Home ព័ត៌មានជាតិ សន្តិសុខ ទឹកជំនន់​នៅ​ប...

ទឹកជំនន់​នៅ​បន្ទាយមានជ័យ បន្ត​ហក់​ឡើង បង្ក​អោយ​ទឹក​ហូរ​កាត់​ផ្លូវ ជាច្រើន​កន្លែង​

​ដោយៈ ប​.​ជ័យ / បន្ទាយ​មាន​ជ័​យៈ ទឹកជំនន់​នៅ​ចំណុច​ជាច្រើន នៃ​ស្រុក ក្រុង​ខ្លះ នៅ​ខេត្តបន្ទាយមានជ័យ បន្ត​ហក់​ឡើង បង្ក​អោយ​ទឹក​ហូរ​កាត់​ផ្លូវជាតិ ផ្លូវ​ខេត្ត​ជាច្រើន​កន្លែង​ថែមទៀត ។ ទន្ទឹមនឹងនោះ គេ​ក៏ត្រូវ​បង្វែរ​ចរាចរណ៍​។​

​ប្រភពព័ត៌មាន បានអោយ​កាសែត​រស្មី​កម្ពុជា ដឹង​នៅ​ថ្ងៃទី​២២ ខែតុលា នេះ​ថាៈ ទឹក​ជំ​ន់​ពី​ប្រទេស​ថៃ ដែល​ស្រុង​ចុះមក​ភូមិសាស្ត្រ ក្រុង​ប៉ោយប៉ែត ពីថ្ងៃ​ទី​១៩ មក​នោះ ក៏បាន​ស្រក​ដោយ​អន្លើ តែ​វា​បាន​ស្រុង​ចុះទៅ​លិច នៅ​តំបន់​ខាងក្រោម​។

លើសពីនោះ អាង​អូរ​ខៃ​ដន បាន​បាក់​បង្ក​អោយ​ទឹក​លិចលង់ និង​ហូរ​កាត់​ផ្លូវជាតិ​លេខ​៥ ចន្លោះ​ដើម​ពោធិ​យាយ​ម៉ៅ ក្នុង​សង្កាត់​ផ្សារកណ្តាល ទៅ​កូនដំរី សង្កាត់​និមិត្ត ក្រុង​ប៉ោយប៉ែត ហើយ​ទឹក ក៏​បន្ត​ស្រុង​ទៅ​តំបន់​ក្រោម ហើយ​បង្ក​លិច​ហូរ​កាត់​ផ្លូវជាតិ​លេខ​៥ នៅ​ចំណុច​គុ​ត្ត​សត​ស្រុក​អូជ្រៅ​។ វា​ក៏​លិច​ចំណុច​មួយចំនួន នៃ​កំណាត់​ផ្លូវ​ខេត្ត លេខ​២៥៨​ដេ (​កូប -​អូរ​បី​ជាន់​)​ផងដែរ ។​

​ហេតុនេះ រថយន្ត​ធំ​ធុន​ធ្ងន់ ត្រូវ​បង្វែរ​អោយ​ចរាចរណ៍ តាមផ្លូវ​ជាតិ​លេខ​៥៨ ដោយ​ចេញពី​រង្វង់​មូល​ស្ទឹង​បត់ ទៅ​ជើង​សសៀរ តាម​បណ្តោយ​ព្រំដែន ហើយ​ចេញ​តាម​រង្វង់​មូល​បឹង​ត្រកួន កាត់​ផ្លូវ​ខេត្ត​លេខ​២៥៦៣ ហើយ​បត់​នៅ​ទីរួមស្រុក​ថ្មពួក តាមផ្លូវ​ជាតិ​លេខ​៥៨ ទៅ​ក្រុង​សិរីសោភ័ណ ហើយ​ដល់​ភ្លើងស្តុប​ទី​១ ត្រូវ​បត់​ទៅ​កើត​តាម​ផ្លូវជាតិ​លេខ​៦ ឆ្ពោះទៅ​ខេត្តសៀមរាប ។

ព្រោះថា ផ្លូវជាតិ​ល​រខ​៥ កំណាត់​សិរីសោភ័ណ -​មង្គល​បូរី -​អូរ​ញរ (​ព្រំប្រទល់​ខេត្តបាត់ដំបង​) ត្រូវ​ផ្អាក​ចរាចរណ៍ ជា​បណ្តោះអាសន្ន បន្តទៀត​។ ដ្បិតថា ស្ថានភាព​ទឹកជំនន់ ក៏​បន្ត​ហក់​ឡើង​លិច​ផ្លូវជាតិ​លេខ​៥ នេះ​ច្រើន ចំណុច​បន្ថែមទៀត មកទល់​ព្រលប់​ថ្ងៃទី​២២ ខែតុលា ឆ្នាំ​២០២០ ។​

​ប៉ុន្តែ​សម្រាប់​យានយន្ត​តូច មធ្យម ធុន​ស្រាល និង​មធ្យោបាយ​ដឹកជញ្ជូន​ផ្សេងទៀត មិន​ផ្អាក​ឆ្លងកាត់ ចំណុច​នៃ​កំណាត់​ផ្លូវជាតិ ផ្លូវ​ខេត្ត ដូចខាងលើ​ឡើយ តែ​ត្រូវ​ប្រុងប្រយ័ត្ន និង​ទទួលខុសត្រូវ​គ្រោះថ្នាក់ ដោយ​ខ្លួនឯង​៕S/

​រូបថត ៖ ទឹកជំនន់​នៅ​បន្ទាយមានជ័យ​បន្ត​ហក់​ឡើង បង្ក​អោយ​ទឹក​ហូរ​កាត់​ផ្លូវ​ជាច្រើន​កន្លែង​ថែមទៀត និង​បង្វែរ​ចរាចរណ៍ (​រូប​៖ ប​.​ជ័យ )​

ទីតាំងផ្សាយពាណិជ្ជកម្ម

- Advertisment -

Most Popular

រដ្ឋបាល​ខេត្តតាកែវ ប្រជុំ...

​ដោយៈ ទេព មង្គល / តាកែវៈ ...

រដ្ឋបាល​ខេត្តកោះកុង និង​ក...

​ដោយៈ ទេព មង្គល / ភ្នំពេញ...

ប្រតិភូ​ស្ថានទូត​កម្ពុជា​...

ដោយ​៖​រ៉ា​ម៉ន / ភ្នំពេញ​៖...

រដ្ឋបាលខេត្ត​ព្រះវិហារ បើ...

ដោយ​: សៅ វ៉ាន់ឌី / ព្រះវិ...