Home ព័ត៌មានអន្តរជាតិ អេ​ស្ប៉ាញ​ប្រ...

អេ​ស្ប៉ាញ​ប្រកាសគ្រា​អា​សន្នជាថ្មី ខណៈ​ការឆ្លង​ជំងឺ​កូវី​ដ​១៩​កើន​ឡើង​ខ្លាំង​

​សុខា​៖ នាយករដ្ឋមន្ត្រី​អេ​ស្ប៉ា​ញ លោក​ប៉ែ​ដ្រូ សាន់​ឆេស​(Pedro Sanchez) បានប្រកាស​ស្ថានភាព​គ្រាអាសន្ន​ជាថ្មី​កាលពី​ថ្ងៃអាទិត្យ​ទី​២៥​ខែតុលា​ក្នុង​កិច្ចប្រឹងប្រែង​មួយ​ដើម្បី​ទប់ស្កាត់​ការឆ្លង​រាលដាល​នៃ​​ជំងឺ​កូវី​ដ​១៩​ដោយ​ដាក់​បម្រាម​គោចរ​នៅពេល​យប់​និង ហាមឃាត់​ការធ្វើដំណើរ​រវាង​តំបន់​ក្នុង​ករណីខ្លះ​។​

​វិធានការណ៍​នេះ​ចូល​ជា​ធរមាន​ចាប់ពី​យប់​ថ្ងៃអាទិត្យ​ហើយ​តម្រូវ​ឱ្យ​គ្រប់​តំបន់​ទាំងអស់​លើកលែងតែ​ប្រជុំ​កោះ​Canary ដាក់​បំរាម​គោចរ​នៅពេល​យប់​និង​កម្រិត​ចំនួន​មនុស្ស​ដែល​ត្រូវបាន​អនុញ្ញាត​​ឱ្យ​ជួបជុំ​ត្រឹមតែ​៦ នាក់​ចុះ​។​

​អេ​ស្ប៉ាញ បាន​អនុវត្ត​វិធានការ​បិទ​ខ្ទប់​ដ៏​តឹងរឹង​បំផុត​កាលពី​ពេលមុន​នេះ ដើម្បី​ទប់ស្កាត់​ការឆ្លង​វីរុស​កូវី​ដ​១៩​ហើយ​ក្រោយមក បាន​បន្ធូរបន្ថយ​ការបិទ​ខ្ទប់​នេះ កាល​ពី​រដូវក្តៅ​។​ប៉ុន្តែ ដូច​បណ្តា​ប្រទេស​​អឺរ៉ុប​ដទៃ​ទៀត​ដែរ អេ​ស្ប៉ាញ​កំពុងផ្ទុះ​វីរុស​ខ្លាំង​ជា​លើក​ទី​២​ក្នុង​រយៈពេល​ប៉ុន្មាន​សប្តាហ៍​ថ្មីៗ​នេះ ហើយ​ឥឡូវនេះ​មាន​ចំនួន​កណី​ឆ្លង​ខ្ពស់បំផុត​នៅ​អឺរ៉ុប​ខាងលិច​។​

​អេ​ស្ប៉ាញ​មាន​ករណី​ឆ្លង​សរុប​កើនឡើង​ដល់​១.០៤៦.១៣២ នាក់ កាលពី​ថ្ងៃ​សុក្រ​ខណៈដែល ចំនួន​អ្នក​ស្លាប់​របស់​ប្រទេស​នេះ បាន​កើនឡើង​ជិត ៣៥.០០០ នាក់​៕sn

​រូប​៖​អ្នកដំណើរ​ពាក់​ម៉ាស ដើរ​នៅ​ទីក្រុង Burgos ប្រទេស​អេ​ស្ប៉ា​ញ កាលពី​ថ្ងៃទី​២១​ខែតុលា​ឆ្នាំ​២០២០

ទីតាំងផ្សាយពាណិជ្ជកម្ម

- Advertisment -

Most Popular

មន្ត្រី​សាលាខេត្ត​បន្ទាយម...

​ដោយៈ ប​.​ជ័យ / បន្ទាយ​មា...

​សម្តេច​តេ​ជោ ហ៊ុន សែន ផ្...

​ដោយៈ​តារា​រិ​ទ្ធ​/​ភ្នំព...

ចាប់ខ្លួនជនសង្ស័យ បីនាក់ ...

ដោយៈ អង្គរតូច / សៀមរាបៈ ជ...

ក្រសួង​អភិវឌ្ឍន៍ជនបទ​ត្រូ...

ដោយៈ​តារា​រិ​ទ្ធ​/​ភ្នំពេ...