Home ព័ត៌មានជាតិ សេដ្ឋកិច្ច ​មន្ត្រី​ពេទ្...

​មន្ត្រី​ពេទ្យសត្វ ផ្សព្វផ្សាយ​ពី​វិធានការ ការពារ​ជំងឺ​អុតក្តាម ដល់​អ្នកស្រុក​កំពង់លែង​

ដោយៈ​ទេ​ពក​ង្រី / កំពង់ឆ្នាំងៈ នៅ​ថ្ងៃទី​២១ ខែតុលា ឆ្នាំ​២០២០ លោក សុខ ដា​រ៉ូ ប្រធានការិយាល័យ ប្រយុទ្ធប្រឆាំង​ជំងឺ​សត្វ និង​លោក ហ៊ុន លី អនុប្រធាន​ការិយាល័យ​ផលិតកម្ម​និង​បសុព្យាបាល នៃ​មន្ទីរ​កសិកម្ម រុក្ខាប្រមាញ់ និង​នេសាទ ខេត្តកំពង់ឆ្នាំង សហការ​ជាមួយ​ពេទ្យសត្វ ស្រុក​កំពង់លែង បាន​ចុះ​ត្រួតពិនិត្យ ការចិញ្ចឹម​គោក្របី និង​ផ្សព្វផ្សាយ​ពី វិធាន​ការពារ​ជម្ងឺ​អុតក្តាម នៅ​ភូមិ​ឯលិច ភូមិ​កណ្តាល និង​ភូមិ​ធ្លក ឃុំ​ច្រ​ណូ​ក ស្រុក​កំពង់លែង ខេត្តកំពង់ឆ្នាំង​។​

​មន្ត្រី​ពេទ្យសត្វ ព្យាបាលជំងឺ​អុតក្តាម គោក្របី របស់អ្នកស្រុក​កំពង់លែង​

​នៅក្នុង​ឱកាស​នោះ លោក សុខ ដា​រ៉ូ បាន​ផ្ដាំផ្ញើ​ដល់ បងប្អូន​ប្រជាពលរដ្ឋ ដែល​ចិញ្ចឹម​គោក្របី ត្រូវ​ចេះ​យកចិត្តទុកដាក់​ថែទាំ និង​ត្រួតពិនិត្យ​សុខភាព ការផ្តល់​ចំណី ឲ្យ​បានល្អ​ប្រសើរ​។

​ចំណែក លោក ហ៊ុន លី ក៏បាន​ផ្សព្វផ្សាយ​ពី​ជំងឺឆ្លង វិធានការ​ការពារ​ជំងឺ​អុតក្តាម និង​ណែនាំ​ការរៀបចំ ទុកដាក់​ចំបើង និង​អនាម័យ​កន្លែង​ចិញ្ចឹម ឲ្យ​បានល្អ កុំ​លែង​ឲ្យ​ដើរ​ស៊ី ពាសវាល ពាសកាល ជៀសវាង​ការឆ្លង​ជំងឺ ពី​សត្វ​មួយ ទៅ​សត្វ​មួយ ។​

​មន្ត្រី​ពេទ្យសត្វ ព្យាបាលជំងឺ​អុតក្តាម គោក្របី របស់អ្នកស្រុក​កំពង់លែង​

​ក្រុមការងារ បានសម្រេច​លទ្ធផល គឺ​ចុះ​ផ្សព្វ​ផ្សាយបាន ចំនួន ៣ ភូមិ និង​មាន​ប្រជាពលរដ្ឋ ចូលរួម​ចំនួន ៥៥ គ្រួសារ ហើយ​មាន​ចំនួន​សត្វ សរុប ៤.០៣៤ ក្បាល សត្វ​ឈឺ​សរុប ២.៦៣៣ ក្បាល ជា​បាន ៩៣៨ នឹង​កំពុង​ព្យាបាល​បន្ត សរុប ចំនួន ១.៦៩៥ ក្បាល​។ ក្នុងនោះ ១.​ភូមិ​ឯលិច​សត្វ សរុប ១.៦៥០​ក្បាល ជា​បាន ៣៥០ ក្បាល ។ ២.​ភូមិ​កណ្តាល សត្វ​សរុប​ចំនួន ១.២៨៨ ក្បាល ជា​បាន​ចំនួន ២៧៨ ក្បាល​។ ៣.​ភូមិ​ធ្លក​សត្វ សរុប ១.០៩៦ ក្បាល ជា​បាន ៣១០ ក្បាល ។​

​លោក សុខ ដា​រ៉ូ និង​លោក ហ៊ុន លី ព្រមទាំង​ក្រុមការងារ ក៏បាន​ប្រគល់​ថ្នាំ និង​សម្ភារ​មួយចំនួន ដល់​ក្រុមការងារ​ពេទ្យសត្វ​ភូមិ ដើម្បី​យកទៅ​ព្យាបាល​បន្ត ដល់​សត្វ​គោក្របី របស់​ប្រជា​ពលរ​ដ្ផ នៅ​ក្នុងភូមិ​របស់ខ្លួន ដែល​កំពុង​កើត ជំងឺ​អុតក្ដាម​នោះ ៕/V

​ប្រគល់​ថ្នាំនិង​សម្ភារ​មួយចំនួន ដល់​ពេទ្យសត្វ​ភូមិ ដើម្បី​យកទៅ​ព្យាបាល​បន្ត ដល់​សត្វ​គោក្របីរបស់​ពលរ​ដ្ផ
​ប្រគល់​ថ្នាំនិង​សម្ភារ​មួយចំនួន ដល់​ពេទ្យសត្វ​ភូមិ ដើម្បី​យកទៅ​ព្យាបាល​បន្ត ដល់​សត្វ​គោក្របីរបស់​ពលរ​ដ្ផ
​មន្ត្រី​ពេទ្យសត្វ ផ្សព្វផ្សាយ​ពី​វិធានការ ការពារ​ជំងឺ​អុតក្តាម ដល់​អ្នកស្រុក​កំពង់លែង​

ទីតាំងផ្សាយពាណិជ្ជកម្ម

- Advertisment -

Most Popular

បញ្ជូន​ជនសង្ស័យ​បីនាក់ មក...

ដោយៈ ស​រិ​ទ្ធ / ភ្នំពេញៈ ...

ដំរី​ខា​វ៉ាន់​ដែលជា​ដំរី​...

ដោយៈ មុនី​រ័ត្ន​-​ដេប៉ូ​/...

ក្រសួង​អប់រំ​ប្រកាស​ផ្អាក...

​ដោយ​: គូលែន / សៀមរាប​: ក...

សាលា​រាជធានី​ភ្នំពេញ ចេញ​...

ដោយ​៖​រ៉ា​ម៉ន​/​ភ្នំពេញ​៖...