ចុះ​ពិនិត្យ​ដំណាំ​ស្រូវ​ជិត​៣០០​ហិកតា​រង​ផល​ប៉ះ​ដោយ​ជំនន់​បឹង​ទន្លេសាប​នៅ​ស្រុក​បាធាយ​

ដោយ​: គង់​ហេង / កំពង់ចាម​: លោក អ៊ុន ចាន់​ដា អភិបាលខេត្ត​កំពង់ចាម​បាន​ដឹកនាំ​មន្ត្រី​ជំនាញ​ចុះ​ពិនិត្យ ដំណាំ​ស្រូវវស្សា​ដែល​ប្រជាកសិករ​ដាំ​ដុះ​ជា​លើក​ទី​២ ប្រមាណ​ជិត ៣០០ ហិកតា នៅ​ឃុំ​តាំងក្រសាំង ស្រុក​បាធាយ បាន​រង​ផលប៉ះពាល់​ដោយ​ជំនន់​ទឹក​របស់​បឹង​ទន្លេសាប ដើម្បី​រក​លទ្ធភាព​ស្តារឡើងវិញ​នៅ​ព្រឹក​ថ្ងៃទី ២៥ តុលា​។​

​លោក កាតំ​ម សូ​ណាវ​ណ្ណ អនុប្រធាន​មន្ទីរ​កសិកម្ម​រុក្ខាប្រមាញ់ និង​នេសាទ​ដែល​បាន​ចូលរួម​ពិនិត្យ​ប្រតិភូ​ខាងលើ​បាន​ប្រាប់​កាសែត​រស្មី​កម្ពុជា​ថា ជំនន់​របស់​បឹង​ទន្លេសាប​បាន​ជន់​លិច​ប៉ះពាល់​ដំណាំ​ស្រូវវស្សា​ប្រជាពលរដ្ឋ​ចំនួន ៣៨០ គ្រួសារ លើ​ផ្ទៃដី​ប្រហែល​ចំនួន ២៧០​ហិកតា​របស់​កសិករ​បាន​ដាំ​ជា​លើក​ទី​២ នៅ​តំបន់​មេទឹក​ពោធិ៍​តា​ត្រិះ ក្នុងភូមិ​ក្រដាស​«​ក​»​ឃុំ​តាំងក្រសាំង ស្រុក​បាធាយ អស់​រយ​:​ពេល​ប្រមាណ​បី​ថ្ងៃ​មកហើយ​។​

​លោក​អនុប្រធាន​មន្ទីរ​បានឱ្យដឹង​ទៀតថា ឥឡូវនេះ​យើង​នៅ​ពុំទាន់​អាចធ្វើ​ការសន្និដ្ឋាន​ដល់​ការខូចខាត​បាន​នៅឡើយ លុះត្រាតែ​ទឹក​នេះ​ស្រក​វិញ គឺ​គ្រាន់តែ​អាច​ដឹង​ពី​ផលប៉ះពាល់​តែប៉ុណ្ណោះ​។ ប៉ុន្តែ​បើ​ទឹកនឹង​ស្រក​វិញ​ក្នុង​ពេ​ឆាប់ៗ ខាងមុខនេះ ដំណាំ​ស្រូវ​ដែល​រង​ផល​ប៉ះ​ទាំងនោះ នឹងមិន​ខូចខាត​ទេ​។​

​លោក សូ​ណាវ​ណ្ណ បាន​បន្តថា ជុំវិញ​ទឹកជំនន់​នៅ​ខេត្តកំពង់ចាម គឺ​ជំនន់​ទឹកភ្លៀង​បាន​ប៉ះពាល់​ដល់​ដំណាំ​ស្រូវវស្សា នៅ​ស្រុក​ជើងព្រៃ​ប្រមាណ ៣០ ហិកតា នៅ​ស្រុក​ស្ទឹងត្រង់​មិនទាន់មាន​តួលេខ និង​ជំនន់​ទឹក​បឹង​ទន្លេ​ប៉ះពាល់​ដល់​ស្រុក​បាធាយ​ខាងលើ​នោះ​។​

​លោក អ៊ុម វិបុល ប្រធាន​មន្ទីរ​ធនធានទឹក និង​ឧតុនិយម​ខេត្តកំពង់ចាម​បានឱ្យដឹងថា ជំនន់​ទឹកទន្លេ​មេគង្គ​បាន​ស្រក​ចុះ​ជា​បណ្តើរៗ ហើយ គឺ​ថ្ងៃទី ២៥ ខែតុលា ឆ្នាំ​២០២០ នេះ​មាន​កម្ពស់ ១១,២៤​ម៉ែត្រ​។​ចំណែក​ទឹកភ្លៀង​ក៏បាន​ថប​ថយ​ហើយ​ដែរ ទំនង​ដំណាំ​ស្រូវ​ជិត ៣០០ ហិកតា នៅ​តាំងក្រសាំង ស្រុក​បាធាយ​នឹងមិន​ឈានដល់​ការខូចខាត​ទេ​៕

ទីតាំងផ្សាយពាណិជ្ជកម្ម

- Advertisment -

Most Popular

អភិបាលខេត្តកំពង់ចាមជូនដំណ...

ដោយ:រ៉ាម៉ន/កំពង់ចាម:នៅយប់...

អភិបាលក្រុង​ស៊ូ​វ៉ុ​ន កូរ...

​ដោយៈ រ៉ា​ម៉ន / ភ្នំពេញៈ ...

រដ្ឋមន្ត្រីក្រសួង​រ៉ែ និង...

​ដោយៈ រិ​ទ្ធិ​សែន / ពោធិស...

កងទ័ពជើងទឹក បាន​ដឹកបញ្ជូន...

ដោយៈ វណ្ណៈ / ព្រះសីហនុៈ ក...