​នាយក​កម្មវិធី​ស្បៀងអាហារ​ពិភពលោកៈ​WFP​និង​បន្ត​ឧបត្ថម្ភ​គាំទ្រ​ដល់​រាជរដ្ឋាភិបាល​កម្ពុជា​ក្នុង​ភាពជា​ដៃគូ​ដ៏​ល្អ​

​ដោយៈ មុនី​រ័ត្ន​/​ភ្នំពេញៈ នាយក​កម្មវិធី​ស្បៀងអាហារ​ពិភពលោក​(WFP)​ប្រចាំ​កម្ពុជា​បាន​បញ្ជាក់ថា កម្មវិធី​ស្បៀងអាហារ​ពិភពលោក​និង​បន្ត​ឧបត្ថម្ភ​គាំទ្រ​ដល់​រាជរដ្ឋាភិបាល​កម្ពុជា ក្នុង​ភាពជា​ដៃគូ​ដ៏​ល្អ ជាពិសេស​ជាមួយ​ក្រសួងផែនការ​បន្ត​នូវ​កិច្ចសហប្រតិបត្តិការ​ដ៏​ជិតស្និទ​ជាមួយនឹង​ការឧបត្ថម្ភ​គាំទ្រ​លើ​ការងារ​ធ្វើអោយ​ប្រសើរឡើង​នូវ​ទិន្នន័យ​អត្តសញ្ញាណ​កម្ម​គ្រួសារ​ក្រីក្រ និង​ជន​ងាយ​រងគ្រោះ ប្រព័ន្ធ​ទិន្នន័យ​តាម​ប្រព័ន្ធ​ឌីជីថល​, កម្មវិធី​បញ្ចូល​មីក្រូ​សារជាតិ​ក្នុង​អាហារ​, ការងារ​អង្កេត​សេដ្ឋកិច្ច​-​សង្គមកិច្ច​, ការងារ​អង្កេត​ប្រជាសាស្ត្រ និង​សុខភាព រួម​នឹង​ការងារ​អង្កេត​សំខាន់ៗ​មួយចំនួនទៀត​ផងដែ​រ​។

​ការបញ្ជាក់​នេះ បាន​ធ្វើឡើង​នៅក្នុង​ជំនួប​ពិភាក្សា​ការងារ​ជាមួយ​លោក​កិត្តិ​សេដ្ឋា​បណ្ឌិត ឆាយ ថន ទេសរដ្ឋមន្ត្រី រដ្ឋមន្ត្រី​ក្រសួងផែនកា​រ នៅ​ថ្ងៃទី​២១ ខែតុលា ឆ្នាំ​២០២០ នៅ​ទីស្តីការ​ក្រសួងផែនការ​។​
​ ​លោកស្រី Claire Conan ជា​តំណាង និង​នាយក​កម្មវិធី​ស្បៀងអាហារ​ពិភពលោក​(WFP)​ប្រចាំ​ព្រះរាជាណាចក្រ​កម្ពុជា​បាន​បន្តថា កិច្ចសហប្រតិបត្តិការ​ដ៏​ល្អ​ក្នុង​ភាពជា​ដៃគូ​រវាង​កម្មវិធី​ស្បៀងអាហារ​ពិភពលោក និង​រាជរដ្ឋាភិបាល​កម្ពុជា និង​ជាមួយ​ក្រសួងផែនការ​ដែល​ក្នុងនោះ​កម្មវិធី​ស្បៀងអាហារ​ពិភពលោក បាន​ឧបត្ថម្ភ​គាំទ្រ និង​បានធ្វើការ​យ៉ាង​ជិតស្និទ​ជាមួយ​អគ្គនាយកដ្ឋាន​ផែនការ និង វិទ្យាស្ថាន​ជាតិ​ស្ថិតិ នៃ​ក្រសួងផែនការ​ផងដែរ​។​


​ជាការ​ឆ្លើយតប លោក​កិត្តិ​សេដ្ឋា​បណ្ឌិត ឆាយ ថន បាន​ថ្លែង​នូវ​ការស្វាគមន៍​ចំពោះ​វត្តមាន​លោកស្រី​នៅ​ព្រះរាជាណាចក្រ​កម្ពុជា ជាមួយនឹង​ការសម្តែង​នូវ​អំណរគុណ​ចំពោះ​កិច្ចសហប្រតិបត្តិការ​ប្រកប​ដោយ​ផ្លែផ្កា​រវាង​កម្មវិធី​ស្បៀងអាហារ​ពិភពលោក​ជាមួយ​រាជរដ្ឋាភិបាល​កម្ពុជា និយាយ​ជារួម និង​និយាយ​ដោយឡែក កម្មវិធី​ស្បៀងអាហារ​ពិភពលោក​ជាមួយនឹង​ក្រសួងផែនការ ។​

​លោក​កិត្តិ​សេដ្ឋា​ប​ណ្ឌ​ត បាន​បន្តថា នា​ឆ្នាំក្រោយ​ក្រសួងផែនការ រួម​នឹង​ដៃគូ​ជំនួយ នឹង​ចាប់ផ្តើម​ដំណើរការ​ការងារ​អង្កេត​ចន្លោះ​ជំរឿន​កសិកម្ម , អង្កេត​ប្រជាសាស្ត្រ និង​សុខភាព ដែលជា​ប្រភព​ទិន្នន័យ​បន្ថែម​សម្រាប់​ចូលរួម​ដំណើរការ​វាយតម្លៃ​អំពី​ស្ថានភាព​សុខភាព​នៃ​ប្រជាពលរដ្ឋ​កម្ពុជា​ដើម្បី​រៀបចំ​ជា​គោលនយោបាយ​គាំទ្រ​ដល់​ការអនុវត្ត​និង​សម្រេចបាន​ក្នុង​ក្របខណ្ឌ​គោលដៅ​អភិវឌ្ឍន៍​ប្រកបដោយ​ចីរភាព​សកល ,​ក្របខណ្ឌ​គោលដៅ​អភិវឌ្ឍន៍​ប្រកបដោយ​ចីរភាព​កម្ពុជា​, ផែនការ​យុទ្ធសាស្ត្រ​អភិវឌ្ឍន៍​ជាតិ​,​កម្មវិធី​វិនិយោគសាធារណៈ​និង​យុទ្ធសាស្ត្រ​ចតុកោណ​ដំណាក់កាល​ទី​៤ របស់​រាជរដ្ឋាភិបាល​កម្ពុជា​។ យើង​(​កម្ពុជា​) នឹង​ដៃគូ​អភិវឌ្ឍន៍ សង្ឃឹម​យ៉ាង​មុតមាំ​ថា នឹង​អាច​សម្រេចបាន​ក្នុង​កម្រិត​មួយ​ខ្ពស់​ជាមួយគ្នា​ក្នុងការ​អនុវត្ត​និង​គាំទ្រ​ដល់​គោលនយោបាយ​របស់​រាជ​រដ្ឋាភិបាល​កម្ពុជា ដែល​បាន​ដាក់ចេញ​។​

​លោក​កិត្តិ​សេដ្ឋា​បណ្ឌិត បាន​បន្ថែមថា ក្នុងដំណាក់កាល​នេះ កម្ពុជា​កំពុងមាន​ប្រឈម​ខ្លាំង ដោយសារ​ជំនន់​ទឺ​ក​ភ្លៀង និង​បញ្ហា​ការរីក​រាលដាល​ជំងឺ​កូ​វីដ​១៩ មិនអាច​កំណត់​បាន​ថា នឹង​ចប់​នៅវេលា​ណាមួយ​ជាក់លាក់​ឡើង​។ ក្នុងដំណាក់កាល​នៃ​ការរីក​រាលដាល​នៃ​ជំងឺ​កូ​វីដ​១៩​នេះដែរ រាជរដ្ឋាភិបាល​កម្ពុជា​បាន​យកចិត្តទុកដាក់​យ៉ាងខ្លាំង ចំពោះ​ប្រជាជន​ក្រីក្រ និង​ងាយ​រងគ្រោះ ដោយបាន​ផ្តល់ប្រាក់​ឧបត្ថម្ភ​ជូន​គ្រួសារ​ក្រីក្រ និង​ងាយ​រងគ្រោះ តាមរយៈ​កម្មវិធី​អត្តសញ្ញាណ​កម្ម​គ្រួសារ​ក្រីក្រ និង​ងាយ​រងគ្រោះ ដោយបាន​អនុវត្ត​ចំនួន​៤​ជុំ​រួចមកហើយ នឹង​បន្ត​បើក​ផ្តល់​រហូតដល់​ចុងឆ្នាំ​២០២០​នេះ​។

ក្នុង​បរិការណ៍​នៃ​ការ​ស្តារឡើងវិញ​នូវ​សេដ្ឋកិច្ចជាតិ​និង​សម្រេច​ឱ្យបាន​នូវ​ក្របខណ្ឌ​គោលដៅ​អភិវឌ្ឍន៍​ប្រកបដោយ​ចីរភាព​សកល​ឆ្នាំ​២០៣០ វា​ទាមទារ​ឱ្យ​គ្រប់ភាគី​ពាក់ព័ន្ធ​ទាំងអស់ រួមទាំង​រាជរដ្ឋាភិបាល​កម្ពុជា ដែ​គូ​អភិវឌ្ឍន៍ វិស័យ​ឯកជន ត្រូវតែ​ខិតខំ​ប្រឹងប្រែង ពង្រឹងពង្រីក​កិច្ចសហប្រតិបត្តិការ​ឱ្យ​កាន់តែខ្លាំង​ឡើង​ទ្វេ​រដង​។

​លោក​កិត្តិ​សេដ្ឋា​បណ្ឌិត បាន​ថ្លែង​នូវ​អំណរគុណ​ចំពោះ​កម្មវិធី​ស្បៀងអាហារ​ពិភពលោក ដែលជា​និច្ច​ជា​កាល​គាំទ្រ​និង​បន្ត​ការឧបត្ថម្ភ​គាំទ្រ​ដល់​រាជរដ្ឋាភិបាល​កម្ពុជា​ជាពិសេស​ជាមួយ​ក្រសួងផែនការ​។​យើង​នឹង​ប្រឹងប្រែង​បន្ត​កិច្ចសហប្រតិបត្តិការ​ល្អ​ឱ្យ​កាន់តែ​រឹងមាំ​បន្ថែមទៀត​ជាមួយគ្នា​៕S/

ទីតាំងផ្សាយពាណិជ្ជកម្ម

- Advertisment -

Most Popular

​ហោរាសាស្ត្រ​

​ ​ ​ ​ ​ប្រចាំថ្ងៃ​ច័ន្...

រោងភាពយន្ត លេ​ជិន ផ្អាក​ប...

​ដោយៈ សុផល / ភ្នំពេញៈ រោង...

ក្រោយ​ការធ្វើ​តេស្ត​ជំងឺ​...

​ដោយ​៖ ទេព មង្គល / ភ្នំពេ...

ថ្នាក់ដឹកនាំ​និង​មន្ត្រី​...

ដោយៈ​ដេប៉ូ​/​ភ្នំពេញៈ​ថ្ន...