Home ព័ត៌មានជាតិ សន្តិសុខ ខណ្ឌ​រដ្ឋបាល​...

ខណ្ឌ​រដ្ឋបាល​ជលផល​បាត់ដំបង ចុះបង្ក្រាប​បទល្មើស​នេសាទ ក្នុង​ខែតុលា បាន​ចំនួន ១៥ ករណី​

ដោយ: គ្រញូង / បាត់ដំបង: ក្នុង​ខែតុលា ឆ្នាំ​២០២០ កម្លាំង​សមត្ថកិច្ច​ចម្រុះ មាន​អាជ្ញាធរ​ដែនដី ប៉ូលិស ប៉េអឹម យោធា​សឹក​រង​ស្រុក សហគមន៍​នេសាទ ដឹកនាំ​ដោយ​លោកនាយ​រដ្ឋបាល​ជលផល​បាត់ដំបង បាន​ចុះបង្ក្រាប​បទល្មើស​នេសាទ បាន​ចំនួន ១៥ ករណី ព្រមទាំង​ដកហូត​បាន វត្ថុតាង​បទល្មើស មួយចំនួន ដូចជា​: សាច់​មង ១២.០០០ ម៉ែត្រ ស្បៃ​មុង ចំនួន ៦០០​ម៉ែត្រ បង្គោល​ចំនួន ៨.៣៩០ ដើម ឡុ​ក​៨៧​គ្រឿង លូ​ស្បៃ​មុង​១៨​មាត់ និង​លែង​ត្រី​ចម្រុះ ចំនួន ៣៨៥ គីឡូក្រាម​ចូល ទៅ​បឹង​ធម្មជាតិ​វិញ​។ នេះ​បើតាម​នាយ​ខណ្ឌ​រដ្ឋបាល​ជលផល​ខេត្តបាត់ដំបង បាន​ឲ្យ​ដឹង នៅ​ថ្ងៃទី​២៦ តុលា នេះ​។​

​លោក ជួង សុភា នាយ​ខណ្ឌ​រដ្ឋបាល​ជល​ផល ខេត្តបាត់ដំបង បាន​បន្តថាៈ នៅក្នុង​រដូវ​បិទ​នេសាទ​នេះ ដោយសារ​ស្ថានភាព​ស្មុ​គ្រ​ស្មាញ និង​ទឹក​ឡើង​ខ្លាំង ពិបាក​ដឹកជញ្ជូន​ឧបករណ៍​ល្មើសច្បាប់ យកមករ​ក្សាខ​ទុក នៅ​ខណ្ឌ​រដ្ឋបាល​ជល សមត្ថកិច្ច​ចម្រុះ សម្រេច​ដុត​កម្ទេចចោល ឧបករណ៍​ទាំងនោះ នៅនឹងកន្លែង ដើម្បី​ជាការ​ព្រមាន ដល់​ជនខិលខូច​ផង ព្រម​ទាំ​ពិន័យ​បាន​ថវិកា ៥ លាន​រៀល បង់​ចូល​ថវិការដ្ឋ ៥០ ភាគរយ ។​

​លោកនាយ​ខណ្ឌ បានបញ្ជាក់​ថាៈ ក្នុង​ការចុះ​ប្រតិបត្តិការ​ម្តងៗ សមត្ថកិច្ច​ចម្រុះ មិនដែល​ចាប់បាន​ជនខិលខូច​ម្នាក់​ណា​ទេ ព្រោះ​ពួកវា បានដាក់​បណ្តាញ រាយការណ៍ ប្រាប់​បក្ខ​ពួកវា តាមរយ​:​ទូរស័ព្ទ ឬ​អាយកូម ឲ្យ​បក្ខ​ពួកវា​ដឹង​ជាមុន ហើយ​នាំគ្នា​រត់គេចខ្លួន​អស់​។

​លោក ជួង សុភា បានបញ្ជាក់​ទៀតថាៈ ក្នុងចំណោម​បទល្មើស ទាំង ១៥ ករណីនេះ រួមមាន ១. ប្រើ​ឧបករណ៍​នេសាទ​ខុស ពី​ការកំណត់​របស់​រដ្ឋមន្ត្រី ក្រសួងកសិកម្ម រុក្ខាប្រមាញ់ និង​នេសាទ ចំនួន ១៣ ករណី និង​នេសាទ ដោយ​ឧបករណ៍​ស្បៃ​មុង ២ ករណី​។​

​លោកនាយ​ខណ្ឌ បាន​បន្តថាៈ ក្រៅពី​ការចុះ​បង្ក្រាប​បទល្មើស​នេសាទ មន្ត្រី​ជំនាញ នៅបាន​ចុះ​ផ្សព្វផ្សាយ ឲ្យ​ប្រជាពលរដ្ឋ យល់ដឹង ពី​ការប្រើប្រាស់​ឧបករណ៍ ដែល​រដ្ឋ​ហាមឃាត់ នាំ​ឲ្យ​បាត់បង់​ពូជ​ត្រី និង​បើ​សមត្ថកិច្ច​ចាប់​ខ្លូន​បាន ត្រូវ​មានទោស​ទៀតផង និង​ចុះ​តាម​សហគមន៍ ជួយ​បង្រៀន ពី​របៀប​ចិញ្ចឹម​កង្កែប បង្កង​ទឹកសាប និង​ត្រី មានតម្លៃ ក្នុង​ទីផ្សារ​ផងដែរ​៕

ទីតាំងផ្សាយពាណិជ្ជកម្ម

- Advertisment -

Most Popular

អដ្ឋិ​ធា​តិ​សម្តេច​រាជបុត...

​ដោយៈ ជា សីហៈ​/​ភ្នំពេញៈ ...

អគ្គរដ្ឋទូត​បារាំង ប្រគល់...

ដោយៈ យោធិន / ភ្នំពេញៈ ឯកអ...

នៅពេលនេះ ទូរស័ព្ទ iPhone ...

ដោយៈ​សុផល​/​ភ្នំពេញ​៖​ទីប...

ឃាត់ខ្លួន​ជនជាតិ​ចិន​២​នា...

ដោយ​: ស​រិ​ទ្ធ / ភ្នំពេញ​...