​កម្ពុជា​បង្កើត​ក្រុម​ប្រឹក្សាជាតិ​វិទ្យាសាស្ត្រ​បច្ចេកវិទ្យា​និង​នវានុវត្តន៍​

​ដោយៈ​ជា​សីហៈ​/​ភ្នំពេញៈ​ប្រមុខរដ្ឋស្តីទី​នៃ​ព្រះរាជាណាចក្រ​កម្ពុជា​កាល​ពី​ពេល​ថ្មីៗ​នេះ​បាន​ចុះហត្ថលេខា​លើ​ការសម្រេច​បង្កើតឱ្យមាន​ក្រុមប្រឹក្សា​ជាតិ​វិទ្យាសាស្ត្រ បច្ចេកវិទ្យា និង​នវានុវត្តន៍​នៅ​កម្ពុជា​។​
​យោងទៅតាម​ព្រះរាជក្រឹត្យ​ដែល​បាន​ចុះហត្ថលេខា​ដោយ​សម្តេច​វិបុល​សេនា​ភក្តី សាយ ឈុំ ប្រមុខរដ្ឋស្តីទី​ក្នុង​ព្រះបរមនាម​និង​តាម​ព្រះរាជ​ត្រាស់បង្គាប់​បានឱ្យដឹងថា​ក្រុមប្រឹក្សា​នេះ​មាន​តួនាទី​ជា​សេនាធិការ​ជូន​រាជរដ្ឋាភិបាល​លើ​ការអភិវឌ្ឍ វិទ្យាសាស្ត្រ បច្ចេកវិទ្យា និង នវានុវត្តន៍​នៅ​កម្ពុជា​។​

​ក្រុមប្រឹក្សា​នេះ​ក៏មាន​តួនាទី​ពិនិត្យ​សម្រេច​និង​ជំរុញ​ការអនុវត្ត​គោលនយោបាយ​ផែនការ​យុទ្ធសាស្ត្រ​ផែនការមេ​ផែនការ​សកម្មភាព​និង​កម្មវិធី​អភិវឌ្ឍន៍​នានា​ដែល​ទាក់ទង​នឹង​វិស័យ​និង​បច្ចេកវិទ្យា​នេះ​ក៏ដូចជា​សម្របសម្រួល​ដឹកនាំ​ការងារ​ទាំងអស់​ក្នុង​ក្របខណ្ឌ​អន្តរក្រសួង​ជាដើម​។​

​ក្រុមប្រឹក្សា​ដែល​ទើបនឹង​បង្កើតឡើង​នេះ​នឹង​ដឹកនាំ​ដោយ​នាយករដ្ឋមន្ត្រី​ក្នុងនាម​ជា​ប្រធានកិត្តិយស រដ្ឋមន្ត្រីក្រសួង​ឧស្សាហកម្ម វិទ្យាសាស្ត្រ​បច្ចេកវិទ្យា​និង​នវានុវត្តន៍​ជា​ប្រធាន​ហើយ​មាន​អនុប្រធាន​ចំនួន ៧ រូប ។​នៅក្នុង​នោះ​មាន​រដ្ឋមន្ត្រី​ក្រសួងផែនកា​រ​,​សុខាភិបាល​,​រ៉ែ​និង​ថាមពល​,​កសិកម្ម រុក្ខាប្រមាញ់ និង នេសាទ​, អប់រំ​យុវជន​និង​កីឡា​,​ប្រៃ​ស​ណី​និង​ទូរគមនាគមន៍​និង​រដ្ឋលេខាធិការ​ក្រសួង​ឧស្សាហកម្ម វិទ្យាសាស្ត្រ បច្ចេកវិទ្យា និង នវានុវត្តន៍ ជា​អនុប្រធាន​អចិន្ត្រៃយ៍​៕S/​

ទីតាំងផ្សាយពាណិជ្ជកម្ម

- Advertisment -

Most Popular

ធនាគារ អ អេច ប៊ី (ខេមបូឌា...

ប្រទេសកម្ពុជា ទីក្រុងភ្នំ...

ការប្រឡង​ឌី​ប្លូ​ម​២​ថ្ងៃ...

​ដោយ​:​ដេប៉ូ​/​ភ្នំពេញ​:​...

សម្តេច​ជោ ហ៊ុន សែន​៖ យើងទ...

ដោយៈ ទេព មង្គល / ភ្នំពេញៈ...

សម្តេច​ប្រធានរដ្ឋសភា​កម្ព...

ដោយៈ​ស្រីនាថ​,​សុផល​/​ភ្ន...