Home ព័ត៌មានជាតិ សន្តិសុខ តុលាការសម្រេច...

តុលាការសម្រេចចោទប្រកាន់មនុស្សបីនាក់និងគូកនដែលដឹកនាំបាតុកម្មនៅមុខស្ថានទូតចិន

ដោយៈ​សរិទ្ធ/​ភ្នំពេញៈលោកសុកកែវបណ្ឌិតព្រះរាជអាជ្ញារងអមសាលាដំបូងរាជធានីភ្នំពេញនៅរសៀលថ្ងៃទី២៥ខែតុលាឆ្នាំ២០២០បានសម្រេចចោទប្រកាន់មនុស្ស​បីនាក់​ដែល​បាន​ដឹកនាំ​មនុស្ស​មួយក្រុម​ធ្វើបាតុកម្ម​ខុសច្បាប់​នៅមុខ​ស្ថាន​ទូត​ចិន​ប្រចាំ​កម្ពុជានិងគូកនមួយចំនួនទៀតដែលនៅក្រៅប្រទេសពីបទញុះញង់ឪ្យមានសភាពវឹកវរធ្ងន់ធ្ងរដល់សន្តិសុខសង្គម។ បន្ទាប់ពីចោទប្រកាន់រួចហើយសំណុំរឿងនេះបានត្រូវបញ្ជូនទៅចៅក្រមស៊ើបសួរដើម្បីចាត់ការបន្តតាមនីតិវិធី។ សមត្ថកិច្ច​នៃ​ស្នងការដ្ឋាន​នគរបាល​រាជធានី​ភ្នំពេញ​បានបញ្ជូនមនុស្ស៣នាក់នេះទៅ​តុលាការ​នៅ​រសៀល​ថ្ងៃទី​២៤ ខែតុលា។​ មនុស្ស​ទាំងបី​នាក់​នេះមានៈ ១. ឈ្មោះ តុង និមល ភេទ​ប្រុស រស់នៅ​សង្កាត់​ដើម​មៀន ក្រុង​តាខ្មៅ ខេត្តកណ្តាល​។ ២. ឈ្មោះ លឹម សាន ភេទ​ស្រី នៅ​ឃុំ​កំពង់ស្វាយ ស្រុក​កៀនស្វាយ ខេត្តកណ្ដាល​។ ៣. ឈ្មោះ យ៉យ ស្រីមុំ នៅ​ឃុំ​ព្រែក​ស្ដី ស្រុក​កោះធំ ខេត្តកណ្ដាល​។​

គួររំលឹកថាអាជ្ញា​ធរមាន​សមត្ថកិច្ច​បានធ្វើការ​អនុវត្ត​វិធានការ​រដ្ឋបាល​លើ​មនុស្ស​មួយក្រុម​ប្រមាណ​ជាង ១០​នាក់ ដែល​មក​ធ្វើ​បាតុកម្ម​នៅមុខ​ស្ថានទូត​ចិន​ប្រចាំ​កម្ពុជា កាលពី​ព្រឹក​ថ្ងៃទី​២៣ ខែតុលា បន្ទាប់ពី​ពួកគេ​បានធ្វើ​ការស្រែក​តវ៉ា​បង្ក​ភាព​អានាធិបតេយ្យ​នៅ​ទីនោះ​។​ក្រុមអ្នកតវ៉ា​បាន​ស្រែក​ប្រឆាំងនឹង​វត្តមាន​ទាហាន​ចិន​នៅក្នុង​ប្រទេស​កម្ពុជា​ដោយ​ឃាត់ខ្លួន​មនុស្ស​ចំនួន​បីនាក់​ក្នុងនោះ​ស្ត្រី​ពីរ​នាក់ និង​បុរស​ម្នាក់ នាំទៅ​កាន់​អធិការដ្ឋាន​នគរបាល​ខណ្ឌ​បឹង​កេង​ក​ងដើម្បី​ធ្វើការ​សាកសួរ​អំពី​ដំណើររឿង​ពួកគេ​បានមក​ស្រែក​តវ៉ា​មុខ​ស្ថានទូត​ចិន​ដោយ​គ្មាន​ការជូនដំណឹង​ឬ​គ្មាន​ការអនុញ្ញាត​ពី​រដ្ឋបាល​រាជធានី​ភ្នំពេញ​។ បន្ទាប់​ពីស​សាកសួរ​រួច មនុស្ស​ទាំងបី​នាក់​ត្រូវបាន​បញ្ជូនទៅ​ស្នងការដ្ឋាន​នគរបាល​រាជធានី​ភ្នំពេញ​ដើម្បីបន្តនីតិវិធី៕srn

ទីតាំងផ្សាយពាណិជ្ជកម្ម

- Advertisment -

Most Popular

​សម្តេច​តេ​ជោ ហ៊ុន សែន អំ...

​ដោយៈ​តារា​រិ​ទ្ធ​/​ភ្នំព...

លែងត្រីគល់រាំង និងត្រីផ្ស...

ដោយ:ទេព មង្គល / ព្រៃវែង: ...

​ព្រឹកស្អែក​ប្រមុខ​រាជរដ្...

​ដោយៈ​តារា​រិ​ទ្ធ​/​ភ្នំព...

អាម៉េរិក​ថា​ការ​ដែល​បញ្ជូ...

​ប្រែ​សម្រួលៈ​វាសនា/វ៉ាស៊...