ដោយ៖វណ្ណៈ/ខេត្តព្រះសីហនុ៖ ក្មេងស្រីអាយុ១២ឆ្នាំម្នាក់បានរអិលជើងធ្លាក់ក្នុងរណ្តៅ ដីលង់ទឹកស្លាប់នៅចំណុចក្រុម២០ភូមិ១សង្កាត់លេខ១ក្រុង/ខេត្តព្រះសីហនុកាលពីរសៀលថ្ងៃទី២៣ខែតុលាឆ្នាំ២០២០។បន្ទាប់ពីមានក្មេងស្រីអាយុ១៣ឆ្នាំរអិលជើងធ្លាក់ចូលក្នុងជ្រោះរមណីយដ្ឋានក្បាលឆាយពេលកន្លងទៅថ្មីៗនេះ។
មន្ត្រីអាជ្ញាធរមូលដ្ឋានបានប្រាប់ថា ជនរងគ្រោះឈ្មោះ សី មាលីកាភេទស្រី អាយុ១២ឆ្នាំ ជាសិស្សរៀននៅសាលាបឋមសិក្សាចម្ការកៅស៊ូឃ្លាំងលើ។ឪពុកឈ្មោះ សំ ចាន់វ៉ាន់សី កើតឆ្នាំ១៩៨១-ម្ដាយឈ្មោះ គឺ សុធារី កើតឆ្នាំ១៩៨៧បច្ចុប្បន្នស្នាក់នៅក្រុមភូមិខាងលើ។
មូលហេតុ:ក្មេងស្រី៣ទៅ៤នាក់បបួលគ្នាទៅលេងទឹកស្រះចាស់ដែលគេជីកទុកចោលយូរមកហើយនៅខាងក្រោយផ្ទះចម្ងាយជិត១.០០០ម៉ែត្ររួចក៏រអិលជើងធ្លាក់ទឹកស្រះលង់ស្លាប់តែម្ដង។បច្ចុប្បន្នសាកសពត្រូវបានក្រុមគ្រួសារយកមកផ្ទះឪពុក ម្តាយ ធ្វើបុណ្យតាមប្រពៃណី ៕S/
