ដោយ: ទេពកង្រី / ខេត្តកំពង់ឆ្នាំង: នៅព្រឹកទី២១ ខែតុលា ឆ្នាំ២០២០ លោក ឈួរ ច័ន្ទឌឿន អភិបាលខេត្តកំពង់ឆ្នាំង អមដំណើរដោយលោកឧត្តមសេនីយ៍ត្រី លុយ ឌីណា ស្នងការរង នៃស្នងការដ្ឋាននគរ បាលខេត្ត និងក្រុមការងារស្រុកទឹកផុស បានចុះសួរសុខទុក្ខ និងនាំយកអំណោយរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន មកប្រគល់ជូនដល់គ្រួសារសព របស់ឈ្មោះ ទេព បឿន រងគ្រោះស្លាប់ដោយសារលង់ទឹកពេលទៅកាប់ឫស្សីរួចរួចឆ្លងស្ទឹងត្រូវទឹកកួចលង់ស្លាប់ កាលពីវេលាម៉ោង១២និង៣០នាទី ថ្ងៃទី១៧ ខែតុលា ឆ្នាំ២០២០ កន្លងទៅ។
ការនាំយកអំណោយទៅប្រគល់ជូនដល់ក្រុមគ្រួសារជនរងគ្រោះខាងលើនេះ ធ្វើឡើងនៅគេហដ្ឋានសព ស្ថិតក្នុងភូមិជីប្រង ឃុំជៀប ស្រុកទឹកផុស ខេត្តកំពង់ឆ្នាំង។
សូមបញ្ជាក់ថា៖ អំណោយដែលប្រគល់ជូនក្រុមគ្រួសារ រួមមាន ថវិកាចំនួន១០,០០០,០០០៛(ដប់លានរៀល) ជាអំណោយដ៍ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន និងអង្ករចំនួន១០០គីឡូក្រាម ជាអំណោយរបស់លោក ឈួរ ច័ន្ទឌឿន អភិបាលខេត្តកំពង់ឆ្នាំង ។
ក្នុងឱកាសនោះផងដែរ លោក ឈួរ ច័ន្ទឌឿន បានឧបត្ថម្ភថវិកាផ្ទាល់ខ្លយនចំនួន ៣,០០០,០០០៛ (បីលានរៀល) កសាងសាលាបុណ្យឃុំជៀបដើម្បីឲ្យប្រជាពលរដ្ឋមានទីកន្លែងធ្វើបុណ្យទានសមរម្យ និងគាំទ្រដល់ព្រះពុទ្ធសាសនាដែលជាសាសនារបស់រដ្ឋ៕ ល
