ក្លិបស្ពឺរ( Spurs) នឹងបង្វែរចំណាប់អារម្មណ៍របស់ខ្លួនមកលើអនាគតរបស់ក្រុមបច្ចុប្បន្នរបស់ ខ្លួនស្របពេលកីឡាករ សន់ ហឿងមីន (Son Heung Min) គ្រោងនឹងទទួលបានកិច្ចសន្យាថ្មី។
ក្លិប Spurs បានចំណាយប្រាក់ច្រើននៅរដូវកាលទិញដូរកីឡាករ ដោយនាំចូលកីឡាករថ្មី៧ រូបសម្រាប់ក្រុមជម្រើសដំបូង ហើយកីឡាករចុងក្រោយដែលក្លឹបនេះបានចុះកិច្ចព្រមព្រៀង ផ្ទេរគឺខ្សែការពារ ចូ រ៉ូឌិន (Joe Rodon) របស់ក្លិប Swansea ។
ប៉ុន្តែក្លិបនេះនៅពេលនេះនឹងផ្តោតការយកចិត្តទុកដាក់លើកិច្ចសន្យាចាស់របស់ក្រុមបច្ចុប្បន្ន ហើយគ្រោងឲ្យកីឡការ សន់ ហឿងមីន ពន្យារកិច្ចសន្យាបន្ថែមទៀត។
កីឡាករវ័យ២៨ឆ្នាំរូបនេះ បានក្លាយជាផ្នែកសំខាន់របស់លោក ចូសេ ម៉ូរីញ៉ូ (Jose Mourinho) ដែលធ្វើបានល្អ អំឡុងពេលប្រកួតជាមួយក្រុម វេសហេម(West Ham) ហើយកីឡាកររូបនេះ រកបាន១៨គ្រាប់ហើយចាប់តាំងពីគ្រូបង្វឹកសញ្ជាតិព័រទុយហ្គាល់រូបនេះចូលមកដឹកនាំ។
សន់ នឹងឈានដល់រយៈពេលពីរឆ្នាំចុងក្រោយនៃកិច្ចសន្យារបស់ខ្លួននៅដំណាច់រដូវកាលនេះ។ លោក ដានីញែល ឡេវី (Daniel Levy) ប្រធានក្លិប Spurs មិនមានទម្លាប់ឲ្យកីឡាករឈាន ដល់រយៈពេលពីរឆ្នាំចុងក្រោយនៃកិច្ចសន្យារបស់ខ្លួននោះទេ ដោយមិនចង់ឲ្យបាត់បង់កីឡាករ ដោយឥតតម្លៃខ្លួនផ្ទេរ៕ ប្រែសម្រួល: ពិសិដ្ឋ
