​សាកលវិទ្យាល័យ​ជប៉ុន ធ្វើ​ពិព័រណ៍​សិក្សា តាម​អន​ឡាញ សម្រាប់​និស្សិត​កម្ពុជា​

ដោយៈ សុផល / ភ្នំពេញៈ សាកលវិទ្យាល័យ និង​ស្ថាប័ន​អប់រំ​ជប៉ុន​ជាច្រើន នឹង​រៀបចំ​ធ្វើ​ពិព័រណ៍​សិក្សា តាម​អន​ឡាញ នៅ​ថ្ងៃទី​២៤ និង ២៥ ខែតុលា ឆ្នាំ​២០២០ ។ កម្មវិធី​នេះ រៀបចំ​ដោយ​មជ្ឈមណ្ឌល សហប្រតិបត្តិការ កម្ពុជា​-​ជប៉ុន (CJCC) ចាប់ពី​ម៉ោង ៩:០០ ព្រឹក ដល់​ម៉ោង ៥:៣០ ល្ងាច ។​

​យោងតាម​សេចក្តីប្រកាស​ព័ត៌មាន របស់ CJCC បានឱ្យដឹងថាៈ ពិព័រណ៍​សិក្សា​នេះ នឹង​ផ្តោតទៅលើ​ព័ត៌មាន ស្ដីពី​ការសិក្សា​ថ្នាក់​បរិញ្ញាបត្រ ថ្នាក់​ឧ​ត្ត​មសិ​ក្សា និង​ក្រោយ​ឧ​ត្ត​មសិ​ក្សា នៅ​ប្រទេស​ជប៉ុន​។ នេះ​ជា​ឱកាសល្អ សម្រាប់​សិស្ស និស្សិត សាធារណជន និង​អាណាព្យាបាល​កម្ពុជា ដែលមាន​ចំណាប់អារម្មណ៍ ឬ​មានបំណង​ប​ញ្ចូ​ន​កូន ទៅ​សិក្សា នៅ​ប្រទេស​ជប៉ុន​។​

​សិស្ស និស្សិត សាធារណជន និង​អាណាព្យាបាល អាច​អញ្ជើញ​ចុះឈ្មោះ ចូលរួម​ពិព័រណ៍​នេះ បាន​ដោយ​សេរី និង​ឥតគិតថ្លៃ តាមរយៈ Zoom និង​ទស្សនា​ការផ្សាយ​ផ្ទាល់ ពី​ហ្វេ​ស​បុក​ផេ​ក របស់​មជ្ឈមណ្ឌល សហប្រតិបត្តិការ កម្ពុជា​-​ជប៉ុន ដើម្បី​មានឱកាស ជួប​ប្រឹក្សា​យោបល់​ផ្ទាល់ ជាមួយនឹង​អ្នកតំណាង មកពី​សាកលវិទ្យាល័យ​ល្បីៗ នៅ​ប្រទេស​ជប៉ុន និង​អ្នកតំណាង មកពី​ស្ថាប័ន​ផ្សេងៗ ដែលមាន​វត្តមាន ក្នុង​ពិព័រណ៍​នេះ​។​

​ពិព័រណ៍​នេះ មានការ​ចូលរួម​ពី សាកលវិទ្យាល័យ​ល្បីៗ នៅក្នុង​ប្រទេស​ជប៉ុន និង​ស្ថាប័ន​ផ្សេងៗ ដូចជា​៖
១.​ការិយាល័យ​ផ្ដល់ព័ត៌មាន ពី​ការសិក្សា នៅ​ប្រទេស​ជប៉ុន ប្រចាំ​តំបន់​អាស៊ាន (Study in Japan Regional Office in ASEAN)​។​
២. សាកលវិទ្យាល័យ អន្តរជាតិ​តូ​ក្យូ (​កម្មវិធីសិក្សា ជា​ភាសា​អង់គ្លេស​) (Tokyo International University, English Track Program)​។​
៣. សាកលវិទ្យាល័យ​ក្យូ​តូ (​កម្មវិធី​ថ្នាក់បរិញ្ញាប័ត្រ​អន្តរជាតិ​) (Kyoto University International Undergraduate Program)​។​
៤. សាកលវិទ្យាល័យ អាស៊ី​ប៉ា​ស៊ី​ហ្វី​ក រី​ហ្ស៊ឹ មេ​កាំ​ង (Ritsumeikan Asia Pacific University)​។​
៥. សាកលវិទ្យាល័យ រី​ហ្ស៊ឹ​មេ​កាំ​ង (Ritsumeikan University)​។​
៦. សាកលវិទ្យាល័យ​គុ​ម៉ា​ម៉ុ​តុ (Kumamoto University)​។​
៧. ស្ថានទូត​ជប៉ុន ប្រចាំ​នៅ​ប្រទេស​កម្ពុជា (Embassy of Japan in Cambodia) និង​
៨. ការចែករំលែក​បទពិសោធ​ន៍ ពី​និស្សិត​កម្ពុជា ដែល​ទៅ​សិក្សា នៅ​ប្រទេស​ជប៉ុន​។​

​សូម​ជម្រាប​ផងដែរ​ថា ពិព័រណ៍​ស្ដីពី​ការសិក្សា នៅ​ប្រទេស​ជប៉ុន​នេះ ចាប់ផ្ដើម​បង្កើតឡើង តាំងពី​ឆ្នាំ​២០០៨ ដោយ​មជ្ឈមណ្ឌល សហប្រតិបត្តិការ កម្ពុជា​-​ជប៉ុន (CJCC) ក្រោម​ការគាំទ្រ​ពី ក្រសួង​អប់រំ យុវជន និង​កីឡា សាកលវិទ្យាល័យ​ភូមិន្ទ​ភ្នំពេញ ទីភ្នាក់ងារ​សហប្រតិបត្តិ​ការ​អន្តរជាតិ​ជប៉ុន (JICA) ស្ថានទូត​ជប៉ុន ប្រចាំ​ប្រទេស​កម្ពុជា និង​ស្ថាប័ន​ផ្សេងៗ​ទៀត​។ សម្រាប់​ពត៌មាន នៃ​ការចុះឈ្មោះ អាច​ទំនាក់ទំនង តាមរយៈ​លេខ​ទូរស័ព្ទ​៖ 077 34 35 43 ឬ​តាមរយៈ​សារ​អេ​ឡិច​ត្រូ​និ​ច​៖ noy.theany@cjcc.edu.kh ៕​

ទីតាំងផ្សាយពាណិជ្ជកម្ម

- Advertisment -

Most Popular

មន្ត្រី​អភិរក្ស​សត្វព្រៃ ...

​ដោយៈ ដេប៉ូ / មណ្ឌលគិរីៈ ...

អាជ្ញាធរ​ខណ្ឌចំការមន និង​...

​ដោយៈ រ៉ា​ម៉ន ភ្នំពេញៈ អា...

​សមត្ថកិច្ច ឲ្យ​ម្ចាស់​ហា...

​ដោយៈ ស​រិ​ទ្ធ / កណ្តាលៈ ...

​ក្រុមការងារ​សុខាភិបាល​ខេ...

ដោយៈ ទេ​ពក​ង្រី / កំពង់ឆ្...