Home ព័ត៌មានជាតិ សេដ្ឋកិច្ច ប្រធាន​រដ្ឋបា...

ប្រធាន​រដ្ឋបាល​ជលផល បញ្ជាក់​ថា បច្ចុប្បន្ន ត្រី​ខ្នាត​ធំ មាន​ចំនួន​តិចជាង ត្រី​ល្អិត​


ដោយៈ ពៅ​និមល / ភ្នំពេញៈ លោក អេង ជា​សាន ប្រធាន​រដ្ឋបាល​ជលផល នៃ​ក្រសួងកសិកម្ម រុក្ខាប្រមាញ់ និង​នេសាទ បានឱ្យដឹងថាៈ នៅ​កម្ពុជា បច្ចុប្បន្ននេះ ប្រភេទ​ត្រី​ធម្មជាតិ ខ្នាត​ធំ មាន​ចំនួន​តិច ជាង​មុន ហើយ​នេះ​ជា​សញ្ញា​មួយ បង្ហាញថា ការចាប់​ច្រើន លើសលុប ដែល​ធ្វើឱ្យប៉ះពាល់ យ៉ាងខ្លាំង ដែល​ទាមទារ​ឱ្យ​ជំនួស​វិញ នូវ​ការចិញ្ចឹម​វារីវប្បកម្ម​។​

​ក្នុង​ពិធី​អបអរសាទរ ទិវា​នៃ​ការផ្លាស់​ទី​មច្ឆជាតិ​ពិភពលោក កាលពី​ព្រឹក ថ្ងៃទី​២៣ ខែតុលា ឆ្នាំ​២០២០​នេះ លោក​ប្រធាន​រដ្ឋបាល​ជលផល បានលើកឡើង​ថាៈ និយាយ​ជារួម ត្រី​ធម្មជាតិ ឥឡូវនេះ មិនទាន់មាន​ការថយចុះ​ខ្លាំង​ទេ ប៉ុន្តែ​យើង​បាន​ផ្លាស់ប្តូរ សមត្ថភាព​ហើយ និង​ក៏​ជាការ​មួយ ដែល​ត្រូវ​ចាប់ផ្តើម​ផងដែរ ដោយសារ​ប្រភេទ​ត្រី​ធំ តិចជាង​មុន ហើយ​ត្រី​ល្អិត​ច្រើន ដូចនេះ ការជំនួស​មកវិញ គឺ​ការធ្វើ​វារីវប្បកម្ម ដើម្បី​បំពេញតម្រូវការ ក្នុងស្រុក ពិសេស​ក្នុងអំឡុង​វិបត្តិ​កូ​វីដ ១៩ និង​ឈានដល់​ការនាំចេញ​ផងដែរ​។​

​លោក​បាន​បន្តថាៈ ការងារ​នេះ ក្រសួងកសិកម្ម តែងតែ​ជំរុញ​ជាប្រចាំ ហើយ​យើង​ក៏មាន​ផែនការ​យុទ្ធសាស្ត្រ និង​ផែនការ​ជាប្រចាំ​ឆ្នាំ​ផងដែរ ក្នុងការ​ជំរុញ​ការងារ​នេះ ដោយ​សហការ​ជាមួយ​ដៃគូ​ពាក់ព័ន្ធ ការស្រាវជ្រាវ និង​ការអភិវឌ្ឍ​ផ្សេងៗ ដើម្បី​ជំរុញ​បច្ចេកវិទ្យា ឱ្យបាន​ល្អប្រសើរ ហើយ​ធ្វើយ៉ាងណា ឱ្យ​តម្លៃ​ផលិតកម្ម ក្នុង​ការផលិត ពិសេស​ផល​ត្រី​ចិញ្ចឹម បានការ​ចំណាយ​តិច និង​មានការ​ប្រកួតប្រជែង ក្នុង​តំបន់ ហើយ​ផ្គត់ផ្គង់​ឱ្យបាន​ឆាប់រហ័ស​។​

​ជាមួយគ្នានេះ លោក​អំពាវនាវ ដល់​ប្រជាពលរដ្ឋ និង​អ្នកពាក់ព័ន្ធ​ទាំងអស់ ចូលរួម​ថែរក្សា​ការពារ នូវ​ធនធាន​ជលផល ដែល​តាមរយៈ ការមិន​ប្រព្រឹត្ត​នួវ ការ​ល្មើស​នេសាទ ដែល​គោរព​តាម​លិខិតបទដ្ឋាន ហើយ​ធ្វើ​នេសាទ​ត្រឹមត្រូវ និង​ខិតខំ​ចូលរួម​បន្ថែម ក្នុងការ​ជំរុញ​ការងារ​អភិវឌ្ឍន៍ វារីវប្បកម្ម ដោយសារ​សក្តានុពល ហើយ​វារីវប្បកម្ម​នេះ គឺមាន​កម្រិត​ធំធេង ដែល​យើង​គួរតែ​ជំរុញ ដែលនាំឱ្យ​បង្កើន​ជា​ចំណូល ដល់​សេដ្ឋកិច្ច​របស់ ប្រជាពលរដ្ឋ​ផ្ទាល់ បង្កើន​ការងារ ក៏ដូចជា បង្កើន​នូវ​ចំណូល​ដល់ សេដ្ឋកិច្ចជាតិ​ផងដែរ​។​

​ទាក់ទិន​នឹង​ទិវា​នៃ​ការផ្លាស់ ទី​មច្ឆជាតិ​ពិភពលោក លោកស្រី ឡូ​រ៉ា ស៊ី​ម៉ូ (Laura Cizmo) តំណាង​ទីភ្នាក់ងារ USAID បានបញ្ជាក់​ថាៈ ការរៀបចំ​ឡើង​នូវ​ទិវា​នេះ ក្នុង​គោលបំណង លើកកម្ពស់​ការយល់ដឹង ការស្រលាញ់​ធម្មជាតិ និង​ការរស់នៅ ប្រកបដោយ​ចីរភាព ខណៈដែល នៅលើ​ពិភពលោក ពូជ​ត្រី​បន្លាស់​ទី មាន​រហូតដល់ ៧០ ទៅ ៨០ ភាគរយ ទូទាំង​ពិភពលោក មានការ​ធ្លាក់ចុះ ក្នុង​រយៈពេល មួ​យស​ត្ស​វត្សរ៍ ចុងក្រោយ​នេះ ដែលជា​ការព្រួយបារម្ភ​បំផុត​។​

​លោកស្រី បាន​បន្ថែមថាៈ ការផ្លាស់​ទី​របស់​សត្វ​ត្រី មាន​សារៈសំខាន់​ណាស់ ដើម្បី​បំពេញ​វដ្ត​ជីវិត ពង​កូន រក​ចំណី និង​រក​ទី​ជំរក​សុវត្ថិភាព​។​

​ក្នុងឱកាស​ប្រារព្ធ​ទិវា​នេះដែរ អ្នកពាក់ព័ន្ធ​ខាងលើ បាន​លែង​កូន​ត្រី និង​ត្រី​ពូជ រួមមាន​ប្រភេទ​ត្រី​គល់រាំង ត្រី​រៀល ត្រី​ព្រួល និង​ត្រី​ប្រា សរុប​ចំនួន ប្រមាណ ១ ម៉ឺន​កូន ចូល​ក្នុង​ទន្លេមេគង្គ ស្ថិត​នៅមុខ​ព្រះបរមរាជវាំង រាជ​ធា​ភ្នំពេញ​៕​/R

ទីតាំងផ្សាយពាណិជ្ជកម្ម

- Advertisment -



Most Popular