Home ព័ត៌មានជាតិ សេដ្ឋកិច្ច ​ជួយ​ស្តារ​និ...

​ជួយ​ស្តារ​និង​សង្គ្រោះ​ធនធាន​មច្ឆជាតិ​ក្នុង​អាង​ទន្លេមេគង្គ​ឡើងវិញ​

​ដោយៈ​មូល​សម្បត្តិ​/​ភ្នំពេញៈ​ពេល​រដូវវស្សា​ចូល​មកដល់​នៅក្នុង​ទន្លេមេគង្គ​កម្ពុ​ជាមាន​ពពួក​ត្រី​ដែល​ធ្វើចរាចរ​ផ្លាស់​ទី​ជាច្រើន​ប្រភេទ បាន​ទម្លាក់​ពង​-​កូន នៅក្នុង​តំបន់​ទន្លេមេគង្គ​លើ​នា​ខេត្តស្ទឹងត្រែង ដែលជា​ទីជម្រក​លាក់ខ្លួន​និង​បន្ត​កំណើត​។​ពង​និង​កូន​ត្រី​តូចៗ​របស់​វា​បាន​រសាត់​តាម​កម្លាំង​ទឹកជំនន់​ទន្លេមេគង្គ ហូរ​ចូលទៅក្នុង​តំបន់​វាលទំនាប​លិច​ទឹក ។​ពិសេស ក្នុង​បឹង​ទន្លេសាប ដើម្បី​រក​ចំណី និង​ធំធាត់​។


​នេះ​បើតាម​ការផ្សាយ​ក្នុង​គេហទំព័រ​Wondersofthemekong​ឱ្យដឹង​កាលពី​ថ្ងៃទី​២៣​ខែតុលា​ឆ្នាំ​២០២០​នេះ​។​ក្នុង​គេហទំព័រ​បានឱ្យដឹង​ទៀតថាៈ​ពេល​រដូវប្រាំង​ចូលមក​ដល់​ទឹកទន្លេ​មេគង្គ​ស្រក​ចុះ​ខ្លាំង​ទឹក​បឹង​ទន្លេសាប​ក៏​ហូរ​ត្រឡប់​ចូលក្នុង​ទន្លេមេគង្គ​វិញ​។​ស្របពេល​ដែល​ទឹក​បឹង​ទន្លេសាប​ហូរ​ត្រឡប់ក្រោយ​នោះ​ពពួក​ត្រី​ធ្វើចរាចរ​ជាច្រើន​ប្រភេទ​ក៏​វិលត្រឡប់​ចូលទៅ​ទន្លេមេគង្គ​លើ​ដែលជា​ជម្រក​ដើម​វិញ​ដែរ​។ នេះ​ជាវ​ដ្ដ​ជីវិត​របស់​ប្រភេទ​ត្រី​ធ្វើចរាចរ​ផ្លាស់​ទី​។

​ថ្ងៃទី ២៣ ខែតុលា ឆ្នាំ​២០២០​នេះ វិទ្យាស្ថាន​ស្រាវជ្រាវ និង​អភិវឌ្ឍន៍​ជលផល​ទឹកសាប នាយកដ្ឋាន​អភិវឌ្ឍ​វារីវប្បកម្ម នៃ​រដ្ឋបាល​ជលផល សហការ​ជាមួយ​គម្រោង​អច្ឆរិយ​ភាព​នៃ​ទន្លេមេគង្គ របស់​ទីភ្នាក់ងារ​ជំនួយ​អាមេរិក USAID បាន​ប្រារព្ធ «​ទិវា​នៃ​ការផ្លាស់​ទី​មច្ឆជាតិ​ពិភពលោក​» ដោយបាន​លែង​ត្រី​ចូល​ទន្លេ​វិញ ចំនួន​ប្រហែល​៧.០០០​ក្បាល​។​

ក្នុងនោះ​ត្រី​គល់រាំង​ចំនួន ៩​ក្បាល ត្រី​ប្រា​ធំ​ជាង ៥.០០០​ក្បាល ត្រី​ព្រួល ២.០០០​ក្បាល ។​ក្រោម​អធិបតី​របស់លោក​អេង​ជា​សាន​ប្រតិភូ​រាជរដ្ឋាភិបាល​កម្ពុ​ជាទ​ទួល​បន្ទុក​ជា​ប្រធាន​រដ្ឋបាល​ជលផល និង លោកស្រី Laura Cizmo ប្រធានស្តីទី​ការិយាល័យ​សន្តិសុខ​ស្បៀង និង​បរិស្ថាន នៃ​ទីភ្នាក់ងារ​ជំនួយ​អាមេរិក USAID ប្រចាំ​នៅ​កម្ពុជា ដើម្បី​លើកកម្ពស់​ការយល់ដឹង ពី​សារៈសំខាន់​នៃ​ទំនាក់ទំនង​រវាង​ទន្លេ ត្រី និង​មនុស្ស​។​

គម្រោង​អច្ឆរិយ​ភាព​នៃ​ទន្លេមេគង្គ ធ្វើការ​ងារ​លើ​ការការពារ​សុខមាលភាព​ទន្លេមេគង្គ សត្វ​ក្នុង​ធម្មជាតិ និង​មនុស្ស​។​ព្រមទាំង​មាន​ស្លាយ​បញ្ចាំង​ទស្សនា​វីដេអូ​ក្លី​ប​របស់លោក បណ្ឌិត ហ្សេ​ប ហូ​ហ្គេ​ន​៕S/​

ទីតាំងផ្សាយពាណិជ្ជកម្ម

- Advertisment -

Most Popular

រថយន្ត​ក្រឡាប់ ពេល​ចុះ​ចំ...

ដោយៈ ស​រិ​ទ្ធ / កោះកុងៈ រ...

អ្នកនាំពាក្យ:ការបិទស្ថានទ...

ដោយ:មុនីរ័ត្ន/ភ្នំពេញ:លោក...

ក្រោយ​ប្រកួត​ជាមួយ រ៉​យ ច...

​ប្រែ​សម្រួល : កញ្ញា​ដា​ល...

សម្តេច​តេ​ជោ ហ៊ុន សែន អបអ...

ដោយៈ តារា​រិ​ទ្ធ / ភ្នំពេ...