ដោយ៖ បូរិន/ភ្នំពេញ៖ បើស្តាប់តាមដំណើរសាច់រឿងរបស់តារាសម្តែង ឌី សូនីតា យ៉ាងវែង គឺ ពិតជាគួរចង់ឲ្យអស់សំណើចនិងហាក់បីដូចស្ទើរតែមិនចង់ជឿ ដែល តារាស្រីរូបនេះបានបក ស្រាយរឿងមានផ្ទៃពោះរហូតសម្រាលបានកូនស្រីម្នាក់ ដោយបានដាក់ឈ្មោះថា ស្មាយ “Smile” ។
កាលពីថ្ងៃទី២៣ ខែតុលា ឆ្នាំ២០២០ ឌី សូនីតា បានសម្រាលបានកូនស្រីម្នាក់មានមុខមាត់ គួរខ្នាញ់ ស្របពេលនាងផ្ទុះព័ត៌មានពរពោះរាប់ខែមិនដឹងថាស្វាមីជានរណាឡើយបែរជាសុខៗ ស្រាប់មកប្រកាសថា តារាសម្តែងលោក អាឡិច ហ្សូរ៉ា ដែលធ្លាប់ជាដៃគូសម្តែងជាមួយគ្នា ថាសម្រេចចិត្តព្រមព្រៀងគ្នាយកគ្នាជាប្តីប្រពន្ធដោយតារាប្រុសនឹងក្លាយឪពុកទារិកនេះទៅវិញ។
ដំណឹងទទួលបានចំណងដៃថ្មីក្នុងជិវីតរបស់តារាសម្តែង ឌី សូនីតា បានធ្វើអ្នកគាំទ្រ បងប្អូន សាច់ញាត្តិ ក្រុមគ្រួសាររបស់នាងត្រេកអរ សប្បាយរីករាយជាមួយរូបនាងជាហូរហែរ ប៉ុន្តែទន្ទឹម នឹងនោះ មហាជនជាច្រើនក៏មានការភ្ញាក់ផ្អើលចំពោះដំណឹងថា ហេតុអ្វីស្រាប់តែ ឌី សូនីតា ស្ងាត់ៗមានកូន ហេតុអ្វីមិនព្រមរៀបការឱ្យច្បាស់លាស់ហេតុអ្វីបានមិនព្រមបញ្ចេញមុខប្រុស ដែលទាក់ទងនឹងរហូតដល់ផ្ទៃពោះចេញមុខមករៀបការ។ ព័ត៌មានរបស់តារាស្រីរូបនេះ ក៏បានធ្វើឱ្យមហាជនរសើបចិត្ត និងខកចិត្តចំពោះតារាល្បីប្រចាំខ្មែរដែលធ្វើផ្ទុយពីប្រពៃណីខ្មែរ កំពុងជះឥទ្ធិពលដល់ក្មេងៗជំនាន់ក្រោយ។
តាមដំណឹងជំវិញក្នុងចង្កោមអ្នកសិល្បៈវិញបានលើកឡើងតគ្នាឡើងថា កូនក្នុងផ្ទៃរបស់ ឌី សូនីតា គឺមិនមែនជាកូនដំណក់ឈាមរួមគ្នាជាមួយលោក អាឡិច ហ្សូរ៉ានោះទេ។កូនស្រីដែល កើតមកនោះជាកូនរបស់បុរសផ្សេង ដែលមិនព្រមចេញមុខខណៈដែលពួកគេត្រឹមតែសម្តែង ដើម្បីលាក់បាំងការពិតប៉ុណ្ណោះ។
ប្រភពដដែលបានបន្តថា បុរសដែលនៅពីក្រោយនោះគឺជាអ្នកផ្សេង ហើយក៏ត្រូវបានគេសង្ស័យ ថាជាអ្នកនៅពីក្រោយការបើកមុខជំនួញទ្រង់ទ្រាយធំឱ្យនាងកន្លងមកថ្មីៗនេះដែរ។ អ្វីដែលកត់ សម្គាល់នោះ សម្រាប់មហាជននិងអ្នកសិល្បៈនោះ គឺពួកគេទាំងពីរ (ឌី សូនីតា និងអាឡិច ហ្សូរ៉ា) មានសកម្មភាពកន្លងមកគឺជាការសម្តែងក្នុងនាមជាដៃគូប៉ុណ្ណោះ ហើយប្រសិនបើ ពួកគេពិតជាស្រលាញ់គ្នាមែនមិនពិបាកទេដែលត្រឹមការភ្ជាប់ពាក្យសែនព្រេនក៏គួរតែមាន ផងដែរព្រោះពួកគេសុទ្ធជាអ្នកមានគ្រាន់បើមានលទ្ធភាព និងពេលវេលាគ្រប់គ្រាន់ផងដែរ។
ចំពោះការបកស្រាយសម្រាប់មហាជនវិញ តារាស្រីរូបនេះលើកហេតុផលឱ្យដឹងកាលពីថ្ងៃទី២១ ខែតុលា ឆ្នាំ២០២០ថា មូលហេតុដែលនាងលាក់បាំងការពិត ក្រោមហេតុផលផ្ទាល់ខ្លួនពិសេស ទាក់ទិននឹងបញ្ហាសុខភាពរបស់នាងដោយក្រុមគ្រួសារនាងមានជំងឺតំណរពូជដែលពិបាក នឹងពរពោះក្រោយវ័យ៣០ឆ្នាំ។ នាងបង្ហាញមូលហេតុបែបនេះទើបនឹងសម្រេចចិត្តទទួល យកដំណក់ឈាមមួយនេះ ដោយមិនបានឆ្លងកកាត់ការរៀបការឡើយ។ ជាមួយគ្នានោះនាង បានថ្លែងធ្វើការសុំទោស និងសុំការយោគ យល់ពីទស្សនិកជនដែលនាងព្យាយាមលាក់បាំង៕
