Home ព័ត៌មានជាតិ សន្តិសុខ ​ក្លិប​កម្សាន...

​ក្លិប​កម្សាន្ត ៥៥ ត្រូវ​អគ្គិភ័យ​ឆេះ ទាំងស្រុង​នៅ​ខណ្ឌដូនពេញ​

ដោយៈ​ចាន់តូ​/​ភ្នំពេញ​៖ ទីតាំង​ក្លិប​កម្សាន្ត ៥៥ ត្រូវបាន​អគ្គិភ័យ​ឆាបឆេះ អស់ទាំង​ស្រុង បង្ក​ការ​ភ្ញាក់​ដល់​ប្រជាពលរដ្ឋ​ជិតខាង​តែ​សំណាងល្អ​មិន​បង្ក​ឱ្យ​រាលដាល​ដល់ផ្ទះ​ប្រជាពលរដ្ឋ​និង​មាន​មនុស្ស​រងរបួស​ឡើយ​។ ហេតុការណ៍​នេះ​បង្ក​ការភ្ញាក់ផ្អើល​កាលពី​វេលា​ម៉ោង​៥​និង​៣០​នាទី ថ្ងៃទី​២១ ខែតុលា ឆ្នាំ​២០២០ នៅ​ផ្លូវ​លេខ​៥៥ កែង​ផ្លូវ​លេខ​២៤០ ក្នុង​សង្កាត់​ចតុមុខ ខណ្ឌដូនពេញ​។

​តាម​ប្រភពព័ត៌មាន​ពី​អាជ្ញាធរ​មូលដ្ឋាន​បានឱ្យដឹងថា ទីតាំង​ក្លិប​នេះ គឺ​ត្រូវបាន​បិទ​ជា​យូរ​មកហើយ ។​តែ​រាល់ថ្ងៃ​មាន​ជាង​កំពុង​វាយ​កម្ទេចចោល ខណៈ​នៅ​ល្ងាច​ថ្ងៃកើតហេតុ​នេះ ស្រាប់​តែមាន​ហ៊ុយ​ផ្សែង បង្ក​ជា​អណ្ដាតភ្លើង​ឆេះ​តែម្ដង​។ ភ្លាមៗ​នោះ​ប្រជាពលរដ្ឋ​ក៏បាន​រាយការណ៍​ជូន​សមត្ថកិច្ច​មូលដ្ឋាន និង​ទាក់ទង​ទៅ​នគរបាល​ជំនាញ​បង្ការ​និង​ពន្លត់​អគ្គិភ័យ ចេញ​ជួយ​បាញ់​ទឹក​អន្តរាគមន៍ ជៀសវាង​បង្ក​ការ​រាលដាល​ដល់ផ្ទះ​ប្រជាពលរដ្ឋ​ដែល​នៅ​ជិតខាង​ទីតាំង​ក្លិប​។​

​ក្រោយពេល​កើតហេតុ​អាជ្ញាធរ​ចុះមក​ជួយ​អន្តរាគមន៍​និង យក អេ​ស្កា​វា​ទ័​រ មក​កាយ​ទំ​លុះ​ជញ្ជាំង​ក្លិប ដើម្បី​បង្ក​ការងាយស្រួល​ក្នុង​ការជួយ​បាញ់​ទឹក​ពន្លត់​ទាន់ពេលវេលា​។ ក្នុង​ប្រតិបត្តិការ​នេះដែរ​រថយន្ត​ពន្លត់​អគ្គិភ័យ​មកដល់​កន្លែង​កើតហេតុ​ចំនួន​១២​គ្រឿង សមត្ថកិច្ច​បាន​ប្រើប្រាស់​រថយន្ត​ពន្លត់​អគ្គិភ័យ​អស់​ចំនួន ២០​រថយន្ត​ទើប​រលត់​ជា​ស្ថាពរ​។ សូមបញ្ជាក់​ផងដែរ​ចំពោះ​ការខូចខាត​គឺ​ទាំងស្រុង​តែ​សំណាងល្អ​មិន​បង្កឱ្យមាន​មនុស្ស​រងរបួស​ឡើយ​៕S/​

ទីតាំងផ្សាយពាណិជ្ជកម្ម

- Advertisment -

Most Popular

លែងត្រីគល់រាំង និងត្រីផ្ស...

ដោយ:ទេព មង្គល / ព្រៃវែង: ...

​ព្រឹកស្អែក​ប្រមុខ​រាជរដ្...

​ដោយៈ​តារា​រិ​ទ្ធ​/​ភ្នំព...

អាម៉េរិក​ថា​ការ​ដែល​បញ្ជូ...

​ប្រែ​សម្រួលៈ​វាសនា/វ៉ាស៊...

ចាប់ផ្តើមយកសំណាករកមេរោគកូ...

ដោយ:ភ្នំស្វាយ  / បន្ទាយមា...