Home ព័ត៌មានជាតិ សង្គម មិត្តហ្វូនផ្ត...

មិត្តហ្វូនផ្តល់អំណោយចំនួន៥,០ ០០ កញ្ចប់ដល់ប្រជាពលរដ្ឋរង​គ្រោះដោយទឹកជំនន់

ដោយៈសុផល/ភ្នំពេញ៖គណៈកម្មាធិការគ្រប់គ្រងគ្រោះមហន្តរាយបានឱ្យដឹងថាចាប់​តាំង​ពីទឹកជំនន់បានកើតឡើងនៅតាមបណ្តាខេត្តជាច្រើននៅទូទាំងប្រទេសកម្ពុជាដោ​យសារភ្លៀងធ្លាក់ខ្លាំងនិងអាកាសធាតុអាប់អួរអស់រយៈពេលជាច្រើនសប្តាហ៍ចាប់តាំងពីដើមខែតុលាមក បានបង្កផលប៉ះពាល់យ៉ាងធ្ងន់ធ្ងរដល់ប្រជាជនប្រមាណ​១២០,​៧៨​៥គ្រួសារ ស្មើនឹង ៤៨៣,១៤០ នាក់នៅទូទាំងប្រទេស។ ផ្ទះប៉ះពាល់ ១១១,៣៥៤ ខ្នង និងខូចខាត៦៣ខ្នងហើយមនុស្សជាង១១,៥៥៤នាក់ត្រូវបានជម្លៀសចេញទៅ​ទីទួ​ល​សុវត្ថិភាពជាពិសេសមនុស្សស្លាប់៣៩នាក់។ក្នុងនោះវាលស្រូវស្រែចម្ការ​រាប់​ពាន់​ហិក​តា​និងដំណាំផ្សេងៗទៀតក៏ត្រូវខូចខាតជាទំងន់ផងដែរ។

ដោយទទួលស្គាល់ពីស្ថានភាពដ៏លំបាកនេះ ក្រុមហ៊ុនមិត្តហ្វូនបានរួមសហការ​ជាមួយ​គណៈកម្មាធិការគ្រប់គ្រងគ្រោះមហន្តរាយនៅក្នុងខេត្តចំនួន១០ដែលបានរងគ្រោះទឹកជំនន់ខ្លាំងជា​ង​គេដើម្បីឧបត្ថម្ភគ្រឿងបរិភោគនិងសម្ភារៈប្រើ​ប្រាស់មួយចំនួនដល់​ប្រជា​ពលរដ្ឋដែលរងគ្រោះ​។​​​អំណោយសរុបចំនួន៥.០០០កញ្ចប់ដែល​រួមមានស៊ីមកាតមួយ​មានទឹកប្រាក់ចំនួន៣០​០​ដុ​ល្លា​រ​រួចជាស្រេចត្រូវបានចែកជូន​ប្រជាពលរដ្ឋចាប់ពីថ្ងៃនេះ​តទៅហើយមិត្តហ្វូននៅតែបន្តរៀប​ចំសកម្មភាពជំនួយបន្ថែមទៀតនាពេលខាងមុខ។អំណោយសរុបទាំងអស់សរុបជាទឹកប្រាក់៥ម៉ឺនដុល្លារអាមេរិកត្រូវបានរំពឹងថានឹងជួយចូលរួមចំណែកប្រជាជនរងគ្រោះជិត៥.០​០​០​​​ គ្រួសារ​ដើម្បីជំនះស្ថានការណ៍​លំបាក​នេះ។

ខេត្តក្រុងដែលទទួលបានការផ្តល់ជូនអំណោយពីកម្មវិធីនេះមានដូចជាខេត្តបន្ទាយ​មាន​ជ័យ ខេត្តបាត់ដំបង ខេត្តពោធិ៍សាត់ ខេត្តកំពង់ធំ ក្រុងភ្នំពេញ ខេត្តកណ្តាល ក្រុង​ព្រះ​សីហនុ ខេត្តកំពង់ស្ពឺ ខេត្តប៉ៃលិន និងខេត្តស្ទឹងត្រែង។

ម៉្យាងវិញទៀត ទោះបីជារងផលប៉ះពាល់យ៉ាងធ្ងន់ធ្ងរដោយ​សារអាកាសធាតុមិនល្អ​យ៉ាងណាក៏ដោយ ក្រុមហ៊ុនមិត្តហ្វូន និងក្រុមការងារបច្ចេកទេសរបស់ខ្លួនបានជំនះ​និង​ខិតខំយ៉ាងខ្លាំងក្លាដោយបានថែទាំបណ្តាញសេវាដោយមិនមានការរំខានណាមួយគួរឱ្យ​កត់សម្គាល់​លើសេវាកម្មរបស់មិត្តហ្វូនឡើយ។ បុគ្គលិកបច្ចេកទេស ១០០% ត្រូវ​បានបញ្ជូនទៅតំបន់រងគ្រោះដោយទឹកជំនន់ដើម្បីធានាបាននូវគុណភាពសេវាល្អបំផុតនៅទីតាំងទាំងនោះ។

ជាមួយនឹងទស្សនវិស័យអាជីវកម្មរបស់ខ្លួន “អ្នកយកចិត្តទុកដាក់ និងច្នៃប្រឌិតខ្ពស់” ចាប់​តាំងពីបើកដំណើរការអាជីវកម្មដំបូងរបស់ខ្លួនមក មិត្តហ្វូនបានក្លាយជាប្រតិបត្តិករ​ឈានមុខគេក្នុងសកម្មភាពទំនួលខុសត្រូវសង្គមជាច្រើនដើម្បីកែលំអនិងលើកស្ទួយស្ថាន​ភាពជីវិតរស់នៅ សុខ​ភាព ការអប់រំរបស់ប្រជាជនកម្ពុជាជាអាទិ៍៖បរិច្ចាគ​មូល​និ​ធិ​ជំងឺកូវីដ១៩ភ្ជាប់អ៊ីនធឺណិតទៅសាលារៀនជិត១៥០០កន្លែងក្នុងរយៈពេល៥ឆ្នាំឧប​ត្ថម្ភ​កម្មវិធី “នេះមិនមែនជាសុបិន”ក្នុងការជួយស្វែងរកសាច់ញាតិដែលបាត់​បង់ជាង​១០០ គ្រួសារនាសម័យសង្គ្រាមឧបត្ថម្ភដល់ការវះកាត់សម្រាប់កុមារក្រីក្រ​ចំនួន៤៧២នាក់​ផ្តល់អ៊ីនធឺណិតសម្រាប់បណ្តាញអប់រំស្រាវ​ជ្រាវ​កម្ពុជា រៀបចំការត្រួតពិនិត្យ​សុខភាព​និង​ផ្តល់ថ្នាំ​ឥតគិតថ្លៃ រៀបចំកម្មវិធី Munny Care ដើម្បីជួយសំរួលសម្ភារៈសិក្សា​សំរាប់​សិស្សក្រីក្រ។ទឹកប្រាក់សរុបដែលមិត្តហ្វូនបានចូលរួមចំណែក​ក្នុងការធ្វើសកម្មភាព​ទំនួ​ល​​ខុស​ត្រូវសង្គមបានកើនឡើងដល់ ៨៥ លានដុល្លារអាមេរិក៕Ph

ទីតាំងផ្សាយពាណិជ្ជកម្ម

- Advertisment -

Most Popular

លោកស្រី អោ​ង សាន ស៊ូ​ជី​៖...

ដោយៈ​តារា​រិ​ទ្ធ​/​ភ្នំពេ...

ចាប់ផ្ដើម​សាងសង់​អគារ​សាល...

ដោយ​៖​រ៉ា​ម៉ន / ភ្នំពេញ​៖...

រាវ​រកឃើញ​គ្រាប់​យុទ្ធ​ភ័...

ដោយ​: ប​.​ជ័យ / បន្ទាយមាន...

លោកនាយ​ឧត្ដមសេនីយ៍ ម៉ឹង ស...

ដោយ​: វ៉ៃ​កូ / ខេត្តស្វាយ...