​កុលាលភាជន៍ ដែល​បាន​ពី​ការស្តារ​ប្រឡាយ នៅ​បរិវេណ​ប្រាសាទព្រះខ័ន បាន​យកមក​រក្សាទុក ដើម្បី​ជួសជុល

​ដោយៈ អង្គរតូច / សៀមរាបៈ កុលាលភាជន៍ ចំនួន ១៩ ថ្មដុស​ចំនួន​២ អង្រែ​កិន​ថ្នាំ​១ និង​បំណែក​កុលាលភាជន៍ ចំនួន​៣០ ដែល​បាន​ពី​ការស្តារ​ប្រឡាយ នៅ​បរិវេណ​ថ្នាល​បណ្តុះ​កូនឈើ ប្រាសាទព្រះខ័ន កាលពីដើមឆ្នាំ​២០២០ អាជ្ញាធរ​ជាតិ​អប្សរា បាន​យកមក​រក្សាទុក ដើម្បី​ជួសជុល នា​រសៀល​ថ្ងៃទី​២២ ខែតុលា ឆ្នាំ​២០២០ ។​

​តាម​ការបញ្ជាក់​របស់​លោក ញ៉ែម រស្មី មន្ត្រី​នាយកដ្ឋាន​គ្រប់គ្រង​ទឹក នៃ​អាជ្ញាធរ​ជាតិ​អប្សរា ហើយ​បាន​ត្រូវបាន​ទំព័រ​ហ្វេ​ស​ប៊ុ​ក របស់​អាជ្ញាធរ​ជាតិ​មួយ​នេះ ដកស្រង់​សំដី ឱ្យដឹងថាៈ កុលាលភាជន៍ និង​ថ្ម​កិន​ថ្នាំ ដែល​រកឃើញ​ដ៏​ច្រើន​នេះ គឺ​ជីក​បាន​នៅ​ខែមីនា ឆ្នាំ​២០២០ នៅពេល​ក្រុមការងារ ស្តារ​ប្រឡាយ ចំនួន ១.៧០០ ម៉ែត្រ នៃ​បរិវេណ​ប្រាសាទព្រះខ័ន​។ វត្ថុ​បុរាណ​ទាំងអស់នេះ ស្ថិតនៅ​រាយប៉ាយ​ពីគ្នា ក្នុង​ជម្រៅ ១​ម៉ែត្រ​ជាង​។​

​លោក​បាន​បន្តថាៈ ក្រោយ​ប្រទះឃើញ ក្រុមការងារ ក៏បាន​រក្សាទុក​វត្ថុ​បុរាណ ទាំងអស់ រហូតដល់​បញ្ចប់​ការស្តារ​ប្រឡាយ ទើប​ប្រគល់ជូន មជ្ឈមណ្ឌល​ស្រាវជ្រាវ និង​តម្កល់​ឯកសារ​អង្គរ យកទៅ​អភិរក្ស ដោយមាន​ការដឹង​ឭ ពី​នគរបាល​បេតិកភណ្ឌ ជា​សាក្សី​។​

​ចំពោះ​កិច្ច​អភិរក្ស​វត្ថុ​បុរាណ ទាំងអស់នេះ អាជ្ញាធរ​ជាតិ​អប្សរា នឹង​យកទៅ​រក្សាទុក ដើម្បី​ចុះបញ្ជី​សារពើ​ភណ្ឌ​វត្ថុ​សិល្បៈ ដុស​សម្អាត រួមទាំង​ជួសជុល ឱ្យ​ផុតពី​ហានិភ័យ ទុកជា​សម្បត្តិ​ជាតិ ពិសេស​គឺ​សម្រាប់​សិក្សា​ស្រាវជ្រាវ ពី​ប្រវត្តិ​បន្ថែមទៀត​៕S/​

ទីតាំងផ្សាយពាណិជ្ជកម្ម

- Advertisment -

Most Popular

យុទ្ធនាការ​១៦​ថ្ងៃ​: បង្ក...

ដោយ​: មុនី​រ័ត្ន / ភ្នំពេ...

អភិបាលខណ្ឌ​ចំកា​មន​៖ សម្ត...

ដោយ​: រ៉ា​ម៉ន / ភ្នំពេញ​:...

ក្មេងប្រុស​អាយុ​១២​ឆ្នាំ ...

ដោយ​: អង្គា​រ៍​ហេង / ភ្នំ...

សម្តេច​ក្រឡាហោម ស ខេង ចេញ...

​ដោយ​: មុនី​រ័ត្ន / ភ្នំព...