រដ្ឋបាល​រាជធានី​ភ្នំពេញ​រៀបចំ​ក្រុង​ពាលី​ជា​កិច្ច​ដើម្បី​សម្ដេច​តេ​ជោ​បើក​ការដ្ឋាន​សាងសង់​ស្ពា​ននៅ​ព្រឹកស្អែក​នេះ​

ដោយ​: រ៉ា​ម៉ន / ភ្នំពេញ​: រដ្ឋបាល​រាជធានី​ភ្នំពេញ បានរៀបចំ​ពិធី​ក្រុង​ពាលី​ជា​កិច្ច​ចាប់ដំណើរការ​សាងសង់​ស្ពានបេតុង​ពី​ផ្លូវជាតិ​លេខ​១ ទៅកាន់​តំបន់​អភិវឌ្ឍន៍​កោះនរា និង​ស្ពានបេតុង​ខ្សែកាប​ពី​តំបន់​កោះនរា ទៅកាន់​ទីក្រុង​រណប​កោះ​ពេជ្រ ស្ថិតនៅ​សង្កាត់ និរោធ ខណ្ឌ​ច្បារអំពៅ​។​

​ពិធី​តាមបែប​សាសនា​នេះ ធ្វើឡើង​នា​រសៀល​ថ្ងៃទី​២៥​តុលា ដោយមាន​ការអញ្ជើញ​ចូលរួម​ពី​លោក​ឃួ​ង ស្រេង អភិបាល​រាជធានី​ភ្នំពេញ និង​លោកស្រី​។ ពិធី​ក្រុង​ពាលី​នេះ ធ្វើឡើង​ក្នុងន័យ​សុំ​ម្ចាស់​ទឹក​ម្ចាស់​ដី សុំ​សេចក្តីសុខ​ចម្រើន​នៅមុន​ពេល​បើក​ការដ្ឋាន​សាងសង់​ស្ពានបេតុង​នេះ ជា​ផ្លូវការ​នៅ​ថ្ងៃទី​២៦​តុលា ដែល​នឹង​ប្រព្រឹត្តទៅ​ក្រោម​អធិបតីភាព​ដ៏​ខ្ពង់ខ្ពស់​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា និង​សម្តេច​គ​ត្តិ​ព្រឹទ្ធ​បណ្ឌិត​ប៊ុនរ៉ានី ហ៊ុនសែន​។​

​សមិទ្ធផល​ថ្មី​នេះ នឹង​លេចចេញ​ជា​រូបរាង នាពេល​ឆាប់ៗ​ខាងមុខ ក្នុង​មុខនាទី​ដើម្បី​បំរើ​សេចក្តីត្រូវការ​រប​ស់​ប្រជាពលរដ្ឋ ក្នុងការ​ធ្វើដំណើរ​កាត់​បន្ថយ​ការកកស្ទះ​ចរាចរណ៍​ដ៏​មមាញឹក​ក្នុង​រាជធានី​ភ្នំពេញ ជាពិសេស​បន្ថយ​បន្ទុក​លំហូរ​ចរាចរ​នៅ​ស្ពាន​ព្រះមុនីវង្ស ច្បារអំពៅ ក៏​ដូច​មហាវិថី​ព្រះ​នរោត្តម​ផងដែរ​។ ជាមួយគ្នានេះ សំណង់​ស្ពាន​ឆ្លងទន្លេ​មួយ​នេះ ក៏​សមស្រប​ទៅនឹង​ការអភិវឌ្ឍន៍​យ៉ាង​ឆាប់រហ័ស​របស់​រាជធានី​ភ្នំពេញ រួមទាំង​កំណើនសេដ្ឋកិច្ច​, កំណើន​ប្រជាពលរដ្ឋ​ក៏​ដូច​កំណើន​យានយន្ត​ក្នុង​ទីក្រុង​នា​សម័យ​សន្តិភាព​
​ក្រោម​ការដឹកនាំ​របស់​សម្តេច​អគ្គមហាសេនា​ប​តិ​តេ​ជោ​ហ៊ុន សែន ជា​ប្រមុខ​។ ក្រោម​អនុសាសន៍​របស់​សម្តេច​តេ​ជោ និង​ការដឹកនាំ​អនុវត្ត​ផ្ទាល់​របស់លោក ឃួ​ង ស្រេង អភិបាល​រាជធានី​ភ្នំពេញ ធ្វើ​ឲ្យ​សមិទ្ធផល​ជាច្រើន​នៅក្នុង​ទីក្រុង​មាន ហេដ្ឋារចនាសម្ព័ន្ធ​, សំណង់​សាធារណៈ​, សំណង់​ស្ពាន​អាកាស​ថ្មើរជើង​ជាច្រើន​កន្លែង​ទៀត​។ វិបត្តិ​ជំងឺ​កូ​វីដ​.១៩ និង​ជំនន់​ទឹកភ្លៀង​ដែល​កំពុង​យាយី​ភូមិសាស្ត្រ មួយចំនួន​របស់​រាជ​ធានី​ភ្នំពេញ មិនបាន​ប​ន្ទុ​ច​បង្អាក់ដំណើរ​ការសាងសង់ និង​ដំណើរការ​អភិវឌ្ឍ​ន៍ទី​ក្រុង​នោះឡើយ​។ រាជធានី​ភ្នំពេញ​នឹងមាន​ស្ពាន​ឆ្លងទន្លេ​២​កន្លែង​ទៀត ក្នុង​គម្រោង​ទឹកប្រាក់​រាប់សិប​លាន​ដុល្លារ​ពី​ផ្លូវជាតិ​លេខ​១​ទៅកាន់​កោះនរា និង​ពី​កោះនរា​ទៅ​កោះ​ពេជ្រ​៕

ទីតាំងផ្សាយពាណិជ្ជកម្ម

- Advertisment -

Most Popular

កម្លាំង​ជលផល​ខេត្តព្រះវិហ...

​ដោយ​: សៅ​វ៉ាន់ឌី / ខេត្ត...

អ្នកនាំពាក្យៈ រដ្ឋមន្ត្រី...

​ដោយៈ មុនី​រ័ត្ន / ភ្នំពេ...

សរុប​រឿង​ពុល​ស្រាស​នៅ​កំព...

ដោយៈមុនីរ័ត្ន/ភ្នំពេញៈ​ករ...

សម្តេចនាយក​រដ្ឋមន្ត្រី​នឹ...

សម្តេចនាយក​រដ្ឋមន្ត្រី​នឹ...