ដោយៈ ទេពកង្រី / កំពង់ឆ្នាំងៈ សមត្ថកិច្ចនគរបាលប្រឆាំងគ្រឿងញៀន ខេត្តកំពង់ឆ្នាំង សហការជាមួយនគរបាល ស្រុករលាប្អៀ បានបង្ក្រាបបទល្មើស គ្រឿងញៀន មួយករណី នៅវេលាម៉ោងប្រមាណជា ១២ ថ្ងៃទី២១ ខែតុលា ឆ្នាំ២០២០ នៅភូមិព្រៃខ្មែរ ស្រុករលាប្អៀរ ខេត្តកំពង់ឆ្នាំង ដោយបានឃាត់ខ្លួន ជនសង្ស័យម្នាក់ រួមនឹងវត្ថុតាងថ្នាំញៀន ១២ កញ្ចប់ ។
សមត្ថកិច្ច ដែលស្ថិតនៅក្នុងការបង្រា្កប បានឲ្យដឹងថាៈ ក្នុងករណីនេះ សមត្ថកិច្ចបានឃាត់ខ្លួនជនសង្ស័យ ចែកចាយថ្នាំញៀនម្នាក់ ឈ្មោះ កាន និត ហៅ តុង ភេទប្រុស អាយុ ១៦ឆ្នាំ រស់នៅក្នុងភូមិឃុំស្រុក កើតហេតុខាងលើ រួមនឹងវត្ថុតាងថ្នាំញៀន ១២ កញ្ចប់ និងសម្ភារផ្សេងៗមួយចំនួន។ ចំណែកម្ចាស់ផ្ទះ ដែលផ្ដល់ទីតាំងជក់ថ្នាំ នៅភូមិអណ្ដូងច្រុះ ឃុំរលារប្អៀរ ស្រុករលាប្អៀរ បានរត់គេចខ្លួន ហើយសមត្ថកិច្ច កំពុងស្រាវជ្រាវ បន្តតាមចាប់ខ្លួនផងដែរ ៕S/
