Home ព័ត៌មានអន្តរជាតិ អាម៉េរិកនិយាយ...

អាម៉េរិកនិយាយថា អ៊ីរ៉ង់និងរុស្ស៊ីព្យាយាមជ្រៀតជ្រែកការបោះឆ្នោត

មន្ត្រីស៊ើបការណ៍កំពូលអាម៉េរិកព្រមានថាអ៊ីរ៉ង់និងរុស្ស៊ីកំពុងប៉ុនប៉ងជ្រៀតជ្រែកការបោះឆ្នោតប្រធានាធិបតី ដោយអ៊ីរ៉ង់បានផ្សព្វផ្សាយព័ត៌មានមិនពិតដល់អ្នកបោះឆ្នោតអាម៉េរិករួចទៅហើយ។

ប្រធានទីភ្នាក់ងារស៊ើបការណ៍សម្ងាត់ជាតិលោក ចន រ៉ាតគ្លីហ្វ បាននិយាយនៅក្នុងសន្និសីទកាសែតយ៉ាងរហ័សមួយកាលពីថ្ងៃពុធទី ២១ ខែតុលាថា “យើងសូមបញ្ជាក់ថា ព័ត៌មានចុះឈ្មោះរបស់អ្នកបោះឆ្នោតមួយចំនួនត្រូវបានទទួលដោយអ៊ីរ៉ង់ និងរុស្ស៊ីដាច់ដោយឡែកពីគ្នា។ ទិន្នន័យនេះអាចត្រូវបានប្រើដោយតួអង្គបរទេសដើម្បីប៉ុនប៉ងបញ្ជូនបន្តនូវព័ត៌មានមិនពិត”។

លោករ៉ាតគ្លីហ្វនិយាយថា “យើងស្នើសុំឱ្យជនជាតិអាម៉េរិកទាំងអស់ចូលរួមចំណែករបស់ពួកគេដើម្បីការពារប្រឆាំងនឹងអ្នកដែលចង់ធ្វើបាបយើង ។ កុំអនុញ្ញាតឱ្យកិច្ចខិតខំប្រឹងប្រែងទាំងនេះជះឥទ្ធិពលតាមដែលពួកគេចង់បាន”។

ព័ត៌មានរបស់អ្នកបោះឆ្នោតដែលទទួលបានដោយប្រទេសទាំងពីរនេះគឺអាចរកបានជាសាធារណៈហើយគ្មានការហ៊ែកចូលណាមួយនោះឡើយ នេះបើយោងតាមមន្ត្រីអាម៉េរិកម្នាក់ដែលសុំមិនបញ្ចេញឈ្មោះ ព្រោះរឿងនេះជាបញ្ហារសើប។

យោងតាមមន្ត្រីម្នាក់នោះបានឱ្យដឹងថា អ៊ីរ៉ង់បានផ្ញើអ៊ីមែលគំរាមទៅកាន់អ្នកបោះឆ្នោតរបស់បក្សប្រជាធិបតេយ្យ ដែលអះអាងថាមកពីក្រុម Proud Boys ដែលជាក្រុមស្តាំនិយម។

លោករ៉ាតគ្លីហ្វ ដែលចូលរួមដោយនាយក FBI លោកគ្រីស្តូហ្វើ រ៉ាយ បាននិយាយថា អ៊ីរ៉ង់មានគោលបំណងបំផ្លាញការប្រឹងប្រែងដើម្បីជាប់ឆ្នោតមួយអាណត្តិទៀតរបស់លោកប្រធានាធិបតីដូណាល់ ត្រាំ។

លោកនិយាយថា “យើងបានឃើញអ៊ីរ៉ង់ផ្ញើរួចមកហើយនូវអ៊ីមែលក្លែងបន្លំ ដែលបង្កើតឡើងដើម្បីបំភិតបំភ័យអ្នកបោះឆ្នោត ញុះញង់ឱ្យមានភាពវឹកវរក្នុងសង្គម និង បំផ្លាញលោកប្រធានាធិបតីត្រាំ”៕ ដោយ ៖ កញ្ញាដាលីស

ប្រធានទីភ្នាក់ងារស៊ើបការណ៍សម្ងាត់ជាតិលោក ចន រ៉ាតគ្លីហ្វ

ទីតាំងផ្សាយពាណិជ្ជកម្ម

- Advertisment -

Most Popular

ប្រធានាធិបតី​ប្រេ​ស៊ីល​ថា...

​ប្រែ​សម្រួល : កញ្ញា​ដា​ល...

បន្ទាប់​ពី​ម៉ាឡេស៊ី​ទិញ​វ...

​ប្រែ​សម្រួលៈ​វាសនា​/​គូ​...

រដ្ឋបាល​ខណ្ឌ​កំបូល ត្រួតព...

ដោយៈ រ៉ា​ម៉ន / ភ្នំពេញៈ ក...

ពួក​អ្នក​ប្រឆាំង​តវ៉ា​ថៃ ...

​ប្រែ​សម្រួលៈ​វាសនា​/​បាង...