Home ព័ត៌មានជាតិ សន្តិសុខ រថយន្តបុក​ជាម...

រថយន្តបុក​ជាមួយ​ម៉ូតូ​សម្លាប់​មន្ត្រី​ស៊ីម៉ាក់​ម្នាក់ នៅ​ស្រុក​ប្រាសាទ បាគង​

ដោយ​: អង្គរតូច / សៀមរាប​: មន្ត្រី​កម្ចាត់មីន​កម្ពុជា​(​ស៊ីម៉ាក់​)​ម្នាក់​បាន​ស្លាប់​ពេល​បញ្ជូនទៅ​មន្ទីរ​ពេ​ទ ឯ​អ្នករួមដំណើរ​ម្នាក់ទៀត​បាន​រង​បួស ដោយសារ​គ្រោះថ្នាក់​ចរាច​ណ៍​រថយន្តបុក​ជាមួយ​ម៉ូតូ កាលពី​ព្រលប់​ទី​២៥ ខែតុលា​ឆ្នាំ​២០២០ នៅត្រង់​ចន្លោះ​បង្គោល​គីឡូ​លេខ ២៩១.២៩២ ចំណុច​ភូមិ​រកា​កំបុត ឃុំ​ត្រពាំង​ធំ ស្រុក​ប្រាសាទបាគង លើ​ដង​ផ្លូវជាតិ​លេខ ៦​។​

​អធិការនគរបាល​ស្រុក​ប្រាសាទបាគង លោក​វរ​សេនី​យ៍​ឯក លឹម សម្បត្ដិ បានឲ្យដឹងថា ករណីនេះ​បង្កឡើង​ដោយ​រថយន្ដ​ម៉ាក​FORLAND ពណ៌​ស​ពាក់ផ្លាក​លេខ ភ្នំពេញ​3C.0435 អន្កបើកបរមិន​ស្គាល់អត្ដ​សញ្ញាណ មាន​ទិសដៅ​ពី​កើត ទៅ​លិច ក្រោយ​បង្កហេតុ អ្នកបើករថយន្ដ​ចុះ​រត់​គេចខ្លួនបាត់​។ រថយន្ត​បាន​បុក​ម៉ូតូ​មួយគ្រឿង​ម៉ាក​ហុងដា សេ​១២៥ សេរី ឆ្នាំ​២០១១​ពណ៌​ខ្មៅ​ពាក់​ផ្លាក​លេខ​សៀមរាប 1K 8441 បើកបរ​ដោយ​ឈ្មោះ​ស៊ា គឹម​សៀង ភេទ​ប្រុស​អាយុ​២១​ឆ្នាំ​ ជា​បុគ្គលិក​ស៊ីម៉ាក់​បើកបរ​ក្នុងទិសដៅ​ពី​លិចទៅ​កើត បាន​ស្លាប់​នៅពេល​បញ្ជូន​ដល់​មន្ទីរពេទ្យ​។ ចំណែក​អ្នករួមដំណើរ​ម្នាក់ទៀត​ឈ្មោះ សុខ កក្កដា (​រងរបួស​ធ្ងន់​)​ភេទ​ប្រុស អាយុ​២៥ ឆ្នាំ​ ជា​បុគ្គលិក​ស៊ីម៉ាក់ មាន​លំនៅ​ស្រុក​ប្រាសាទបាគង​។ លោក​អធិការ បញ្ជាក់ថា គ្រោះថ្នាក់​ចរាណ៍​នេះ​មូលហេតុ​អ្នកបើកបរ​ម៉ូតូ​បើកបរ​មិន​ប្រកាន់​ស្ដាំ​។​

​ជុំវិញ​ហេតុការណ៍​ដ៏​រន្ធត់​នេះ លោក ហេង រតនា អគ្គនាយក​មជ្ឈមណ្ឌល​សកម្មភាព​កម្ចាត់មីន​កម្ពុជា (CMAC) បាន​បង្ហោះ​សារ​លើ​ទំព័រ​ហ្វេ​ស​ប៊ុ​ក​របស់ខ្លួន នៅ​ព្រឹក​ថ្ងៃទី​២៦​នេះ​ថា នា​ល្ងាច​ថ្ងៃទី​២៥ ខែតុលា ឆ្នាំ​២០២០ នៅ​ឃុំ​ត្រពាំង​ធំ ស្រុក​ប្រាសាទបាគង ខេត្តសៀមរាប ឃាតករ​តាម​ដងផ្លូវ (​គ្រោះថ្នាក់​ចរាចរណ៍​) បានសម្លាប់​យុវជន​ដ៏​ក្លាហាន​មួយរូប ជា​មន្ត្រី​ជំនាញ​កម្ចាត់មីន​នៃ​អង្គភាព​ស៊ីម៉ាក់​គឺ ស៊ា គឹម​សៀង​! ។ លោក ហេង រតនា បន្តថា ចន្លោះ​ឆ្នាំ​ឆ្នាំ​១៩៩៣ -១៩៩៨ គ្រាប់មីន​និង​សំណល់​ជាតិ​ផ្ទុះ​ពី​សង្គ្រាម​បានសម្លាប់ និង​ធ្វើឱ្យ​រងរបួស​ប្រជាជន​កម្ពុជា​ប្រមាណ​ជាង​៤០០០​នាក់ ក្នុង​មួយឆ្នាំៗ ដែល​ក្លាយជា​ឃាតករ​លេខ​១​នៅ​កម្ពុជា​។ បើទោះបីជា​ការបោះឆ្នោត​កើតឡើង​នៅ​ឆ្នាំ​១៩៩៣​ក៏ដោយ តែ​សង្គ្រាម​នៅតែ​បន្ត​រហូត​ចុងឆ្នាំ​១៩៩៨​។ អង្គភាព​ស៊ីម៉ាក់​ជា​កម្លាំង​ស្នូល​នៃ​ការ​កម្ចាត់​ឃាតករ​នេះ ដែល​ធ្វើឱ្យ​ជនរងគ្រោះ​ធ្លាក់ចុះ​មាន​ចំនួន​តិចជាង​១០០​នាក់​ក្នុង​មួយឆ្នាំៗ (២០១៩)​។​

​លោក ហេង រតនា បាន​បន្ថែមទៀតថា​បច្ចុប្បន្ន​នេះ ដោយ​សារភាព​រីកចម្រើន ខាង​មធ្យោបាយ​ដឹកជញ្ជូន និង​ការអភិវឌ្ឍ​ហេដ្ឋារចនាសម្ព័ន្ធ​នោះ ឃាតករ​តាម​ដងផ្លូវ (​ចរាចរណ៍​) បានក្លាយ​យមរាជ​លេខ​១​វិញ​ម្តង ក្នុងការ​ឆក់យក​ជីវិត​ប្រជាជន​កម្ពុជា​! សូម​ប្រជាពលរដ្ឋ​ទាំងអស់គ្នា ចូលរួម​គោរព​ច្បាប់​ចរាចរណ៍ ដើម្បី​សុវត្ថិភាព​ខ្លួនឯង​ផង​និង​អ្នករួមដំណើរ​លើ​ដងផ្លូវ​ផង​។ លោក ហេង រតនា​៖​សូម​ចូលរួម​សោកស្តាយ​បំផុត​ជាមួយ​គ្រួសារ​សព​និង សូម​វិញ្ញាណក្ខន្ធ ស៊ា គឹម​សៀង បាន​ទៅកាន់​ទី​សុខកុំបី​ឃ្លៀងឃ្លាត​ឡើយ​។​

​យោងតាម​ការ​បង្ហោះ​សារ របស់លោក​ហេង រតនា បង្ហាញថា រូបលោក​ហាក់​ស្តាយ​មន្ត្រី​សកម្ម​របស់ខ្លួន​ខ្លាំងណាស់ ដែល​ក្លាហាន​ជាមួយ​គ្រាប់មីន​ច្រើន​ឆ្នាំ តែ​មក​ស្លាប់​ដោយសា​ឃាតករ​លើ​ដងផ្លូវ​ទៅវិញ​៕ ល​/Ha

ទីតាំងផ្សាយពាណិជ្ជកម្ម

- Advertisment -

Most Popular

មេបញ្ជាការ​កងពលតូច​លេខ​៧ ...

​ដោយ​: ភ្នំ​ដែក / ខេត្តព្...

រថយន្ត បុក​ម៉ូតូ បណ្តាលឱ្...

ដោយៈ សៅ វ៉ាន់ឌី / ព្រះ​វិ...

ផ្ទួនៗគ្នា បន្ទាប់ពី​ពុល​...

​ដោយៈ​ មុនី​រ័ត្ន ​/ ​ភ្ន...

រដ្ឋមន្ត្រី​កសិកម្ម ចុះ​ព...

ដោយៈ ជា សីហៈ / ភ្នំពេញៈ ល...