ដោយៈសៅវ៉ាន់ឌី/ព្រះវិហារ៖លោកឧត្តមសេនីយ៍ឯកនាក់យុទ្ធនាអគ្គលេខាធិការស្តីទីនៃអាជ្ញាធរជាតិប្រយុទ្ធប្រឆាំងគ្រឿងញៀន,លោកស៊ូសិរីអភិបាលរងខេត្តព្រះវិហារនិងជាប្រធានលេខាធិការដ្ឋានគ្រឿងញៀនខេត្តបានអញ្ជើញជាគណៈអធិបតីក្នុងពិធីបើកវគ្គបណ្តុះបណ្តាលស្តីពីការពង្រឹងសមត្ថភាពមន្ត្រីអនុវត្តច្បាប់ជួរមុខកាលពីថ្ងៃទី២០តុលាឆ្នាំ២០២០។
វគ្គបណ្តុះបណ្តាលនេះ បានធ្វើឡើងមានរយៈពេល ៣ថ្ងៃចាប់ថ្ងៃទី២០តុលាដល់ថ្ងៃទី២២តុលា ឆ្នាំ២០២០ដែលមានការចូលរួមពីលោកឆាវ៉ាលុតថុងជាវទីប្រឹក្សាអមស្ថានទូតថៃទទួលបន្ទុកគ្រឿងញៀនតំណាងក្រុមប្រឹក្សាត្រួតពិនិត្យគ្រឿងញៀនថៃ”ONCB”។លោកឧត្តមសេនីយ៍ត្រីឡុងសំអឿនប្រធាន-អនុប្រធាននាយកដ្ឋាន,ស្នងការរងនគរបាលខេត្តព្រះវិហារ។
លោក ស៊ូ សិរី អភិបាលរងខេត្តបានថ្លែងថា៖រដ្ឋបាលខេត្តព្រះវិហារ មានវិស័យជាអទិភាពសំខាន់ៗ ចំនួន៩។ក្នុងនោះវិស័យកសិកម្មរុក្ខាប្រមាញ់និងនេសាទ,វិស័យបរិស្ថាន,វិស័យទេសចរណ៍,វិស័យរ៉ែនិងថាមពល,វិស័យអប់រំ,វិស័យធនធានទឹកនិងឧតុនិយម,វិស័យសុខាភិបាល,ហេដ្ឋារចនាសម្ព័ន្ធប័ណ្ណសមធម៌និងការអនុវត្តកម្មវិធីឧបត្ថម្ភសាច់ប្រាក់។
លោកអភិបាលរងខេត្តមានប្រសាសន៍ ដាក់វិធានការ និងណែនាំដល់មន្ត្រីអនុវត្តច្បាប់ទាំងអស់ ។ជាពិសេសមន្ត្រីចំណុះរដ្ឋបាលខេត្តព្រះវិហារ ត្រូវម្ចាស់ការអនុវត្តឱ្យកាន់តែមានប្រសិទ្ធភាពនូវតួនាទី និង ភារកិច្ចរបស់ខ្លួន។ក្នុងការបង្ការទប់ស្កាត់បង្ក្រាបនិងដោះស្រាយរាល់បញ្ហាដែលមានការពាក់ព័ន្ធនឹង គ្រឿងញៀន។ត្រូវបន្តនិងបង្កើនសកម្មភាពប្រយុទ្ធប្រឆាំងគ្រឿងញៀនឱ្យកាន់តែខ្លាំងថែមទៀត។
លោកឆាវ៉ាលុតថុងជាវទីប្រឹក្សាអមស្ថានទូតថៃទទួលបន្ទុកគ្រឿងញៀនតំណាងក្រុមប្រឹក្សាត្រួតពិនិត្យគ្រឿងញៀនថៃ”ONCB”បានថ្លែងថា៖ ប្រទេសកម្ពុជា និងប្រទេសថៃ សុទ្ធតែរងឥទ្ធិពលពីបញ្ហា គ្រឿងញៀន ក៏ដូចប្រទេសដ៏ទៃទៀត លើពិភពលលោកផងដែរ។
លោកសង្ឃឹមថាសិក្ខាកាមនឹងទទួលបានបទពិសោធន៍ជំនាញពីគ្រូឧទ្ទេសនាមអាជ្ញាធរជាតិប្រយុទ្ធប្រឆាំងគ្រឿងញៀន និងការិយាល័យក្រុមប្រឹក្សាត្រួតពិនិត្យគ្រឿងញៀនថៃ នឹងគាំទ្រលើ ផ្នែកជំនាញ គ្រប់សកម្មភាព និងទទួលបានការសហការ ពីមន្ត្រីអនុវត្តច្បាប់ជួរមុខ ផងដែរ៕S/
