កីឡដ្ឋាន​ធំ​នឹង​បញ្ចប់​ការសាងសង់​ទាំងស្រុង​នៅ​ពាក់កណ្ដាល​ឆ្នាំ​២០២១


ដោយៈ​រ៉ូ​ហ្សា​/​ភ្នំពេញៈ លោក វ៉ា​ត់ ចំរើន អគ្គលេខាធិការ​គណៈកម្មាធិកា​រ​ជាតិ​រៀបចំ​ស៊ី​ហ្គេម​ឆ្នាំ​២០២៣ (CAMSOC) ​បាន​ថ្លែង​ឲ្យ​ដឹងថា ​កីឡដ្ឋាន​ធំនឹង​ប្រែប្រួល​កាលបរិ​ច្ឆេទ​នៃ​ការបញ្ចប់​សាង់សង់ ដោយ​ពន្យា​ទៅ​ខែឧសភា ឆ្នាំ​២០២១ ដោយសារ​ក្រុមហ៊ុន​សាងសង់​ត្រូវការ​ពេលវេលា​បន្ថែម ក្នុងការ​បំពាក់​កៅអី កញ្ចក់​ការតុបតែង​ផ្សេងៗ​ជា​ពិសេស​គឺ​ការតុបតែង​ផ្នែក​ខាងក្នុង​កីឡដ្ឋាន​ធំ ដូចជា​ទីលាន​បាល់ទាត់ ទីលាន​រត់​អត្ត​ពលកម្ម សណ្ឋាគារ បន្ទប់ VIP​។​

លោក វ៉ា​ត់ ចំរើន អគ្គលេខាធិការ​គណៈកម្មាធិកា​រ​ជាតិ​រៀបចំ​ស៊ី​ហ្គេម​ឆ្នាំ​២០២៣


លោក​វ៉ា​ត់ ចំរើន បានបង្ហាញ​ពី​ក្តី​សង្ឃឹមថា នៅ​ពាក់កណ្តាល​ឆ្នាំ​២០២១​នឹង​បញ្ចប់​ការ សង់​សង់​កីឡដ្ឋាន​ធំ​ទាំងស្រុង ហើយ​នៅ​ឆ្នាំ​២០២២ នឹង​ត្រៀម​បើកសម្ពោធ​ការប្រកួត​កីឡា​ជាតិ លើក​ទី​៤ នៅ​ពហុ​កីឡដ្ឋាន​ជាតិ​មរតក​តេ​ជោ​។​

លោក​អគ្គលេខាធិការ​បញ្ជា​ក់​ជូន​ទៀតថា ចំណុច​ទី​២ គឺ​ផ្តោតលើ​ការសាងសង់​ភូមិ​កី​ឡា ដែល​អាច​ផ្ទុក​កីឡាករ​កីឡាការិនី​ច្រើនជាង​៧​ពាន់​នាក់​ដោយ​គ្រោង​នឹង​បញ្ចប់​ការ​សាងសង់​ឲ្យ​ទាន់ពេលវេលា​តាម​ការគ្រោងទុក ដើម្បី​ត្រៀម​ទទួល​ធ្វើ​ម្ចាស់ផ្ទះ ការ​ប្រ​កួត​​កីឡា​ស៊ី​ហ្គេម លើក​ទី​៣២ ក៏ដូចជា​អាស៊ាន​ប៉ា​រ៉ា​ហ្គេម លើក​ទី​១២ ឆ្នាំ​២០២៣​។ ភូមិ​កីឡា គឺជា​កន្លែង​ហូបចុក​ស្នាក់នៅ​ជុំគ្នា​របស់​អត្ត​ព​លិ​ក និង​គ្រូបង្វឹក ដែល​ផ្តល់​ភាព​ងាយ​ស្រួល ក្នុងការ​ប្រកួត ហើយ​មិន​ចំណាយ​លើ​ការ​ស្នាក់នៅ​សណ្ឋាគារ និង​ការដឹក​ជញ្ជូន​ជាដើម​។​


​លោក​បន្ថែមថា នៅ​ចុងឆ្នាំ​២០២០​នេះ ហេដ្ឋារចនាសម្ព័ន្ធ​កីឡា​ទាំងអស់​ត្រូវបាន​កំណត់​នូវ​ផែនការ​ច្បាស់លាស់​ថា តើ​ប្រភេទ​កីឡា​ណាខ្លះ​ត្រូវ​លេង​នៅ​កន្លែង​ណា ទីលាន​ប្រ​កួត​​ណា​មាន​ស្តង់ដា​បច្ចេកទេស និង​ទីលាន​ណា​ខ្លះទៀត​មិនទាន់​ឆ្លើយតប​ទៅនឹង​ស្តង់​ដា​បច្ចេកទេស​ស៊ី​ហ្គេម​។​


​លោក​បន្តថា ក្រោយ​រៀបចំ​នូវ​ទីលាន​ប្រកួត​នេះ​រួចរាល់​ហើយ នឹង​ងាក​ទៅ​ពង្រឹង​គុណ​ភាណ​លើ​ការរៀបចំ​ព្រឹត្តិការណ៍ និង​ការអភិវឌ្ឍ​សមត្ថភាព​កីឡាករ​កីឡាការិនី អោយ​
​គុណភាព​ល្អប្រសើរ​ដើម្បី​ត្រៀម​ទទួល​ស្វាគមន៍​ប្រតិភូ​អត្ត​ពលិកម​ក​ពី​បណ្តា​ប្រទេស​អាស៊ីអាគ្នេយ៍​ប្រកបដោយ​ភាពកក់ក្តៅ​សម​នឹង​ឋានៈ​ជា​ម្ចាស់ផ្ទះ​ស៊ី​ហ្គេម​លើក​ទី​៣២ និង​អាស៊ាន​ប៉ា​រ៉ា​ហ្គេម​លើក​ទី​១២ ឆ្នាំ​២០២៣៕/R

ទីតាំងផ្សាយពាណិជ្ជកម្ម

- Advertisment -

Most Popular

រោងភាពយន្ត លេ​ជិន ផ្អាក​ប...

​ដោយៈ សុផល / ភ្នំពេញៈ រោង...

ក្រោយ​ការធ្វើ​តេស្ត​ជំងឺ​...

​ដោយ​៖ ទេព មង្គល / ភ្នំពេ...

ថ្នាក់ដឹកនាំ​និង​មន្ត្រី​...

ដោយៈ​ដេប៉ូ​/​ភ្នំពេញៈ​ថ្ន...

ក្រសួង​អប់រំ​ប្រកាស​ផ្អាក...

​ដោយ​:​សុផល​/​ភ្នំពេញៈ​ដើ...