Home ព័ត៌មានអន្តរជាតិ លោកអូបាម៉ានិយ...

លោកអូបាម៉ានិយាយហែកហួរកំណត់ត្រារបស់លោកត្រាំក្នុងការបង្ហាញខ្លួនលើកដំបូងនៃយុទ្ធការបោះឆ្នោតឆ្នាំ២០២០

អតីតប្រធានាធិបតីបារ៉ាក់ អូបាម៉ា បានវិលត្រឡប់មករកយុទ្ធនាការឃោសនា បោះឆ្នោតវិញកាលពីថ្ងៃពុធ (២១ តុលា) ដោយបើកការវាយប្រហារយ៉ាងខ្លាំង ទៅលើលោកដូណាល់ ត្រាំ ខណៈសល់ពេលមិនដល់ ២ សប្តាហ៍នឹងឈានដល់ថ្ងៃ បោះឆ្នោត ដែលត្រាំនឹងត្រូវប្រឈមនឹងលោកចូ បាយដិន។

ថ្លែងនៅក្នុងពិធីជួបជុំនៅទីក្រុងហ្វីឡាដែលហ្វៀជំនួសមុខឱ្យលោកបាយដិន លោកអូបាម៉ា បានរិះគន់យ៉ាងខ្លាំងទៅលើអ្នកស្នងតំណែងពីគាត់ ដោយផ្តោតលើ វោហារសាស្ត្របំបែកបំបាក់និងកំណត់ត្រារបស់ត្រាំនៅក្នុងការិយាល័យពងក្រពើ។

លោកអូបាម៉ាបាននិយាយអំពីលោកត្រាំយ៉ាងដូច្នេះថា “គាត់មិនបានយកចិត្តទុកដាក់ បំពេញការងារឬជួយដល់នរណាម្នាក់ក្រៅពីខ្លួនគាត់ផ្ទាល់នោះទេ”។

លោកអូបាម៉ា ដែលគ្រប់គ្រងប្រទេសរយៈពេលពីរអាណត្តិនិងនៅតែជា ឥស្សរជនមានប្រជាប្រិយភាពបំផុតនៅក្នុងគណបក្សប្រជាធិបតេយ្យ បានបន្ទោសលោកត្រាំចំពោះការគ្រប់គ្រងមិនបានល្អលើជំងឺរាតត្បាត ដោយកត់សម្គាល់ថា លោកប្រធានាធិបតីផ្ទាល់បានធ្លាក់ខ្លួនជារងគ្រោះ ដោយសារវីរុសកូរ៉ូណាផងដែរ។

លោកបាននិយាយថា “ដូណាល់ត្រាំនឹងមិនការពារពួកយើងភ្លាមៗនោះទេ។ គាត់ថែមទាំងមិនអាចចាត់វិធានការដើម្បីការពារខ្លួនគាត់បានផង”។

លោកនិយាយថា លោកត្រាំបានបង្ហាញថាខ្លួនគាត់ “គ្មានសមត្ថភាពក្នុងការ​យកចិត្តទុកដាក់លើការងារនេះទេ។ នេះមិនមែនជាកម្មវិធីជីវិតពិតលើកញ្ចក់​ទូរទស្សន៍ទេ។ នេះជាតថភាពពិតជាក់ស្តែង”។

លោកបន្តថា “ហើយយើងទាំងអស់គ្នាត្រូវរស់នៅជាមួយនឹងផលវិបាកពីការ​ដែលគាត់ខំប្រឹងសបញ្ជាក់ថាខ្លួនគាត់មិនមែនអសមត្ថភាពក្នុងការងារ”។

ដោយជំរុញឱ្យអ្នកបោះឆ្នោតកុំទាន់អាលអរ លោកបានព្រមានអំពីកំហុសនៅក្នុង​ការស្ទង់មតិ មុនពេលត្រាំទទួលបានជ័យជម្នះយ៉ាងភ្ញាក់ផ្អើលក្នុងឆ្នាំ២០១៦។

លោកអូបាម៉ានិយាយថា “យើងមិនត្រូវដេកអរនោះទេ។ ខ្ញុំមិនខ្វល់អំពីការស្ទង់មតិស្អី​នោះទេ។ មានការស្ទង់មតិច្រើនណាស់កាលពីមុន។ វាគ្មានប្រយោជន៍ស្អីទេ។ ពីព្រោះមនុស្សច្រើនណាស់សម្ងំដេកនៅផ្ទះ ហើយខ្ជិលច្រអូសនិងត្រេកអរជាមុន។ លើកនេះសូមកុំដេកអរ​​។ សូមកុំដេកអរក្នុងការបោះឆ្នោតលើកនេះ”។

ការបង្ហាញខ្លួនរបស់លោកអូបាម៉ាគឺដើម្បីបំពេញចន្លោះប្រហោងដែលបន្សល់ទុកដោយលោកបាយដិន ដែលស្នាក់នៅក្នុងផ្ទះនៅរដ្ឋដេឡាវែ​ចាប់តាំងពីថ្ងៃចន្ទ​សម្រាប់ការ​ប្រជុំនិងការត្រៀមខ្លួនមុនការជជែកដេញដោលរបស់លោកនៅថ្ងៃព្រហស្បតិ៍ទី២២តុលាជាមួយលោកត្រាំនៅទីក្រុងណាស់វីល រដ្ឋថេនណេសស៊ី៕ ដោយ ៖ កញ្ញាដាលីស/Ha

លោកអូបាម៉ាប្រាប់អ្នកគាំទ្រឱ្យចេញទៅបោះឆ្នោត កុំសម្ងំដេកអរនៅផ្ទះដូចកាលពីឆ្នាំ ២០១៦

ទីតាំងផ្សាយពាណិជ្ជកម្ម

- Advertisment -

Most Popular

​ហោរាសាស្ត្រ​

​ ​ ​ ​ ​ប្រចាំថ្ងៃ​ច័ន្...

រោងភាពយន្ត លេ​ជិន ផ្អាក​ប...

​ដោយៈ សុផល / ភ្នំពេញៈ រោង...

ក្រោយ​ការធ្វើ​តេស្ត​ជំងឺ​...

​ដោយ​៖ ទេព មង្គល / ភ្នំពេ...

ថ្នាក់ដឹកនាំ​និង​មន្ត្រី​...

ដោយៈ​ដេប៉ូ​/​ភ្នំពេញៈ​ថ្ន...