Home ព័ត៌មានជាតិ សេដ្ឋកិច្ច ក្រសួងកិច្ចកា...

ក្រសួងកិច្ចការនារី និងក្រុមហ៊ុន ភេសជ្ជៈកម្ពុជាកូកា-កូឡា ប្រកាស ភាពជាដៃគូលើការលើកកម្ពស់ភាពជាអ្នកដឹកនាំ និង ការអភិវឌ្ឍ សហគ្រិនភាពរបស់ស្រ្តី

ដោយៈសុផល/ភ្នំពេញ៖ក្រសួងកិច្ចការនារីនិងក្រុមហ៊ុនកូកា-កូឡាកម្ពុជានៅរសៀល ថ្ងៃ ទី២៦ តុលា ឆ្នាំ២០២០នេះ  បានចុះអនុស្សារណៈយោគយល់គ្នាស្តីពី «ភាពជាដៃ​គូ​លើការលើកកម្ពស់ភាពជាអ្នកដឹកនាំនិងការអភិវឌ្ឍសហគ្រិនភាពរបស់ស្រ្តី»នៅទីស្តី​កា​រ​​ក្រសួងកិច្ចការនារី។

នៅក្នុងពិធីចុះហត្ថលេខាភាគីទាំងពីរបានប្រកាសពីឆន្ទៈយ៉ាងច្បាស់ ក្នុងការបង្កើន​ភាព​អង់អាចផ្នែកសេដ្ឋកិច្ចដល់ស្ត្រីភាពជាអ្នកដឹកនាំរបស់ស្រ្តីនិងជំរុញឱ្យស្រ្តីប្រើ​ប្រាស់​ស​ក្តា​​នុ​ពលរបស់ខ្លួនឱ្យអស់លទ្ធភាព ក្នុងការចូលរួមលើកស្ទួយសេដ្ឋកិច្ច-​សង្គម​ប្រកប​ដោយបរិយាប័ន្ន។

អនុស្សារណៈនេះក្រសួងកិច្ចការនារីនិងក្រុមហ៊ុនកូកា-កូឡានឹងធ្វើកិច្ចសហប្រតិបត្តិ​កា​រ​​ជាច្រើនលើការពង្រឹងភាពជាអ្នកដឹកនាំរបស់ស្រ្តី ដែលជាថ្នាក់ដឹកនាំ  និងបង្កើន​ចំនួន​បុគ្គលិកជាស្រ្តីក្នុងក្រុមហ៊ុនកូកា-កូឡា  ដើម្បីឈានទៅសម្រេចគោលដៅ ៥០-៥០% នៅឆ្នាំត្រឹម២០២៥អភិវឌ្ឍសហគិ្រនភាពរបស់ស្ត្រីជាពិសេសអ្នកតំណាងចែក​ចាយ​ផលិត​​ផលរៀបចំផែនការរួម ដើម្បីផ្តល់វគ្គបណ្តុះបណ្តាល និងការគាំទ្រនានាដល់ស្រ្តី ជាម្ចាស់អាជីវកម្មខ្នាតតូច នៅថ្នាក់ជាតិ និងថ្នាក់ក្រោមជាតិ អនុវត្តគម្រោង​គាំទ្រដល់​អាជីវករខ្នាតតូច ជាពិសេសអ្នកលក់ដូរតាមដងផ្លូវក្នុងការបង្កើនគុណភាពចំណីអាហារ អនាម័យ និងអភិវឌ្ឍអាជីវកម្ម។

លោកស្រី ឡាវ ស្រីដែត នាយិកាផ្នែកពាណិជ្ជកម្មប្រចាំប្រទេស បានមានប្រសាសន៍ថា « នៅក្រុមហ៊ុនកូកាកូឡាកម្ពុជាយើងបាន​កំណត់គោលដៅជាក់លាក់នៅក្នុង​ចក្ខុវិស័យ​២០​​២០​-២០២៥គឺត្រូវអនុវត្តគ្រប់យុទ្ធសាស្ត្រដើម្បីឲ្យមានបុគ្គលិកជាស្ត្រី៥០%នៃ​ចំនួ​ន​បុគ្គលិកសរុបនៅត្រឹមឆ្នាំ២០២៥។  ពិពិធភាព និងបរិយាបន្នរវាងស្ត្រី និងបុរស​នៅក្នុង​ក្រុមហ៊ុន នឹងជំរុញឲ្យមានភាពច្នៃប្រឌិត នវានុវត្តន៍ ការជជែកគាំទ្រនៅក្នុងក្រុមហ៊ុន ក៏ដូចជាផ្សាភ្ជាប់អាជីវកម្មយើងទៅក្នុងសហគន៍ដែលយើងប្រតិបត្តិការ»។

លោកស្រីបន្តថា «ការចុះអនុស្សរណៈនាថ្ងៃនេះ មិនមែនជាចាប់ផ្តើមកិច្ចសហការលើក​ដំបូង​រវាងក្រសួងកិច្ចការនារីនិងក្រុមហ៊ុនកូកា-កូឡានោះទេតែថ្ងៃនេះគឺសក្ខីភាពនៃ​ការ​​រឹតចំណងកិច្ចសហប្រតិបត្តិការរបស់ពួកយើង និងជាការបញ្ជាក់អំពីការប្តេជ្ញា​របស់ក្រុម​ហ៊ុន ក្នុងការចូលរួមជាមួយរាជរដ្ឋាភិបាលលើការបង្កើនភាពអង់អាចដល់ស្រ្តី»។

លោកស្រីគង់ សូរីតា អនុរដ្ឋលេខាធិការក្រសួងកិច្ចការនារីបានលើកឡើងថា«សម្រា​ប់​រាជរដ្ឋាភិបាលកម្ពុជាការលើកកម្ពស់ភាពជាអ្នកដឹកនាំនិងសហគ្រិនភាពគឺជា​យុទ្ធសា​ស្រ្ត​គន្លឹះធំពីរ នៃក្របខណ្ឌការងារបង្កើនភាពអង់អាចដល់ស្រ្តីនិងក្មេងស្រីក្នុងគោល​ដៅ​ដើម្បីឈាន​ទៅលុបបំបាត់គម្លាតយេនឌ័រនៅកម្ពុជា ជាពិសេសដូចមានកំណត់នៅក្នុង​យុទ្ធសាស្ត្រចតុកោណដំណាក់កាលទី៤,ផែនការយុទ្ធសាស្រ្តអភិវឌ្ឍន៍ជាតិនិងផែន​កា​រ​យុទ្ធសាស្រ្តនារីរតនៈទី៥ ឆ្នាំ២០១៩-២០២៣។ កិច្ចសហការនេះ គឺជារូបមន្តនិង​សក្តានុ​ពលថ្មីមួយទៀតក្នុងការពង្រីកដៃគូក្នុងការលើកកម្ពស់សមភាពយេនឌ័រ ជាពិសេស​នៅ​ក្នុងវិស័យសេដ្ឋកិច្ច ការអភិវឌ្ឍន៍សហគ្រិនភាព ភាពជាអ្នកដឹកនាំ និងការគាំទ្រ​បរិយា​កាស​ការងារសម្រាប់ស្រ្តីនៅក្នុងវិស័យឯកជន»។

កិច្ចសហប្រតិបត្តិការនេះសបញ្ជាក់ពីការសហការយ៉ាងស្អិតរមួតរវាងវិស័យសាធារណៈជាមួយនិងវិស័យឯកជនរួមចំណែកផ្តល់ការលើកកម្ពស់ភាពអង់​អាចផ្នែកសេដ្ឋកិច្ច​ដល់​ស្ត្រីរួមបញ្ចូលទាំងបណ្តុះស្មារតីជាសហគ្រិនភាពនិងភាពជាអ្នកដឹកនាំ ស្របតាមចក្ខុ​វិស័យ​របស់រាជរដ្ឋាភិបាលកម្ពុជា៕Ph

ទីតាំងផ្សាយពាណិជ្ជកម្ម

- Advertisment -

Most Popular

ឃាត់ខ្លួន​យុវជន​ម្នាក់ ជា...

​ដោយៈ អង្គា​រ៍​ហេង / ភ្នំ...

​គ្រោង​ជ្រើសរើស​ទីតាំង​ខ្...

​ដោយៈ​ភ្នំ​ស្វាយ / បន្ទាយ...

​បុរាណ​ដ្ឋា​ន​អូរ​កី​ក្នុ...

​ដោយៈ ភ្នំ​ស្វាយ / កោះកុង...

​ត្រីមាស​ទី​បីៈ​រោងចក្រ​ច...

ដោយ​: ពៅ​និមល​/​ភ្នំពេញ​:...