Home ព័ត៌មានអន្តរជាតិ អនុ​ប្រធានាធិ...

អនុ​ប្រធានាធិបតី​អាម៉េរិ​នៅតែ​បន្ត​ធ្វើ​យុទ្ធនាការ ទោះជា​ជំនួយការ​របស់​លោក​ឆ្លងកូវី​ដ​១៩

​វាសនា​៖ អនុ​ប្រធានាធិបតី ម៉ៃ ផេ​នស៍ មាន​ផែនការ​រក្សា​ការធ្វើ​យុទ្ធនាការ​រក​សម្លេងឆ្នោត​តាម​កាលវិភាគ​នៅ​សប្តាហ៍​នេះ​ទោះ​ជា​លោក​បាន​ទាក់ទង​ជាមួយ​ជំនួយការ​របស់​លោក​ម្នាក់​ដែល​បាន​ធ្វើតេស្តិ៍​​ឃើញកូ​វីដ​១៩, នេះ​បើ​តាម​ការប្រកាស​របស់​សេត​វិមាន​កាលពី​ថ្ងៃ​សៅរ៍​។​

​ការិយាល័យ​របស់​លោក​បាន​និយាយថា លោក​ផេ​នស៍ខ្លួន​លោក​បាន​ពិនិត្យ​សុខភាព​និង​មិន​មានកូ​វីដ​១៩​ទេ ។​

​លោក​ផេន​ស៍ បាន​ទាក់ទង​ជិតស្និទ្ធ​ប្រធាន​បុគ្គលិក​លោក ម៉ាក ស​ត ដែល​បាន​ឆ្លងកូវី​ដ​១៩ តែ​លោក​មិន​បាន​ដាក់​ខ្លួន​នៅ​ដាច់​ពី​គេ​ទេ​និង​ប្តេជ្ញា​ធ្វើដំណើរ​ចេញ​ឃោសនា​តាម​កាលកំណត់ ដោយសារតែ​​គោលការណ៍​របស់​មជ្ឈមណ្ឌល​គ្រប់គ្រង​ជំងឺ​អាម៉េរិក​តំរូវអោយ​ពេទ្យ​តាមដាន​និង​តំរូវ​អោយ​ពាក់​ម៉ាស់​មុខ​ចំពោះ​នរណា​ដែល​បាន​ទាក់ទង​ជាមួយ​អ្នក​ឆ្លងកូវី​ដ​១៩​។​

​ផេ​នស៍ និង​ភរិយា បាន​ពិនិត្យ​សុខភាព​កាលពី​ថ្ងៃ​សៅរ៍ តែ​មិន​បាន​រកឃើញ​វីរុស​កូរ៉ូណា​ទេ និង​ពួកលោក​នៅ​មាន​សុខភាព​ល្អ​

​បន្ទាប់​ពី​ការធ្វើ​យុទ្ធនាការ​នៅ​រដ្ឋ​ផ្លរីដា​កាលពី​ថ្ងៃ​សៅរ៍ លោក​ផេន​ស៍ ត្រូវបាន​គេ​ឃើញ​ពាក់​ម៉ាស់​មុខ​ក្នុងពេល​លោក​វិល​មក​កាន់​ទីក្រុង​វ៉ាស៊ីនតោន​តាម​យន្តហោះ​ក្រោយ​លេចឮ​ព័ត៌មាន​ថា​លោក​​សត​ឆ្លងកូវី​ដ​។​

​សូមបញ្ជាក់​ថា ជំងឺ​ឆ្លងកូវី​ដ​១៩​បន្ត​រីក​រាលដាល​នៅ​ពាសពេញ​ពិភពលោក ដោយ​ឥឡូវ​អ្នក​ឆ្លង​ឡើង​ដល់​ប្រមាណ​៤២.៥០០.០០០​នាក់​នៅ​ទូទាំង​ពិភពលោក​ក្នុងនេះ អាម៉េរិក​មាន​អ្នក​ឆ្លង​ខ្ពស់​ជាងគេ​​គឺ ជាង​៨,៥​លាន​នាក់ និង​២២៤.០០០​នាក់​ស្លាប់​។​ឥណ្ឌា ឈរ​នៅ​ចំណាត់ថ្នាក់​ទី​២ មាន​អ្នក​ឆ្លង​សរុប​ប្រមាណ​៧,៨​លាន​នាក់ និង​១១៨.០០០​នាក់​ស្លាប់ ហើយ​ប្រេ​ស៊ីល​នៅ​ចំណាត់ថ្នាក់​ទី​៣ ជាមួយ​នឹង​អ្នក​​ឆ្លង​៥,៣​លាន​នាក់​និង​១៥៧.០០០​នាក់​បាន​ស្លាប់​។​

​ការឆ្លង​នៅ​រលក​ទី​២​កំពុង​វាយប្រហារ​ប្រទេស​ជាច្រើន ដោយ​បង្ខំ​អោយ​ប្រទេស​ទាំងនោះ​ធ្វើការ​រឹតត្បិត​ប្រឆាំង​កូវី​ដ​១៩​ជាថ្មី រួម​មាន​ការ​ពាក់​ម៉ាស់​មុខ​តំរូវ​ដោយ​ច្បាប់ គម្លាត​សង្គម ចត្តា​ឡី​ស័ក បំរាម​​ការធ្វើដំណើរ បំរាម​គោចរ​…​។​ល​។​ទោះជា​យ៉ាងណា ចំណាត់ការ​របស់​រដ្ឋាភិបាល​ដើម្បី​ទប់ទ​ល់នឹងការ​ឆ្លងកូវី​ដ​១៩​នេះ​បាន​បង្ក​ការតវ៉ា​ប្រឆាំង​នៅ​ប្រទេស​ជាច្រើន ជាពិសេស​នៅ​អឺរ៉ុប​៕

ទីតាំងផ្សាយពាណិជ្ជកម្ម

- Advertisment -

Most Popular

សមាគមគ្រូពេទ្យស្ម័គ្រចិត្...

   ដោយ:មុនីរ័ត្ន/ភ្នំពេញ:...

មេបញ្ជាការកងទ័ពជើងគោកឧបត្...

ដោយ: មុនីរ័ត្ន,សុខុម/ភ្...

រកឃើញអ្នកប៉ះពាល់ផ្ទាល់និង...

ដោយ:មុនីរ៍ត្ន/ភ្នំពេញៈ ...

មេ​តំ​ហ្វេ​តា​មីន ៣០ កញ្ច...

​ដោយៈ ទេព មង្គល​- គ្រញូង ...