Home ព័ត៌មានអន្តរជាតិ ប្រធានាធិបតី​...

ប្រធានាធិបតី​ចិន វាយប្រហារ​រិះគន់​អាម៉េរិក​ក្នុង​ខួប​សង្គ្រាម​កូរ៉េ​

​ក្នុងឱកាស​រំលឹក​ខួប​ទី​៧០​នៃ​ការ​ចូល​ពាក់ព័ន្ធ​របស់​ចិន​ក្នុង​សង្គ្រាម​កូរ៉េ​កាលពី​ថ្ងៃ​សុក្រ​ទី​២៣​តុលា ប្រធានាធិបតី ចិន លោក ស៊ី ជីន​ពីង បាន​ឆ្លៀត​វាយប្រហារ​រិះគន់​អាម៉េរិក ដោយ​លោក​បាន​ថ្កោល​​ទោស​«​ឯកតោភាគី​និយម គាំពារ​និយម​និង​អត្តទត្ថភាព​ហួសហេតុ »​។​

​ចិន​និយាយ​យោង​ដល់​ជម្លោះ ដែល​ខ្លួន​បាន​បញ្ជូន​ទាហាន​ទៅ​ជួយ​កងកម្លាំង​កូរ៉េខាងជើង​ប្រឆាំងនឹង​ក្រុមចម្រុះ​សហប្រជាជាតិ​មួយ​ដឹកនាំ​ដោយ​អាម៉េរិក ក្នុងនាម​ជា​«​សង្គ្រាម​ប្រឆាំង​ការឈ្លានពាន​​របស់​អាម៉េរិក និង​ជួយ​កូរ៉េ​»​។​

​ទោះ​ជា​ការ​ប្រយុទ្ធ​គ្នា​បាន​បញ្ចប់​ក្នុង​ភាព​ប្រទាញប្រទង់​គ្នា​នៅឡើយ សង្គ្រាម​បាន​រុញ​ចិន​អោយ​លេចធ្លោ​ឡើង​ជា​អ្នកដើរតួ​សំខាន់​មួយ​នៅលើ​ឆាក​អន្តរជាតិ​និង​ការ​រំលឹក​ខួប​កាលពី​ថ្ងៃ​សុក្រ​ចំ​ពេល​ដែល​​ប្រធានាធិបតី​ចិន​ស៊ី ជីន​ពីង ជំរុញ​ឃោសនា​គំនិត​ស្នេហា​ជាតិនិយម និង​ភាព​ជា​មេដឹកនាំ​នៃ​គណបក្ស​កុំម្មុយនិស្ត​ចិន​។​

​ស៊ី បាន​ប្រាប់​ទៅ​ទស្សនិកជន​ថា «​នៅក្នុង​ពិភពលោក​សព្វថ្ងៃ ការ​ស្វះស្វែង​អនុវត្ត​ឯ​តោ​ភាគី​និយម គាំពារ​និយម​និង​អត្តទត្ថភាព​ហួសហេតុ មិន​អាច​នាំ​មក​ផល​ល្អ​ឬ ជោគជ័យ​ទេ​។​ភាព​ច្រឡោងខាម​ អំពើ​អនុត្តរភាព ការ​សង្កត់សង្កិន​និង​សម្លុត​គំរាម​នឹង​មិន​នាំ​មក​ជោគជ័យ​ទេ​។​ប្រជាជន​មកពី​គ្រប់​ប្រទេស​គួរ​រួមគ្នា​ការពារ​ពហុភាគី​និយម ការអភិវឌ្ឍ​ដោយ​សន្តិវិធី និង​កិច្ចសហការ​ឈ្នះ​ឈ្នះ​»​។​

​មេដឹកនាំ​ចិន​រូបនេះ​បាន​បន្ថែមថា « ចិន​នឹង​មិន​អនុញ្ញាត​អោយ​អធិបតេយ្យភាព សន្តិសុខ​និង​ផលប្រយោជន៍​អភិវឌ្ឍន៍​របស់​ខ្លួន​ត្រូវបាន​បំផ្លាញ​ទេ ។​សូម​ពិភពលោក​ដឹង​ថា​ប្រជាជន​ចិន​ឥឡូវ​មានការ​​រៀបរយ​ល្អ និង​មិន​បង្ហិន​ពេល​ឥត​បានការ​ទេ​។​អំពើ​ឯ​តោ​ភាគី​និយម ផ្តាច់មុខ​និយម និង​ការ​សម្លុត​គំរាម នឹង​មិន​មាន​ប្រយោជន៍ ហើយ​នឹង​នាំទៅ​បរាជ័យ​»​។​

​ខួប​នេះ​ត្រូវបាន​ធ្វើឡើង​នៅពេល​ទំនាក់ទំនង​របស់​ចិន​ជាមួយ​អាម៉េរិក​ធ្លាក់​ចុះ​ដល់​កំរិត​ទាប​បំផុត​បើ​ធៀប​នឹង​ការ​ទាក់ទង​របស់​ប្រទេស​ទាំង​ពីរ​នៅ​ប៉ុន្មាន​ទសវត្សរ៍​មក​នេះ នៅ​ពេល​ពួកគេ​ឈ្លោះ​គ្នា​អំពី​​ពាណិជ្ជកម្ម សិទ្ធិមនុស្ស ការ​ការចោទប្រកាន់​ថា​ចិន​ធ្វើ​ចារកម្ម ព្រមទាំង​គោលនយោបាយ​ចិន​ចំពោះ​ហុងកុង កោះ​តៃវ៉ាន់​និង​សមុទ្រ​ចិន​ខាងត្បូង​។​

​លោក​ស៊ី ក៏​បាន​អំពាវនាវ​អោយ​ចិន​ធ្វើ​ទំនើបកម្ម​កង​យោធា​របស់​ខ្លួន គឺ​«​ចិន​ត្រូវ​ប្រែ​ក្លាយខ្លួន​ជា​មហាអំណាច​ទំនើប​មួយ និង​កសាង​កងទ័ព​ថ្នាក់​ពិភពលោក​មួយ ដែល​ខ្លាំង​និង​រឹងមាំ​ល្មម​អាច​ផ្តល់​ការ​​គាំទ្រ​យុទ្ធសាស្ត្រ​ដល់ ការធ្វើ​យុវ​កម្ម​ជាតិ​។​

​បើ​តាម​លោក​ស៊ី ចិន​តែងតែ​ង​ប្រកាន់​គោលនយោបាយ​ការពារ​ជាតិ​បែប​ការពារ​ខ្លួន និង​យោធា​របស់​ខ្លួន​តែងតែ​ការពារ​សន្តិភាព​និង​ស្ថិរភាព​ពិភពលោក​។​ក្នុងនាម​ជា​មហាអំណាច​ពិភពលោក​មាន​ការ​​ទទួលខុសត្រូវ​មួយ ចិន​រក្សា​តំលៃ​សកល ដូច​ជា​សន្តិភាព​និង​ការអភិវឌ្ឍន៍ សមភាព យុត្តិធម៌ ប្រជាធិបតេយ្យ និង​សេរីភាព ព្រមទាំង​ជំរុញ​អភិបាលកិច្ច​សកល​តាម​រយៈ​គោលការណ៍​ប្រឹក្សា​យោបល់ ការ​​ចូលរួមចំណែក និង​ផលប្រយោជន៍​រួម​៕​ប្រែ​សម្រួល​៖​វាសនា​

​ប្រធានាធិបតី ស៊ី ជីន​ពីង កាលពី​ថ្ងៃ​២៣​តុលា ថ្លែង​សុន្ទរកថា​នៅ​ពិធី​រំលឹក​ខួប​ទី​៧០​ឆ្នាំ ស្តី​ពី​កងទ័ព​ចិន​ចូល​ជួយ​កងកម្លាំង​កូរ៉េខាងជើង ប្រឆាំង​ការឈ្លានពាន​របស់​អាម៉េរិក​

ទីតាំងផ្សាយពាណិជ្ជកម្ម

- Advertisment -

Most Popular

រោងភាពយន្ត លេ​ជិន ផ្អាក​ប...

​ដោយៈ សុផល / ភ្នំពេញៈ រោង...

ក្រោយ​ការធ្វើ​តេស្ត​ជំងឺ​...

​ដោយ​៖ ទេព មង្គល / ភ្នំពេ...

ថ្នាក់ដឹកនាំ​និង​មន្ត្រី​...

ដោយៈ​ដេប៉ូ​/​ភ្នំពេញៈ​ថ្ន...

ក្រសួង​អប់រំ​ប្រកាស​ផ្អាក...

​ដោយ​:​សុផល​/​ភ្នំពេញៈ​ដើ...