Home កីឡា Real Madrid ស...

Real Madrid សម្លឹង​ឃើញ ប៉ូ​ចេ​តទី​ណូ និង រ៉ា​អ៊ូ​ល ជំនួស ហ្ស៊ី​ណេ​ឌី​ន ហ្ស៊ី​ដាន​

​ក្លឹប Real Madrid នឹង​ពិចារណា​តែងតាំង​លោក ម៉ូ​រី​ស៊ី​យ៉ូ ប៉ូ​ចេ​តទី​ណូ (Mauricio Pochettino) ឬ​អតីត​ខ្សែប្រយុទ្ធ​ឆ្នើម រ៉ា​អ៊ូ​ល (Raul) ជា​អ្នកចាត់ការ​បន្ទាប់ ប្រសិនបើ​ក្លឹប​នេះ​សម្រេចចិត្ត បណ្តេញ​លោក ហ្ស៊ី​ណេ​ឌី​ន ហ្ស៊ី​ដាន (Zinedine Zidane) ដែល​កំពុង​ស្ថិតនៅក្រោម​សម្ពាធ ចេញពី​ក្លឹប​។​
​ ​
​ក្លឹប Real ប្រកួត​ចាញ់​ក្រុម Shakhtar Donetsk ៣-២ ក្នុង​ប្រកួត​បើកឆាក​ក្របខណ្ឌ​ឆេ​ម​ពាន លី​ក​កាលពី​ថ្ងៃ​ពុធ ក្រោយពី​ត្រូវ​គូប្រកួត​របស់ខ្លួន​នាំមុខ​មុន​៣-០ តាំងពី​នៅ​តង់​ទី​១ ហើយ​ក្រុម នេះ​ក៏​ប្រកួត​ចាញ់​ក្រុម​ចំណូល​ថ្មី Cadiz កាលពី​សប្តាហ៍​មុន​ផងដែរ​នៅ​ក្របខណ្ឌ La Liga ។​
​ ​
​លោក ហ្ស៊ី​ដាន បាន​ប្រើពេល​មួយ​ម៉ោង​ទើប​មកដល់​កន្លែង​ធ្វើ​សន្និសីទកាសែត​ក្រោយ​ការ ប្រកួត​កាលពី​ថ្ងៃ​ពុធ ហើយ​ស្ថិតក្រោម​សម្ពាធ​នៅពេល​ក្រុម​របស់លោក​ត្រូវ​ប្រឈមមុខ ជាមួយ​ក្រុម Barcelona នៅ​ថ្ងៃ​សៅរ៍​នេះ​។​
​ ​
​លោក ផ្ល​រិ​នទី​ណូ ផេ​រ៉េ​ស (Florentino Perez) ប្រធាន​ក្លឹប Real Madrid អាច​ពិចារណា​បេក្ខភាព លោក ប៉ូ​ចេ​តទី​ណូ និង រ៉ា​អ៊ូ​ល ជា​អ្នក​ស្នង​តំណែង​ប្រសិនបើ​ក្លឹប​នេះ​សម្រេច​បណ្តេញ​គ្រូបង្វឹក សញ្ជាតិ​បារាំង​រូបនេះ​មែន​។​
​ ​
​របាយការណ៍​បាន​បង្ហាញថា លោក រ៉ា​អ៊ូ​ល ដែល​លើក​ពាន​១៦​គ្រឿងក្នុង រយៈពេល​១៦​ឆ្នាំ​នៅ ពហុកីឡាដ្ឋាន Bernabeu នោះ គឺជា​ជម្រើស​ដ៏​ស័ក្តិសម​។ រ៉ា​អ៊ូ​ល ធ្វើ​បានល្អ ចាប់តាំងពី​ចូល ដឹកនាំ​ក្រុមយុវជន ប៉ុន្តែ​នៅមាន​ការសង្ស័យ​ច្រើន​ជុំវិញ​ថា តើ​គ្រូបង្វឹក​រូបនេះ​បាន​ត្រៀមខ្លួន រួចហើយ​ឬ​នៅ​៕ ប្រែ​សម្រួល​: ពិសិដ្ឋ​

លោក ហ្ស៊ី​ណេ​ឌី​ន ហ្ស៊ី​ដាន (Zinedine Zidane)

ទីតាំងផ្សាយពាណិជ្ជកម្ម

- Advertisment -

Most Popular

សមាគមគ្រូពេទ្យស្ម័គ្រចិត្...

   ដោយ:មុនីរ័ត្ន/ភ្នំពេញ:...

មេបញ្ជាការកងទ័ពជើងគោកឧបត្...

ដោយ: មុនីរ័ត្ន,សុខុម/ភ្...

រកឃើញអ្នកប៉ះពាល់ផ្ទាល់និង...

ដោយ:មុនីរ៍ត្ន/ភ្នំពេញៈ ...

មេ​តំ​ហ្វេ​តា​មីន ៣០ កញ្ច...

​ដោយៈ ទេព មង្គល​- គ្រញូង ...