ដោយៈអង្គារហេង/ភ្នំពេញៈមន្ត្រីក្រុមការងារបានប្រាប់ឲ្យដឹងថាកាលពីព្រឹកទី២១ ខែតុលា ឆ្នាំ២០២០បណ្ឌិត ប៉ែន ស៊ីម៉ន អ្នកតំណាងរាស្ត្រមណ្ឌលកំពត និងជាប្រធានគណៈកម្មការទី១០ នៃរដ្ឋសភានិងប្រធានកិត្តិយសសាខាកាកបាទក្រហមកម្ពុជា និង កិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្ត្រី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងជាប្រធានក្រុមការងារថ្នាក់ជាតិចុះមូលដ្ឋានខេត្តកំពតលោក ជឹង ផល្លា ប្រធានក្រុមប្រឹក្សាខេត្តកំពត លោក ជាវ តាយ អភិបាលខេត្តកំពតលោកលោកស្រីអ្នកតំណាងរាស្ត្រមណ្ឌលកំពជាច្រើនរូបទៀតបានអញ្ជើញចុះជួបសួរសុខទុក្ខនិងចែកអំណោយសាខាកាកបាទក្រហមខេត្តកំពតជូនប្រជាពលរដ្ឋរងគ្រោះដោយទឹកជំនន់មកពី៥ ភូមិ ឃុំវត្តអង្គខាងត្បូង នៅស្រុកបន្ទាយមាស ចំនួន ១.០៣០គ្រួសារ ។
មានប្រសាសន៍នាកាសនោះ បណ្ឌិត ប៉ែន ស៊ីម៉ន បានពាំនាំនូវការផ្ដាំផ្ញើ សាកសួរសុខទុក្ខពីសំណាក់ សម្ដេចអគ្គមហាសេនា បតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្ដេចកិតិ្តព្រឹទ្ធបណ្ឌិត ប៊ុន រ៉ានី ហ៊ុន សែន ដែលសម្ដេចទាំងទ្វេ តែងតែគិតគូរពីសុខទុក្ខរបស់ប្រជាពលរដ្ឋ នៅគ្រប់កាលៈទេសៈ។ បណ្ឌិតក៏ បានកោតសរសើរ ចំពោះទឹកចិត្តដ៏សប្បុរសជននានាក្នុងខេត្តកំពត ក្នុងការជួយប្រជាពលរដ្ឋ ដែលកំពុងទទួលរងគ្រោះដោយទឹកជំនន់ក្នុងខេត្តកំពតនាពេលនេះ។
អំណោយដែលផ្តល់ជូនក្នុងមួយគ្រួសារទទួលបាន មីមួយកេស ទឹកស៊ីអ៊ីវមួយយួរ ទឹកត្រីមួយយួរ អង្ករ ២៥ គីឡូក្រាម និងថវិកា ៤ ម៉ឺនរៀល ។ក្នុងនោះក៏បានចែកថវិកា ជូន យុវជនស្ម័គ្រចិត្ត យុវជនកាកបាទក្រហម គ្រូពេទ្យ កងកម្លាំងប្រដាប់អាវុធចូលរួមក្នុងពិធី ៧២នាក់។ សរុបជាថវិកា ៤២លាន៦៤ម៉ឺនរៀល ។ ការចូលរួមចែកអំណោយជូនប្រជាជនរងគ្រោះដោយទឹកជំនន់ នៅឃុំវត្តអង្គខាងត្បូង កិត្តិសេដ្ឋាបណ្ឌិត ទេសរដ្ឋមន្ត្រី និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពត បានពាំនាំនូវអំណោយមួយចំនួន ជូនរដ្ឋបាលស្រុកបន្ទាយមាសមានៈ ម៉ាសប្រាំកេស(១៣.០០០ ម៉ាស),ថ្នាំពេទ្យ (គីណាល់)១១កេស និង២១ប្រអប់, អាល់កុលបួនកាន ស្មើនឹង១២០ លីត្រ, នំចម្រុះ៥៦០ កញ្ចប់ (ចែកជូនប្រជាជនទទួលទាននៅនឹងកន្លែង)៕សរន