Home ព័ត៌មានអន្តរជាតិ នាយករដ្ឋមន្ត្...

នាយករដ្ឋមន្ត្រី​ប៊ុលហ្គារី ក្លាយជា​មេដឹកនាំ​ចុងក្រោយ​បំផុត​ដែល​ធ្វើតេស្តិ៍​វិជ្ជមាន​កូវី​ដ​១៩

សុខា​៖ នាយករដ្ឋមន្ត្រី​ប៊ុលហ្គារី លោក ប័​យ​កូ បូរី​ស​សូវ​(Boyko Borissov) បាន​ក្លាយជា​មេដឹកនាំ​ចុងក្រោយ​បំផុត​ដែល​បាន​ធ្វើតេស្តិ៍​រកឃើញ​ជំងឺ​ឆ្លងកូវី​ដ​១៩​ខណៈ​ដែល​ពេល​ប្រទេស​នៅ​អឺរ៉ុប​ខាង​​កើត​នេះ ខំ​ប្រឹងប្រែង​ទប់ស្កាត់​ការឆ្លង​វីរុស​ថ្មី​កើនឡើង​។​

​មេដឹកនាំ​អឺរ៉ុប​អាយុ ៦១​ឆ្នាំ ដែល​បាន​ដាក់ខ្លួន​នៅ​ឆ្ងាយ​ពី​ខ្លួន​គេ កាលពី​ថ្ងៃ​សុក្រ បាន​និយាយ​កាលពី​ថ្ងៃអាទិត្យ​ទី​២៥​តុលា​ថា​លោក​នឹង​ស្នាក់នៅ​ផ្ទះ​ដើម្បី​ការព្យាបាល​តាម​ការណែនាំ​របស់​វេជ្ជបណ្ឌិត​​របស់​លោក​បន្ទាប់ពី​ធ្វើតេស្តិ៍​វិជ្ជមាន​កូវី​ដ​១៩​។​

​លោកប័យ​កូ បូរី​ស​សូវ ដែល​បាន​ជួប​ជាមួយ លោក​គីត ក្រា​ច អនុ​រដ្ឋមន្ត្រីក្រសួង​សេដ្ឋកិច្ច​អាម៉េរិក​កាលពី​ថ្ងៃ​សុក្រ បាន​ជូនដំណឹង​ទៅ​ស្ថានទូត​អាម៉េរិក​នៅ​ទីក្រុង​សូ​ហ្វី​យ៉ាប្រទេស​ប៊ុលហ្គារី អំពី​ស្ថាន​​ភាព​នេះ​។​

​ការប្រកាស​នេះ​បាន​កើតឡើង​ស្របពេល​ដែល​ប្រទេស​ប៊ុលហ្គារី​ក៏​ដូចជា​បណ្តា​ប្រទេស​សហភាព​អឺរ៉ុប​ដទៃទៀត កំពុង​ជួប​ការកើនឡើង​នៃ​ករណី​ឆ្លង​វីរុស​ថ្មី​។​

​កាលពី​ថ្ងៃអាទិត្យ មាន​ករណី​ឆ្លង​វីរុស​ថ្មី​ចំនួន​១.០៤៣ នាក់​នៅ​ប្រទេស​ដែល​មាន​ប្រជាជន​៧​លាន​នាក់​នេះ ដោយ​នាំ​ឱ្យ​ចំនួន​ឆ្លង​សរុប​កើនឡើង​ដល់ ៣៧.៥៦២ នាក់​និង​ចំនួន​អ្នក​ស្លាប់​កើនឡើង​​ដល់ ១.០៨៤ នាក់​។​

​វា​ក៏​កើត​ឡើង​ស្រប​ពេល​ដែល​ករណី​ឆ្លង​ប្រចាំថ្ងៃ​របស់​អឺរ៉ុប​បាន​ឆ្លង​ដល់ ២០០.០០០ នាក់​ក្នុង​មួយថ្ងៃ កាលពី​ថ្ងៃ​សុក្រ បន្ទាប់​ពី​កើនឡើង​ទ្វេ​ដង​ក្នុង​រយៈពេល​តែ ១០​ថ្ងៃ​ដោយមាន​ប្រទេស​ជាច្រើន​​មាន​ករណី​ឆ្លង​ខ្ពស់​បំផុត​មិន​ដែល​មាន​និង​រដ្ឋាភិបាល​មួយចំនួន​មាន​ការខ្វែងគំនិត​គ្នា​រវាង​ការប្រយុទ្ធប្រឆាំង​វីរុស​នេះ​និង​ធ្វើឱ្យ​សេដ្ឋកិច្ច​ងើប​ឡើងវិញ​៕

លោក ប័​យ​កូ បូរី​ស​សូវ នាយករដ្ឋមន្ត្រី​ប៊ុលហ្គារី ដែល​បាន​ធ្វើតេស្តិ៍​រកឃើញ​ជំងឺ​ឆ្លងកូវី​ដ​១៩

ទីតាំងផ្សាយពាណិជ្ជកម្ម

- Advertisment -

Most Popular

រដ្ឋបាល​ខេត្តតាកែវ ប្រជុំ...

​ដោយៈ ទេព មង្គល / តាកែវៈ ...

រដ្ឋបាល​ខេត្តកោះកុង និង​ក...

​ដោយៈ ទេព មង្គល / ភ្នំពេញ...

ប្រតិភូ​ស្ថានទូត​កម្ពុជា​...

ដោយ​៖​រ៉ា​ម៉ន / ភ្នំពេញ​៖...

រដ្ឋបាលខេត្ត​ព្រះវិហារ បើ...

ដោយ​: សៅ វ៉ាន់ឌី / ព្រះវិ...