មន្ត្រី​ថា កម្មវិធី​ឧបត្ថម្ភ​សាច់ប្រាក់​ដល់​ស្ត្រី​មាន​ផ្ទៃពោះ និង កុមារ នៅ​ដំណើរ ការ​ដោយ​រលូន​

ដោយៈ មេសា​/ភ្នំពេញៈ ថ្លែងប្រាប់ រស្មី​កម្ពុជា តាម តេ​ឡេ​ហ្ក្រា​ម នៅ​រសៀល​ថ្ងៃទី ២៣ ខែ តុលា ឆ្នាំ ២០២០ នេះ លោក ឈួ​រ សុ​បញ្ញា ប្រធាន​នាយកដ្ឋាន​សុខុមាលភាព​សង្គម នៃ ក្រសួង​សង្គមកិច្ច អតីតយុទ្ធជន និង យុវនីតិសម្បទា ដែលជា​អ្នកទទួលបន្ទុក​ដឹកនាំ​អនុវត្ត​ដោយផ្ទាល់​នូវ កម្មវិធី​ឧបត្ថម្ភ​សាច់ប្រាក់​ដល់​ស្ត្រី​មាន​ផ្ទៃពោះ និង កុមារ​ក្រោម​អាយុ ២ ឆ្នាំ ក្នុង​គ្រួសារ​ក្រីក្រ បាន​អះអាងថា “ កម្មវិធី​ឧបត្ថម្ភ​សាច់ប្រាក់​មួយ​នេះ មិន​រង​ផលប៉ះពាល់ ឬ មិនបាន​អសកម្ម ដោយសារ​ប្រការ​ណាមួយ ដូចជា​ដោយសារ​កម្មវិធី​ឧបត្ថម្ភ​សាច់ប្រាក់​ដល់​គ្រួសារ​ក្រីក្រ និង ងាយ​រងគ្រោះ​អំឡុងពេល​ប្រយុទ្ធ​នឹង​ជំងឺ​កូ​វីដ ១៩ ទេ សូម្បីតែ​ទឹកជំនន់ ក៏​មិនបាន​ប៉ះពាល់ គួរឱ្យកត់សម្គាល់​ដល់​ការអនុវត្ត​កម្មវិធី​ឧបត្ថម្ភ​សាច់ប្រាក់​ដល់​ស្ត្រី​មាន​ផ្ទៃពោះ និង កុមារ ក្រោម​អាយុ ២ ឆ្នាំ ក្នុង​គ្រួសារ​ក្រីក្រ នេះដែរ “ ។​

លោក ឈួ​រ សុ​បញ្ញា ( មាន​កាយវិការ ) ប្រធាន​នាយកដ្ឋាន សុខុមាលភាព​សង្គម ដែលជា​អ្នកដឹកនាំ​អនុវត្ត​ដោយផ្ទាល់​នូវ​កម្មវិធី​ឧបត្ថម្ភ​សាច់ប្រាក់​ទាំង ២ ខាងលើនេះ ពេល​ចុះ​ពិនិត្យ​ស្ថា​ភាព​អ្នកទទួលផល​ក្នុងពេល​ទឹកជំនន់ ( រូបៈ មេសា )


​បើតាម​របាយការណ៍​ដែល​ផ្តល់​ដោយ​លោក ឈួ​រ សុ​បញ្ញា ដដែល​បានឱ្យដឹងថា គិត​ត្រឹម ម៉ោង ១៨ និង ០០ នាទី ល្ងាច​ថ្ងៃទី ២២ ខែ តុលា ឆ្នាំ ២០២០ នេះ មាន​ស្ត្រី និង កុមារ​ដែល ជា​អ្នកទទួលផល​សរុប ១៤៥ ៩៩៩ នាក់ ហើយ​ថែមទាំង​មាន​អ្នក​ចុះឈ្មោះ​ថ្មី​ប្រចាំថ្ងៃ ចំនួន ១៩២ នាក់​ថែម​ទៀតផង ដោយ​កម្មវិធី​ចំណាយ​ថវិកា​សរុប ៣១ ២៨៤ ៦០០ ០០០ រៀល ឬ ប្រមាណ​ជា​ជិត ០៨ លាន​ដុល្លារ​អាមេរិក ដែលជា​ថវិកា​របស់​រា​ជ​រដ្ឋាភិបាល កម្ពុជា សុទ្ធសាធ ។​


​គប្បី​រំឭក​ផងដែរ​ថា កម្មវិធី​ឧបត្ថម្ភ​សាច់ប្រាក់​ដល់​គ្រួសារ​ក្រីក្រ និង ងាយ​រងគ្រោះ​អំឡុងពេល ប្រយុទ្ធ​នឹង​ជំងឺ​កូ​វីដ ១៩ ដែលជា​កម្មវិធី​ថ្មី​មួយទៀត​របស់​រាជរដ្ឋាភិបាល ទើបតែ​ត្រូវ​បានដាក់ ឱ្យ​អនុវត្ត​កាលពី​ថ្ងៃទី ២៥ ខែ មិថុនា ឆ្នាំ ២០២០ នេះ បើទោះបីជា​រង​ផលប៉ះពាល់ ខ្លះ​ពី​ទឹក ជំនន់​ប៉ុន្មាន​សប្តាហ៍​មកនេះ​ក្តី ក៏​កម្មវិធី​នេះ នៅតែ​ប្រព្រឹត្ត​ទៅដោយ​ជោគជ័យ គឺ​អាស្រ័យ ដោយមាន​កិច្ចខិតខំ​ប្រឹងប្រែង​ខ្នះខ្នែង​សម្របសម្រួល​ជម្នះ​នូវ​រាល់​ឧបសគ្គ​ពី​គ្រប់ភាគី​ពាក់ព័ន្ធ តាំងពី​ថ្នាក់ជាតិ រហូតដល់​ថ្នាក់មូលដ្ឋាន ហើយ​បើតាម​របាយការណ៍​រប​ស់លោក ឈួ​រ សុ​បញ្ញា ដដែល ដែលជា​អ្នកដឹកនាំ​អនុវត្ត​ដោយផ្ទាល់​នូវ​កម្មវិធី​ឧបត្ថម្ភ​សាច់ប្រាក់ ( សូមកុំ ច្រឡំ​គ្នា​នូវ​កម្មវិធី​ឧបត្ថម្ភ​សាច់ប្រាក់​ទាំង ២ នេះ ថា ជា​កម្មវិធី​តែមួយ ) មួយ​នេះដែរ បានឱ្យ ដឹងថា គិត​ត្រឹម​ម៉ោង ១៨ និង ០០ នាទី​ល្ងាច​ថ្ងៃទី ២២ ខែ តុលា ឆ្នាំ ២០២០ នេះ កម្មវិធី​បាន បើកប្រាក់​ជូន​ប្រជាជន​សរុប ៥៤៨ ៧១៩ គ្រួសារ​ហើយ ពី​ក្នុងចំណោម​ប្រជាជន​ជាង ៥៩ ម៉ឺន​គ្រួសារ ដែលមាន​ឈ្មោះ​នៅក្នុង​បញ្ជី​សម្រាប់​ខែ តុលា នេះ ដោយ​កម្មវិធី​ចំណាយ ថវិកា​អស់ ១១៦ ១២១ ២៨៨ ០០០ រៀល ឬ ប្រមាណ​ជាជាង ២៨ លាន​ដុល្លារ​អាមេរិក ហើយ​បើ​គិត​តាំងពី​ពេល​ចាប់ផ្តើម​អនុវត្ត​កម្មវិធី ( ២៥ មិថុនា ) មក​នោះ រាជរដ្ឋាភិបាល​កម្ពុជា បាន​ចំណាយ​ថវិកា​តាមរយៈ​កម្មវិធី​នេះ​សរុប ៤៣២ ៩០៤ ០១៦ ០០០ រៀល ឬ ប្រមាណ ជា​ជិត ១០៦ លាន​ដុល្លារ​អាមេរិក ។​


​ដូច្នេះ​បើ​បូក​បញ្ចូល​គ្នា នៃ កម្មវិធី​ឧបត្ថម្ភ​សាច់ប្រាក់​ទាំង ២ ខាងលើនេះ​ទៅ រាជរដ្ឋាភិបាល កម្ពុជា បាន​ចំណាយ​ថវិកា​អស់​ជិត ១១៤ លាន​ដុល្លារ​អាមេរិក ៕ Kh

ទីតាំងផ្សាយពាណិជ្ជកម្ម

- Advertisment -

Most Popular

ជម្លោះ ដីធ្លី​រវាង​តារាចម...

​ដោយៈ មុនី រ័ត្ន​,​បូ​រិ​...

រាជរដ្ឋាភិបាលថៃប្រកាសបន្ត...

ស្ថានទូតនៃព្រះរាជាណាចក្រក...

ប្រជាពលរដ្ឋ​ទីទ័លក្រ​នៅ​ក...

​ដោយ​: រិ​ទ្ធិ​សែន / ខេត្...

ជនសង្ស័យ​ម្នាក់ រួម​នឹង​វ...

​ដោ​យៈ រិ​ទ្ធិ​សែន / ពោធិ...