ដោយបាយ័ន/សៀមរាបៈជនម្នាក់ត្រូវសមត្ថកិច្ចឃាត់ខ្លួនពាក់ព័ន្ធករណីរំលោភទំនុកចិត្តដោយខ្ចីម៉ូតូនិងទូរស័ព្ទហើយយកទៅលក់និងមានសារធាតុញៀនក្នុងខ្លួន។លោកវរសនីយ៍ឯក ណុប សារ៉ាក់អធិការក្រុងសៀមរាបបាននិយាយថា៖ជនសង្ស័យឈ្មោះ កែវ វណ្ណនូ ហៅសាក់ ភេទប្រុស អាយុ២៥ឆ្នាំត្រូវនគរបាលក្រុងសៀមរាបឃាត់ខ្លួននៅថ្ងៃទី២៣ខែតុលាឆ្នាំ២០២០ស្ថិតនៅក្រុងសៀមរាបខេត្តសៀមរាប។
លោកអធិការបានបញ្ជាក់ថាជនសង្ស័យកាលពីថ្ងៃទី៤ខែតុលា ឆ្នាំ២០២០ជនសង្ស័យបានមកលេងផ្ទះ ជនរងគ្រោះឈ្មោះស៊ឹមសឿមភេទប្រុសអាយុ៤៤ឆ្នាំនៅបន្ទប់ជួលស្ថិតភូមិវាលសង្កាត់គោកចកក្រុង/ខេត្តសៀមរាប។ជនសង្ស័យបានខ្ចីម៉ូតូរបស់ជនរងគ្រោះម៉ាក ហុងដាវេវ សេ១១០ ពណ៌ ខ្មៅ លេខតួ និងម៉ាស៊ីនមិនចាំ ពាក់ស្លាកលេខ សៀមរាប ១AD_៥៥០៣១គ្រឿងនិងទូរស័ព្ទ១គ្រឿង ម៉ាកហូវៃ V6To ពណ៌ទឹកមាស ដើម្បីថាទៅដកយកលុយ ។
ពេលជនរងគ្រោះយល់ព្រមឱ្យហើយឈ្មោះកែវវណ្ណនូហៅសាក់បានយកម៉ូតូជិះទៅលក់ឱ្យឈ្មោះសុខា បារាំងហៅសីយ ភេទប្រុសអាយុ៣០ឆ្នាំនៅស្តុបរង្វង់មូលខេត្តបន្ទាយមានជ័យតម្លៃទឹកប្រាក់២០០ដុល្លា រ។ ពេលចាយប្រាក់អស់ នៅថ្ងៃទី២០ខែតុលាឆ្នាំ២០២០ ទើបមកជនសង្ស័យមកស្នាក់នៅផ្ទះឈ្មោះ សាន្ត គឹមសៀប ភេទប្រុស អាយុ១៥ឆ្នាំ ភូមិ តាវៀន សង្កាត់សាលាកំរើក ក្រុងសៀមរាបត្រូវម្ចាស់ប្តឹងសមត្ថកិច្ចចាប់ខ្លួនតែម្តង៕S/