Home ព័ត៌មានអន្តរជាតិ ថៃ​ស្វាគមន៍​ទ...

ថៃ​ស្វាគមន៍​ទេសចរ​វិល​មក​ក្រុង​បាងកក​

​ថៃ​បាន​ទទួល​អ្នកទេសចរ​មួយ​ក្រុម​មក​ពី​ប្រទេស​ចិន​កាលពី​ថ្ងៃ​អង្គារ​ទី​២០​តុលា និង​ជា​ក្រុម​អ្នកទេសចរ​ដំបូង​ដែល​បាន​ធ្វើដំណើរ​តាម​យន្តហោះ​ពាណិជ្ជកម្ម​បន្ទាប់​ពី​ជើងហោះហើរ​ដូច្នេះ​ត្រូវ​បាន​ហាម​​ឃាត់​ចាប់តាំងពី​ខែ​មេសា​មក​ដើម្បី​ប្រយុទ្ធប្រឆាំង​នឹង​ជំងឺ​កូវី​ដ​១៩ ។​

​អ្នកទេសចរ​៣៩​នាក់​មក​ពី​ក្រុង​សៀង​ហៃ បាន​មកដល់​កាលពី​យប់​ថ្ងៃ​អង្គារ ដោយ​ទូរទស្សន៍​ថៃ​បង្ហាញ​អ្នកទេសច​រពាក់​ម៉ាស់​មុខ​ធ្វើដំណើរ​ចេញពី​អាកាសយានដ្ឋាន​សុវណ្ណ​ភូមិ ហើយ​ពួក​មន្ត្រី​ប្រដាប់​ដោយ​​គ្រឿង​បរិក្ខា​ការពារ បាន​បាញ់ថ្នាំ​សម្លាប់​មេរោគ​ដាក់​ហិប​អីវ៉ាន់​អ្នកដំណើរ​។​នៅ​ខាងក្រៅ អ្នកទេសចរ​ខ្លះ​ពាក់​ខែល​មុខ​និង​ពាក់​ស្រោមដៃ​ជ័រ នៅ​ពេល​ពួកគេ​ត្រៀម​ឡើង​ជិះរ​ថយ​ន្រក្រុង​ទៅកាន់​សណ្ឋាគារ​។​

​ការមកដល់​របស់​ទេស​ចរ​នេះ​កើតឡើង​ចំពេល​ការតវ៉ា​ប្រឆាំង​រដ្ឋាភិបាល​នៅ​បន្ត​ផ្គើន​នឹង​បំរាម​ហាម​ជួបជុំ​មនុស្ស​ចាប់ពី​៥​នាក់​ឡើង ក្រោយ​ពី​អាជ្ញាធរ​បាន​ប្រកាស​ប្រើ​ច្បាប់​គ្រាអាសន្ន​ធ្ងន់ធ្ងរ​មួយ​នៅ​​ក្រុង​បាងកក​។​

​ភាពវឹកវរ​នេះ​មិន​បាន​ប៉ះពាល់​ការចាប់អារម្មណ៍​នៅក្នុង​ប្រទេស​ទេ នេះ​បើ​តាម​ប្រធាន​អាជ្ញាធរ​ទេសចរណ៍​ថៃ លោក យុទ្ធ​ថា​សាក់ ស៊ូផា​សន បាន​ប្រាប់​សារព័ត៌មាន​រ៉​យ​ទ័រ​កាលពី​ថ្ងៃ​ពុធ​។​លោក​បាន​និយា​​យ​ថា «​មិន​មាន​ការលុបចោល ឬ​ការ​សួរ​អំពី​សភាពការណ៍​នយោបាយ​ទេ​តាំងពី​មុន​មក និង​ពួក​គេ​បាន​តាមដាន​ព័ត៌មាន​នេះ​»​។​

​បាតុកម្ម​ដឹកនាំ​ដោយ​ក្រុមនិស្សិត ដែល​ទាក់ទាញ​មនុស្ស​រាប់ពាន់​នាក់​បាន​ចូល​កាន់កាប់​ផ្លូវបំបែក​ដ៏​មមាញឹក​អស់​ពេល​ជាច្រើន​ម៉ោង​មុន​បំបែក​ដោយ​សន្តិវិធី​។​ក្នុង​ឧបទ្ទវហេតុ​មួយ​កាលពី​សប្តាហ៍​មុន ប៉ូលិស​បាន​បាញ់​ទឹក​លាយ​សារធាតុ​គីមី​អោយ​ផ្សា​ភ្នែក​ដាក់​ហ្វូង​បាតុករ ក្រោយ​រដ្ឋាភិបាល​ប្រកាស​ប្រើ​ច្បាប់​គ្រាអាសន្ន​ភ្លាម​។​

​ប្រទេស​ដែល​ពឹង​លើ​ទេសចរណ៍​នេះ អាច​ទាក់ទាញ​ទេសចរ​បរទេស​បាន​តែ​៦,៧​លាន​នាក់​នៅ​ឆ្នាំនេះ គឺ​មិន​ដល់​១​ភាគ​៥​នៃ​ចំនួន​ទេសចរ​៣៩,៨​លាន​នាក់​ដែល​ថៃ​ទទួលបាន​នៅ​ឆ្នាំ​២០១៩​។​

​រដ្ឋាភិបាល​ថៃ​បាន​ហាមប្រាម​ជើងហោះហើរ​ពាណិជ្ជកម្ម​នៅ​ខែ​មេសា​ដើម្បី​ទប់ស្កាត់​កូវី​ដ​១៩​កុំអោយ​រីក​រាលដាល​ខ្លាំង ហើយ​ករណី​ឆ្លង​ថ្មីៗ​ចាប់តាំងពី​ពេលនោះ​មាន​ភាគច្រើន​កើ​លើ​ជនជាតិ​ថៃ​ដែល​វិល​​មកពី​ក្រៅ​ប្រទេស​ប៉ុណ្ណោះ​។​ប្រទេស​នេះ​មាន​អ្នក​ឆ្លងកូវី​ដ​១៩ សរុប​ប្រមាណ​៣.៧០០​នាក់​។​

​អ្នកទេសចរ​ថ្មី​ទាំង​នេះ​ចូល​មក​តាម​ទិដ្ឋាកា​ពិសេស​៩០​ថ្ងៃ និង​ត្រូវ​ធ្វើ​ចត្តា​ឡី​ស័ក​២​សប្តាហ៍ ដោយ​៧​ថ្ងៃ​នៅក្នុង​បន្ទប់​សណ្ឋាគារ និង​៧​ថ្ងៃ​នៅក្នុង​បរិវេណ​សណ្ឋាគារ ហើយ​ត្រូវ​ធ្វើតេស្តិ៍​អវិជ្ជមាន​៣​ដង​មុន​អាច​​ចេញ​ទៅ​ដើរលេង​ដោយ​សេរី​។​

​អ្នកទេសចរ​ក្នុង​ក្រុមទី​២១៤៧​នាក់​នឹង​មក​ពី​ក្រុង ក្វាង​ចូ​វ ប្រទេស​ចិន ។​ពួកគេ​នឹង​មកដល់​ថ្ងៃ​២៦​តុលា និង​ច្រើន​ទៀត​នឹង​មក​ដល់​នៅ​ខែក្រោយ​៕​ប្រែ​សម្រួល​៖​វាសនា​

អ្នកទេសចរ​ចិន​មក​ដល់​ថៃ​តាម​ទិដ្ឋាកា​ពិសេស​រយៈ​៩០​ថ្ងៃ​

ទីតាំងផ្សាយពាណិជ្ជកម្ម

- Advertisment -

Most Popular

សមាគមគ្រូពេទ្យស្ម័គ្រចិត្...

   ដោយ:មុនីរ័ត្ន/ភ្នំពេញ:...

មេបញ្ជាការកងទ័ពជើងគោកឧបត្...

ដោយ: មុនីរ័ត្ន,សុខុម/ភ្...

រកឃើញអ្នកប៉ះពាល់ផ្ទាល់និង...

ដោយ:មុនីរ៍ត្ន/ភ្នំពេញៈ ...

មេ​តំ​ហ្វេ​តា​មីន ៣០ កញ្ច...

​ដោយៈ ទេព មង្គល​- គ្រញូង ...