Home ព័ត៌មានអន្តរជាតិ កងកម្លាំង​អា​...

កងកម្លាំង​អា​ហ្វ​ហ្គានី​ស្ថាន សម្លាប់​មេដឹកនាំ​អាល់​កៃ​ដា ដែល​FBI​ត្រូវ​ការចាប់ខ្លួន​

​វាសនា​៖ អា​ហ្វ​ហ្គានី​ស្ថាន​បាន​អះអាង​កាលពី​ថ្ងៃអាទិត្យ​ថា ខ្លួន​បាន​សម្លាប់​ឃោសនិក​កំពូល​របស់​ក្រុម​អាល់ កៃ​ដា​ដែល​ស្ថិត​ក្នុង​បញ្ជី​តាមរក​ចាប់​ខ្លួន​របស់​ការិយាល័យ​ស៊ើបការណ៍​សហព័ន្ធ​អាម៉េរិក​(FBI)​ក្នុងអំឡុង​ប្រតិបត្តិការ​មួយ​នៅ​ភាគ​ខាងកើត​ប្រទេស​។​

​ការសម្លាប់​នេះ​បង្ហាញថា ក្រុម​សកម្មប្រយុទ្ធ​នេះ​មាន​វត្តមាន​នៅ​ទីនោះ​ចំ​ពេល​កងកម្លាំង​អាម៉េរិក​ត្រៀម​ដកចេញ​ពី​សង្គ្រាម​ដ៏​យូរ​បំផុត​របស់​ខ្លួន និង​ចំពេល​ការ​បង្ហូរ​ឈាម​នៅ​តែ​បន្ត​។​

​ការស្លាប់​របស់ ហ៊ូ​សាម អា​ប់ អាល់​-​រ៉ា​អ៊ូ​ហ្វ ដែល​គេ​ស្គាល់​ថា អា​ប៊ូ មូ​ស៊ីន អាល់​ម៉ា​ស្រ៊ី កើត​ឡើង​ក្រោយ​កើតមាន​អំពើ​ហិង្សា​ជា​បន្តបន្ទាប់ រួម​មាន​ការ​បំផ្ទុះ​គ្រាប់បែក​កាលពី​ថ្ងៃ​សៅរ៍​នៅ​ក្រុង​កា​ប៊ុល​ដែល​​បាន​សម្លាប់​មនុស្ស​២៤​នាក់​។​

​ក្នុងពេល​ជាមួយគ្នា កងកម្លាំង​រដ្ឋាភិបាល​អា​ហ្វ​ហ្គានី​ស្ថាន​បន្ត​ប្រយុទ្ធ​ទល់នឹង​ពួក​សកម្មប្រយុទ្ធ​តា​លី​បង់ ទោះ​ជា​តំណាង​របស់​ពួកគេ​បាន​ជួប​ពិភាក្សា​គ្នា​នៅ​ប្រទេស​កាតា​ដើម្បី​ស្វែងរក​កិច្ចព្រមព្រៀង​សន្តិ​​ភាព​មួយ​ក្តី​។​

​អំពើហិង្សា​និង​ការសម្លាប់​អាល់​-​រ៉ា​អ៊ូ​ហ្វ គំរាម​កិច្ចពិភាក្សា​ស្វែងរក​សន្តិភាព​និង​ក៏​ប្រឈម​ការ​រុញ​ប្រទេស​នេះ​អោយ​ធ្លាក់​ចូល​ក្នុង​អស្ថិរភាព​ថែម​ទៀត​។​

​ព័ត៌មាន​លម្អិត​អំពី​ការ​ឆ្មក់​វាយប្រហារ​ដែល​នាំ​ដល់​ការសម្លាប់​អាល់​-​រ៉ា​អ៊ូ​ហ្វ​នៅ​មិនច្បាស់ នៅ​ប៉ុន្មាន​ម៉ោង​ក្រោយ​សេវា​ស៊ើបការណ៍​ជាតិ​អា​ហ្វ​ហ្គានី​ស្ថាន បាន​អះអាង​តាម​ទ្វី​ត​ធឺ​ថា កងកម្លាំង​អា​ហ្វ​ហ្គានី​ស្ថាន​​បានសម្លាប់​ជននេះ​នៅក្នុង​ខេត្ត ហ្កាស​នី​។ ចំណែក​ក្រុម​អាល់ កៃ​ដា មិនទាន់​បាន​ទទួលស្គាល់​ការស្លាប់​របស់​អាល់​-​រ៉ា​អ៊ូ​ហ្វ​នៅឡើយ​ដែរ​។​

FBI យោធា​អាម៉េរិក និង​អង្គការ​ណា​តូ ក៏​មិន​បាន​ឆ្លើយតប​នឹង​សំណួរ​ដើម្បី​បញ្ជាក់​ការស្លាប់​នេះ​ភ្លាមៗ​ដែរ​។​

​តែបើ​មាន​មន្ត្រី​រដ្ឋាភិបាល​២​នាក់ កងកម្លាំង​អា​ហ្វ​ហ្គានី​ស្ថាន​បាន​ឆ្មក់​វាយប្រហារ​កាល​ពី​សប្តាហ៍​មុន​នៅ​ភូមិ គុន​សាហ្វ ក្នុង​ខេត្ត​ហ្កាសនី ចម្ងាយ​ប្រមាណ​១៥០​គីឡូម៉ែត្រ​ពី​ទីក្រុង​កា​ប៊ុល​។​កងកម្លាំង​ពិសេស​​អា​ហ្វ​ហ្គានី​ស្ថានបាន​ឆ្មក់​ចូល​វាយ​ប្រហារភូមិ​ដែល​នៅក្រោម​ការគ្រប់គ្រង​របស់​ក្រុមតា​លីបង់​នេះ​ក្រោម​ការចង្អុលបង្ហា​ញ​ពី​សេវា​ស៊ើប​ការណ៍​ជាតិ​។​ពួកគេ​បាន​វាយប្រហារ​លើ​ផ្ទះ​មួយ​និង​បាន​សម្លាប់​ពួក​​សកម្មប្រយុទ្ធ​ជាច្រើន​នាក់ រួម​មាន​ហ៊ូ​សាម អា​ប់ អាល់​-​រ៉ា​អ៊ូ​ហ្វ ៕

​រូប​បញ្ចេញ​ដោយ​FBI​បង្ហាញ​ជន​ត្រូវ​ការចាប់ខ្លួន គឺ​ឃោ​និក​របស់​អាល់​កៃ​ដា ឈ្មោះ​ហ៊ូ​សាម អា​ប់ អាល់​-​រ៉ា​អ៊ូ​ហ្វ

ទីតាំងផ្សាយពាណិជ្ជកម្ម

- Advertisment -

Most Popular

រោងភាពយន្ត លេ​ជិន ផ្អាក​ប...

​ដោយៈ សុផល / ភ្នំពេញៈ រោង...

ក្រោយ​ការធ្វើ​តេស្ត​ជំងឺ​...

​ដោយ​៖ ទេព មង្គល / ភ្នំពេ...

ថ្នាក់ដឹកនាំ​និង​មន្ត្រី​...

ដោយៈ​ដេប៉ូ​/​ភ្នំពេញៈ​ថ្ន...

ក្រសួង​អប់រំ​ប្រកាស​ផ្អាក...

​ដោយ​:​សុផល​/​ភ្នំពេញៈ​ដើ...