Home ព័ត៌មានជាតិ នយោបាយ ​កិច្ចប្រជុំ​...

​កិច្ចប្រជុំ​គណៈរដ្ឋមន្ត្រី​អនុម័ត​”​សេចក្តីព្រាងច្បាប់​ស្ដីពី​ការទូទាត់​ថវិកា​ទូទៅ​របស់​រដ្ឋ​សម្រាប់​ការគ្រប់គ្រង​ឆ្នាំ​២០១៩”

ដោយ​៖​តារា​រិ​ទ្ធ​/​ភ្នំពេញ​៖​កិច្ចប្រជុំពេញអង្គ​គណៈរដ្ឋមន្ត្រី​នា​ព្រឹក​ថ្ងៃទី​២៣ខែតុលា​ក្រោម​អធិបតីភាព​ដ៏​ខ្ពង់ខ្ពស់​របស់​សម្ដេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បាន​បានអនុម័ត​”​សេចក្តីព្រាងច្បាប់​ស្ដីពី​ការទូទាត់​ថវិកា​ទូទៅ​របស់​រដ្ឋ​សម្រាប់​ការគ្រប់គ្រង​ឆ្នាំ​២០១៩”។​នេះ​បើ​យោងតាម​លោកផៃ ស៊ី​ផានអ្នកនាំពាក្យរាជរដ្ឋាភិបាល ។​

​ការអនុវត្ត​ចំណូល​ថវិកា​ឆ្នាំ​២០១៩​សម្រេចបាន​៖​ចំណូល​ថវិការដ្ឋ(​ថវិកា​ថា្នក់​ជាតិ​និង​ថវិកា​ថ្នាក់ក្រោម​ជាតិ​) ឆ្នាំ​២០១៩ អនុវត្តបាន​ចំនួន ៣៤ ៥៤៣ ៩០៦,១ លាន រៀល​ស្មើរ​នឹង​៣១,៤០% នៃ ផ​.​ស​.​ស​. គឺ​ខ្ពស់ជាង​ច្បាប់​ហិរញ្ញវត្ថុ​២៣,១% ដោយ​ក្នុងនោះ​ចំណូល​ក្នុងប្រទេស​អនុវត្តបាន​ចំនួន ២៧ ៩១៦ ៥៥០,៨ លាន​រៀល ស្មើនឹង ២៥,៣៨%នៃ ផ​.​ស​.​ស​. គឺ​ខ្ពស់ជាង​ច្បាប់​ហិរញ្ញវត្ថុ​៣០,៨%​និង​ចំណូល​មូលធន​ក្រៅប្រទេសអនុវត្តបាន​ចំនួន ៥ ៤៧៥ ៦៧៣,៨លាន​រៀលស្មើនឹង៤,៩៨% នៃ ផ​.​ស​.​ស​. គឺ​ទាប​ជាង​ច្បាប់​ហិរញ្ញវត្ថុ១,៨%​។​

​ការអនុវត្ត​ចំណាយ​ថវិកា​ឆ្នាំ​២០១៩ ចំណាយ​ថវិការដ្ឋ (​ថវិកា​ថ្នាក់ជាតិ និង​ថវិកា​ថ្នាក់ក្រោម​ជាតិ​)​អនុវត្តបាន​ចំនួន ២៨ ៦៧៦ ៦៣៩,៤ លាន​រៀល ស្មើនឹង ២៦,០៧% នៃ ផ​.​ស​.​ស​.​គឺ​ទាប​ជាង​ច្បាប់​ហិរញ្ញវត្ថុ ១,៤% ក្នុងនោះ​ចំណាយ​ចរន្ត​ថវិការដ្ឋ​(​ថវិកា​ថ្នាក់ជាតិ​និង​ថវិកា​ថ្នាក់ក្រោម​ជាតិ​)​នុ​វត្ត​បាន​ចំនួន១៨ ៧៦៩ ៤១៤,៥លាន​រៀលស្មើនឹង​១៧,០៦% នៃ ផ​.​ស​.​ស​. គឺ​ខ្ពស់ជាង​ច្បាប់​ហិរញ្ញវត្ថុ​១,៧%​។​

​លទ្ធផល​នៃ​ការអនុវត្ត​ថវិកា​ឆ្នាំ ២០១៩ បានបង្ហាញ​ឱ្យឃើញថា​រាជរដ្ឋាភិបាល​កម្ពុ​ជាស​ម្រេច​បាន​នូវ​សូចនាករ​សំខាន់ៗ​នៃ​ម៉ាក្រូសេដ្ឋកិច្ច និង ក្របខ័ណ្ឌ​ហិរញ្ញវត្ថុ​សា​ធា រណៈ​ជាអាទិ៍​កំណើនសេដ្ឋកិច្ច​សម្រេចបាន​៧,១% ដូច​ការគ្រោងទុក ។ ផ​.​ស​.​ស​. សម្រាប់​មនុស្ស​ម្នាក់ៗ​សម្រេចបាន ១.៧០០ដុល្លារ​អាមេរិក​អតិផរណា​ជា​មធ្យម​ប្រចាំឆ្នាំ​២០១៩ មាន​១,៨% ធៀប​នឹង​ការគ្រោងទុក​គឺ​ក្នុង​រង្វង់​៣,១% អត្រា​ប្ដូរប្រាក់​ជា​មធ្យម ៤០៥៥ រៀល​ក្នុង​១​ដុល្លារ​អាមេរិក​ធៀប​នឹង​ការគ្រោង ៤,០៣៧​រៀល​។ ចំពោះ ក្របខ័ណ្ឌ​ហិរញ្ញវត្ថុ​សាធា រណៈ​កំណើន​ចំណូល​ចរន្ដ​សរុប​សម្រេចបាន​៣,០១​ពិន្ទុ​ភាគរយ​នៃផ​.​ស​.​ស​.​ធៀប​នឹង​គោល ដៅ​០,៥៧​ពិ​ន្ធុ​ភាគរយ នៃ ផ​.​ស​.​ស​.​។ ដោយសារ លទ្ធផល​នៃ​ការប្រមូល​ចំណូល​ខ្ពស់ និង​ការអនុវត្ត​ចំណាយ​ថវិកា​ប្រកបដោយ​ប្រសិទ្ធភាព​រាជរដ្ឋាភិបាល​មិន​ត្រឹមតែ​ពុំបាន​ប្រើប្រាស់​ប្រាក់​សន្សំ​ក្នុង​ប​ញ្ជើ​រាជរដ្ឋាភិបាល​ដែល​ត្រូវ​បានគ្រោង​ក្នុង​ច្បាប់​ស្ដីពី​ហិរញ្ញវត្ថុ​សម្រា ប់​ការគ្រប់គ្រង​ឆ្នាំ២០១៩ចំនួន ៤០៥.០០០ លាន​រៀល​ប៉ុណ្ណោះ​ទេ​តែ​ថែមទាំង​សម្រេចបាន​នូវ​អនុវត្ត​ថវិកា​ក្នុង​ឆ្នាំ​សម្រាប់ការគ្រប់គ្រង​ឆ្នាំ២០១៩ចំនួន៣.៧៣៥.២៦៧,៤ លាន​រៀល​ទៀត​ដែល​ត្រូវ​បានដាក់​បង្កើន​ជា​ប្រាក់​សន្សំ​បន្ថែម​សម្រាប់​រួមចំណែក​គាំទ្រ​ដល់​ការអនុ វត្ត​អាទិភាព​គោល នយោបាយ​ផ្សេងៗ​ទៀត​របស់​រាជរដ្ឋាភិបាល ៕ BR

ទីតាំងផ្សាយពាណិជ្ជកម្ម

- Advertisment -

Most Popular