Home ព័ត៌មានអន្តរជាតិ ជាង​១០០​នាក់​...

ជាង​១០០​នាក់​ស្លាប់​ដោយសារ​ទឹកជំនន់​និង​បំណាក់​ដី​នៅ​វៀតណាម​នៅពេល​ព្យុះ​មួយទៀត​កំពុង​ធ្វើដំណើរ​មក​

​ក្រុម​អាជ្ញាធរ​បាន​និយាយ​កាលពី​ថ្ងៃ​ពុធ​ទី​២១​តុលា​ថា​មនុស្ស​យ៉ាងតិចណាស់​ចំនួន​១១១​នាក់​បាន​ស្លាប់​និង ២០​នាក់​ផ្សេង​ទៀត​កំពុង​បាត់​ខ្លួន​នៅ​ភាគ​កណ្តាល​ប្រទេស​វៀតណាម​បន្ទាប់ពី​មាន​​ទឹកជំនន់​និង​បំណាក់​ដី​អស់​ជាច្រើន​សប្តាហ៍​មក​នេះ​ខណៈ​ដែល​ប្រទេស​នេះ​ត្រៀម​ទប់ទល់​នឹង​ព្យុះ​មួយទៀត​នៅ​ចុង​សប្តាហ៍​នេះ​។​

​សហព័ន្ធ​អន្តរជាតិ​នៃ​កាកបាទក្រហម​និង​អឌ្ឍចន្ទ​ក្រហម​បាន​និយាយ​ថា​ផ្ទះ​ប្រហែល ១៧៨.០០០ ខ្នង​ត្រូវបាន​ទឹក​ជន់​លិច​។ ក្រុម​អ្នក​សង្គ្រោះ​បាន​បង្កើន​ការ​ខំប្រឹងប្រែង​ដើម្បី​នាំយក​ជំនួយ​ស្បៀង​ហា​រ​​និង​ទឹក​ស្អាត​ទៅ​ដល់​អ្នក​ដែល​ជាប់​ខ្លួន​នៅ​តំបន់​រងគ្រោះ​ទាំងនោះ​។​

​សហព័ន្ធ​អន្តរជាតិ​នៃ​កាកបាទក្រហម​និង​អឌ្ឍចន្ទ​ក្រហម​បាន​បន្ថែមថា​ផ្លូវថ្នល់ ហេដ្ឋារចនាសម្ព័ន្ធ និង​ផលដំណាំ​ជាច្រើន នៅ​តំបន់​ភាគ​កណ្តាល​នៃ​ប្រទេស​នេះ​ក៏​ត្រូវបាន​បំផ្លិចបំផ្លាញ​ផងដែរ​និង ​បាន​ព្រមាន​ថា​មនុស្ស​រាប់សែន​នាក់​នឹង​ត្រូវការ​ទីជម្រក​និង​ជំនួយ​សង្គ្រោះ​នៅ​ប៉ុន្មាន​សប្តាហ៍​ខាង​មុខ​នេះ​។​

​សមាគម​កាកបាទក្រហម​វៀតណាម​បាន​និយាយថា ” ទឹក​ជំនន់​នៅ​ពេល​នេះ​គឺជា​អាក្រក់​បំផុត​តាម​ដែល​យើង​ធ្លាប់​បានឃើញ​មួយ​ទសវត្សរ៍​កន្លងមកនេះ​”​។​

​ក្រុម​អាជ្ញាធរ​គ្រប់គ្រង​គ្រោះមហន្តរាយ​បាន​និយាយថា​យ៉ាងហោច​ណាស់​មនុស្ស​ចំនួន ១១១ នាក់​ត្រូវបាន​សម្លាប់ ខណៈ​ដែល​ជិត ២០០.០០០ នាក់​ត្រូវបាន​ជម្លៀសចេញ​៕ប្រែសម្រួល៖សុខា/sn

អ្នកនេសាទ​ក្នុង​ខេត្ត​ក្វាង​ប៊ីញ ជួយ​ការងារ​ជួយ​សង្គ្រោះ​ជនរងគ្រោះ​ដោយ​ទឹកជំនន់​កាលពី​ថ្ងៃ​២០ ខែតុលា

ទីតាំងផ្សាយពាណិជ្ជកម្ម

- Advertisment -

Most Popular

រោងភាពយន្ត លេ​ជិន ផ្អាក​ប...

​ដោយៈ សុផល / ភ្នំពេញៈ រោង...

ក្រោយ​ការធ្វើ​តេស្ត​ជំងឺ​...

​ដោយ​៖ ទេព មង្គល / ភ្នំពេ...

ថ្នាក់ដឹកនាំ​និង​មន្ត្រី​...

ដោយៈ​ដេប៉ូ​/​ភ្នំពេញៈ​ថ្ន...

ក្រសួង​អប់រំ​ប្រកាស​ផ្អាក...

​ដោយ​:​សុផល​/​ភ្នំពេញៈ​ដើ...