:​សុផល​/​ភ្នំពេញៈ​ដើ...