​វិស័យ​ឯកជន កាន់​តែមាន​សិទ្ធិ ក្នុងការ​ដាក់សំណើ ទៅ​រដ្ឋ លើ​គម្រោង​បណ្តុះបណ្តាល និង​ចែករំលែក​បទពិសោធន៍​


ដោយៈ ពៅ​និមល / ភ្នំពេញៈ ក្រោម​គម្រោង​ជំនាញ សម្រាប់​ការប្រកួតប្រជែង (S4C) មូលនិធិ​អភិវឌ្ឍន៍​ជំនាញ ដែលជា​ស្ថាប័ន​មួយ បង្កើតឡើង ក្នុង​ការផ្តល់​មូលនិធិ ដើម្បី​ជំរុញ និង​លើកកម្ពស់ ការចូលរួម​ពី​វិស័យ​ឯកជន ក្នុងការ​បណ្តុះបណ្តាល បុគ្គលិក​ជំនាញ បាន​បើក​សិក្ខាសាលា​មួយ ស្តីពី​របៀប​ដាក់សំណើ គម្រោង​បណ្តុះបណ្តាល និង​ចែករំលែក​បទពិសោធន៍ ដែល​បាន​អនុវត្ត​របស់ គម្រោង​មូលនិធិ​អភិវឌ្ឍន៍​ជំនាញ​។​

​លោក ជា កុក​ហុង អគ្គនាយករង នៃ​អគ្គនាយកដ្ឋាន គោលនយោបាយ នៃ​ក្រសួង​សេដ្ឋ​កិច្ច និង​ហិរញ្ញវត្ថុ និង​ជា​ប្រធាន​គ្រប់គ្រង គម្រោង​មូលនិធិ អភិវឌ្ឍន៍​ជំនាញ កាល​ពី​ថ្ងៃទី​២២ ខែតុលា ឆ្នាំ​២០២០ កន្លងទៅ បាន​ប្រាប់​ឱ្យដឹងថាៈ សិក្ខាសាលា​នេះ រៀបចំ​ឡើង ក្នុង​គោលបំណង ដើម្បី​ឆ្លើយតប ទៅនឹង​តម្រូវការ​វិស័យ​ឯកជន សមាគម វិទ្យា​ស្ថាន​បណ្តុះបណ្តាល ប​ចេ្ច​ក​ទេស និង​ដៃគូ​អភិវឌ្ឍន៍​នានា ឱ្យ​កាន់តែ​យល់ច្បាស់ អំពី​នីតិវិធី ក្នុងការ​ដាក់សំណើ​គម្រោង ក៏ដូចជា ការចែករំលែក​បទពិសោធ​ន៍ និង​គន្លឹះ ក្នុង​ការ​ស្នើសុំ​មូលនិធិ សម្រាប់​ការបណ្តុះបណ្តាល​ជំនាញ​។​

​លោក​បានបង្ហាញ ជំនឿ​ជឿជាក់ថាៈ មូលនិធិ​អភិវឌ្ឍន៍​ជំនាញ នឹង​ក្លាយទៅជា​យន្តការ​មួយ ដែល​កាន់​តែមាន​ប្រសិទ្ធភាព ក្នុងការ​គាំទ្រ ការលើកកម្ពស់ កម្រិត​ជំនាញ និង​ការ​បង្កើន​ឱកាស​ការងារ នៅ​កម្ពុជា ខណៈដែល ក្នុង​រយៈពេល ២ ឆ្នាំ​មកនេះ មូលនិធិ​អភិ​វឌ្ឍន៍​ជំនាញ ក្រោម​ថវិកា​គាំទ្រ របស់​រដ្ឋាភិបាល​កម្ពុ​ជា បានផ្តល់​ហិរញ្ញប្បទាន ដល់​គម្រោង​បណ្តុះបណ្តាល ចំនួន ២២ គម្រោង ដែលមាន​សិក្ខាកាម​សរុប ចំនួន​ជាង ១.៦០០ នាក់ ក្រោម​កិច្ចសហការ រវាង​វិស័យ​ឯកជន ចំនួន ៤៩ ស្ថាប័ន និង​វិទ្យាស្ថាន​បណ្តុះបណ្តាល​វិជ្ជាជីវៈ ចំនួន ១៧ ស្ថាប័ន​។​

​លោកស្រី យូ បូរី អនុប្រធាន​សមាគម​សហគ្រិន វ័យក្មេង​កម្ពុជា បាន​មើលឃើញថាៈ សម្រាប់​បច្ចុប្បន្នកាល យើង​មានការ​អភិវឌ្ឍ​ខ្លាំង អំពី​ទំនាក់ទំនង រវាង​វិស័យ​ឯកជន និង​រដ្ឋាភិបាល ជាក់ស្តែង ភាគី​រដ្ឋាភិបាល បាន​ព្យាយាម​បង្កើតឡើង នូវ​កម្មវិធី​ផ្សេងៗ ជាច្រើន ធ្វើយ៉ាងណា​គៀងគរ ប្រមូលផ្តុំ​វិស័យ​ឯកជន ទាំង​សហគ្រាស​ធុន​តូច និង​មធ្យម និង មីក្រូហិរញ្ញវត្ថុ​… ឱ្យ​ចូលរួម​បញ្ចេញ​មតិយោបល់ និង​ចេញ​ជា​សម្លេង លើក​ឡើង​នូវ ការរំពឹងទុក​ជាដើម​។​

​សូមបញ្ជាក់ថា សិក្ខាសាលា ស្តីពី​របៀប​ដាក់សំណើ គម្រោង​បណ្តុះបណ្តាល និង​ចែករំ​លែក​បទពិសោធន៍ ដែល​បាន​អនុវត្ត​របស់ គម្រោង​មូលនិធិ អភិវឌ្ឍន៍​ជំនាញ ខាង​លើ មានការ​ចូលរួម​ពី​សំណាក់ វិទ្យាស្ថាន​បណ្តុះបណ្តាល​វិជ្ជាជីវៈ សហគ្រាស​ធុន​តូច និង​មធ្យម សមាគម​ធុរកិច្ច និង​តំណាង​ដៃគូ​អភិវឌ្ឍន៍​នានា ក្រោយ​ការគាំទ្រ​ថវិកា ដោយ​ធនាគារអភិវឌ្ឍន៍អាស៊ី (ADB) និង​ទីភ្នាក់ងារ​បារាំង សម្រាប់​ការអភិវឌ្ឍ (AFD) ក្រោម​គម្រោង​ជំនាញ សម្រាប់​ការប្រកួតប្រជែង (S4C) សរុប​ចំនួន​ប្រមាណ​៦០​នាក់​៕​/R

ទីតាំងផ្សាយពាណិជ្ជកម្ម

- Advertisment -

Most Popular

ឧ​ត្ត​ម​សេនីយ៍​ឯក ហ៊ុន ម៉...

​ដោយៈ មុនី​រ័ត្ន​/​ភ្នំពេ...

ហ្វូង​កណ្តូប​អុកឡុក​ទ្វីប...

​ប្រែ​សម្រួល : កញ្ញា​ដា​ល...

ប៉ូលិស​ថៃ​ដាក់ពង្រាយ​កម្ល...

ប្រែ​សម្រួលៈ​វាសនា​/​បាងក...

មន្ត្រី​ជំនាញ បញ្ឈប់​ការជ...

​ដោយៈ គ្រញូង /​បាត់ដំបងៈ ...