Home ព័ត៌មានអន្តរជាតិ ក្រុមហ៊ុន​អាក...

ក្រុមហ៊ុន​អាកាសចរណ៍​ហុក​កុង​កាត់បន្ថយ​ការងារ​ចំនួន​៨.៥០០​នាក់​និង​បិទ​ក្រុមហ៊ុន​អាកាសចរណ៍​ក្នុង​តំបន់​

​ក្រុមហ៊ុន​អាកាសចរណ៍​ហុងកុង Cathay Pacific Airways​បាន​និយាយ​នៅ​ថ្ងៃ​ពុធ​ទី​២១​ខែតុលា ថា​ខ្លួន​នឹង​កាត់បន្ថយ​ការងារ​ចំនួន ៨.៥០០​នាក់​និង​បិទ​ក្រុមហ៊ុន​អាកាសចរណ៍​ក្នុង​តំបន់​​ខណៈ​ដែល​ពេល​ដែល​ខ្លួន​ប្រឈម​នឹង​ការធ្លាក់ចុះ​នៃ​ការធ្វើដំណើរ​តាម​ផ្លូវអាកាស​ដោយសារ​តែ​ជំងឺ​រាតត្បាត​កូវី​ដ​១៩​។​

​ក្រុមហ៊ុន​នេះ​បាន​និយាយ​នៅក្នុង​សេចក្តីថ្លែងការណ៍​មួយ​ថា និយោជិត​ប្រហែល ៥.៣០០ នាក់ ដែល​មាន​មូលដ្ឋាន​នៅ​ក្រុង​ហុងកុង​និង ៦០០ នាក់​ផ្សេង​ទៀត​នៅ​កន្លែង​ផ្សេង​ទៀត​ទំនងជា​បាត់បង់​​ការងារ​របស់​ពួកគេ ហើយ​មុខ​តំណែង​នៅ​ទំនេរ​ចំនួន​២.៦០០​តំណែង​នឹង​ត្រូវ​បាន​កាត់ចោល​។ ការកាត់បន្ថយ​នេះ​គឺ​ប្រហែល ២៤ ភាគរយ​នៃ​កម្លាំង​ការងារ​របស់​ក្រុមហ៊ុន​នេះ​។​

​ក្រុមហ៊ុន​នេះ​ក៏​នឹង​បិទ​ក្រុមហ៊ុន​Cathay Dragon ដែលជា​ក្រុមហ៊ុន​អាកាសចរណ៍​ក្នុង​តំបន់​របស់​ខ្លួន​ផង​ដែរ​ឈប់​ដំណើរការ​ចាប់ពី​ថ្ងៃ​ពុធ​នេះ​តទៅ​។

​នាយក​ប្រតិបត្តិ​ក្រុមហ៊ុន Cathay Pacific Airways លោក​អូ​ហ្គូស​ទូស តាង បាន​និយាយ នៅក្នុង​សេចក្តីថ្លែងការណ៍​ថា​ការរៀបចំ​រចនាសម្ព័ន្ធ​ឡើងវិញ​នេះ​គឺ​ដើម្បី​កាត់បន្ថយ​ការចំណាយ​ច្រើនជាង​​ចំណូល​របស់​ក្រុមហ៊ុន​ចំនួន​៥០០ លាន​ដុល្លារ​ហុងកុង (៦៤,៥ លាន​ដុល្លារ​អាម៉េរិក​)​ក្នុង​មួយខែ​គឺ​ពី​ប្រមាណ ១,៥ ពាន់​លាន​ដុល្លារ​ហុងកុង (១៩៣.៥ លាន​ដុល្លារ​អាម៉េរិក​) ដល់ ២ ពាន់​លាន​ហុងកុង (២៥៨ ​លាន​ដុល្លារ​អាម៉េរិក​) នៅពេល​បច្ចុប្បន្ន​៕

​យន្តហោះ​របស់​ក្រុមហ៊ុន​Cathay Pacific Airways ហោះ​ចេញពី​អាកាសយានដ្ឋាន​ក្រុងហ៊ុង​កុង​កាលពី​ថ្ងៃទី​៦​ខែ​មីនា​ឆ្នាំ​២០២០

ទីតាំងផ្សាយពាណិជ្ជកម្ម

- Advertisment -

Most Popular