សប្បុរសជន​បន្ត​ផ្តល់​គ្រឿង​ឧបភោគបរិភោគ​ជូន​រដ្ឋបាល​រាជធានី​សម្រាប់​ជួយ​ជនរងគ្រោះ​ដោយ​ទឹកជំនន់​

​ដោយៈ​រ៉ា​ម៉ន​/​ភ្នំពេញៈ​អំណោយ​ជា​អង្ករ​មី​ត្រីខ​ទឹកត្រី​ទឹកស៊ីអ៊ីវ​និង​ទឹកបរិសុទ្ធ​រាប់រយ​កេស​របស់​សប្បុរសជន​ចំនួន​ពីរ​ក្រុម​បាន​ប្រគល់ជូន​មក​រដ្ឋបាល​រាជធានី​ភ្នំពេញ​ជា​បន្តទៀត​។​ដើម្បី​រដ្ឋបាល រាជធានី បន្ត​ចាត់ចែង​ជួយ​ទៅដល់​ជនរងគ្រោះ​និង​ជន​ងាយ​រងគ្រោះ​ដោយ​ជំនន់​ទឹកភ្លៀង​ដែល​បាន​នឹង​កំពុង​ប្រឈម រហូតមកដល់​ពេលនេះ​។ ពិធី​ប្រគល់ និង​ទទួល​អំណោយ​នេះ បានធ្វើ​ឡើង នា​រសៀល ថ្ងៃទី​២៦​ខែ តុលា​ឆ្នាំ​២០២០ នេះ ក្រោម​វត្តមាន​លោក ឃួ​ង ស្រេង​នៅ​សាលា​រាជធានី​ភ្នំពេញ ។​

​អំណោយ​ទាំងនោះ រួមមាន សប្បុរសជន​ទី​១ ផ្តល់ជូន​អង្ករ​ចំនួន ១០ តោន មី​៥០០​កេស ត្រីខ​៥០០​យួរ ទឹកត្រី​៥០០​យួរ ទឹកស៊ីអ៊ីវ​៥០០​យួរ​។​សប្បុរសជន​ទី​២ ផ្តល់ជូន​ទឹកបរិសុទ្ធ ៥.០០០ កេស ។​លោក ឃួ​ង ស្រេង បាន​ចាត់ទុកថា ការចូលរួម​ផ្តល់​អំណោយ មនុស្សធម៌ នាពេលនេះ ពិតជា​មានតម្លៃ ស្រប​ពេលដែល​ប្រជាពលរដ្ឋ​មួយចំនួន​ក្នុង​រាជធានី​ភ្នំពេញ​កំពុង​ជួប​នូវ​គ្រោះធម្មជាតិ ដោយ​ទឹកជំនន់ ដែល​ត្រូវការ​ជំនួយ​ឧបត្ថម្ភ ពី​សប្បុរសជន​នានា ដើម្បី​សង្គ្រោះ​អាយុជីវិត ប្រជាពលរដ្ឋ​។​

​លោក​អភិបាល​រាជធានី បាន​ថ្លែងអំណរគុណ យ៉ាង​ជ្រាលជ្រៅ ចំពោះ​សប្បុរសជន​ទាំងអស់ ដែល​បាន​ផ្តាច់​ពី​មាត់​ពី ក យក​អំណោយ​ប្រគល់ជូន រដ្ឋបាល​រាជធានី​ភ្នំពេញ សម្រាប់​ជួយសង្គ្រោះ ដល់​ប្រជាពលរដ្ឋ​រងគ្រោះ បាន​ទាន់ពេលវេលា​។ ក្នុង​គ្រា​ដ៏​លំបាក់​នេះ ហើយ​លោក​សន្យាថា រាល់​អំណោយ​របស់ សប្បុរសជន​ទាំងអស់ នឹង​នាំយកទៅ​ចែកជូន ដល់ដៃ​ប្រជាពលរដ្ឋ​រងគ្រោះ ពិតប្រាកដ ។​បើ​នៅ​សេសសល់ នឹង​យកទៅជួយ​ដល់ ប្រជាពលរដ្ឋ​ក្រីក្រ នៅតាម​មូលដ្ឋាន ដោយ​មិន​ធ្វើឱ្យ​ម្ចាស់​អំណោយ ខកបំណង​ឡើយ​៕S/​

ទីតាំងផ្សាយពាណិជ្ជកម្ម

- Advertisment -

Most Popular

អភិបាលរងខេត្តកំពង់ឆ្នាំងដ...

ដោយ:ទេពកង្រី/កំពង់ឆ្នាំងៈ...

អាវុធហត្ថឃាត់ខ្លួនបុរសម្ន...

ដោយ:ទេពកង្រី/កំពង់ឆ្នាំងៈ...

អ្នកនាំពាក្យ​ក្រសួងសុខាភិ...

ដោយ: មុនីរ័ត្ន / ភ្នំពេញ:...

នាយកដ្ឋាន​ព័ត៌មានវិទ្យា រ...

​ដោយៈ មុនី​រ័ត្ន / ភ្នំពេ...