Home ព័ត៌មានជាតិ នយោបាយ ឯកអគ្គរដ្ឋទូត...

ឯកអគ្គរដ្ឋទូត​សហរដ្ឋ​អាម៉េរិក​ទស្សនកិច្ច “​បណ្ណាល័យ​សម្តេច​ម៉ែ​”

ដោយ : ផាត ចាន់​សុ​និ​តា​/ភ្នំពេញៈសហរដ្ឋ​អាម៉េរិក គឺជា​ប្រទេស​ដំបូងបង្អស់​រួមជាមួយ នឹង​រាជរដ្ឋាភិបាល​កម្ពុជា ផ្តួចផ្តើម​និង​គាំទ្រ​សាកលវិទ្យាល័យ​យ៉ែ​ល (Yale University) ឲ្យ​មានការ​បង្កើត​មជ្ឈមណ្ឌល​ឯកសារ​កម្ពុជា​តាំងពី​ខែមករា ឆ្នាំ​១៩៩៥ មកម្ល៉េះ ដើម្បី​ស្រាវជ្រាវ និង​ចងក្រង​ឯកសារ​ពី​សម័យ​ខ្មែរក្រហម​(១៩៧៥-១៩៧៩) ក្នុង​បុព្វហេតុ​យុត្តិធម៌ និង​ការចងចាំ​ដែលជា​មូលដ្ឋាន​ដ៏​សំខាន់​សម្រាប់​ការផ្សះផ្សា​និង​ថែរក្សា​សន្តិភាព​នៅ​កម្ពុជា​។​ចាប់តាំងពី​ដំបូង​មកទល់​សព្វថ្ងៃនេះ​សហរដ្ឋអាមេរិក​និង​បណ្តា​ប្រទេស​ដទៃទៀត​នៅ​ទ្វីបអឺរ៉ុប​រួមទាំង​អង្គការសហប្រជាជាតិ​(​អ​។​ស​។​ប​)​បានផ្តល់​ថវិកា​ជា​បន្តបន្ទាប់​គាំទ្រ​ការងារ​របស់​មជ្ឈមណ្ឌល​ឯកសារ​កម្ពុជា​។

​ឯកអគ្គរដ្ឋទូត​សហរដ្ឋ​អាម៉េរិក​ទស្សនកិច្ច “​បណ្ណាល័យ​សម្តេច​មែ​”។លោកកឆាំងយុនាយកមមជ្ឈមណ្ឌលឯកសារកម្ពុជាជម្រាបជូនភ្ញៀវអំពីសកម្មភាពទាំងឡាយ(រូបថតមជ្ឈមណ្ឌលឯកសារកម្ពុជា)


​លោក​ឆាំង​យុ​ដែលជា​ស្ថាបនិក​មជ្ឈមណ្ឌល​ឯកសារ​កម្ពុជា​បាន​មានប្រសាសន៍ថា​រាជរដ្ឋាភិបាល​កម្ពុជា​គឺជា​អ្នកគាំទ្រ​យ៉ាងសំខាន់​បំផុត​នៅក្នុង​ដំណើរការ​ស្រាវជ្រាវ​ដ៏​ស្មុគស្មាញ​មួយ​នេះ ជាពិសេស​ក្រសួងមហាផ្ទៃ និង​លោកស្រី និ​ន សា​ផុន ដែល​ត្រូវបានចាត់តាំង​សហការ​ដោយ​សម្តេច​តេ​ជោ​និង​បច្ចុប្បន្ន​គឺជា​សមាជិក​សភាជាតិ​តែងតែ​ផ្តល់​ការគាំទ្រ​ដល់​មជ្ឈមណ្ឌល​ឯកសារ​កម្ពុជា​គ្រប់​រូបភាព​ដោយ​វិជ្ជមាន និង​ឥត​ស្រាកស្រាន្ត​សោះឡើយ​។​
​មជ្ឈមណ្ឌល​ឯកសារ​កម្ពុជា​បាន​បង្កើត​ឲ្យ​មាន “​បណ្ណាល័យ​សម្តេចម៉ែ​” ស្ថិតនៅក្នុង​ទីក្រុង​ភ្នំពេញ​ដើម្បី​ថ្វាយ​ព្រះរាជ​កិត្តិយស​ជាទីគោរព​សក្ការៈ​ដ៏​ខ្ពង់ខ្ពស់​បំផុត​ជូន​សម្តេចព្រះ​មហាក្សត្រី នរោត្តម មុនិនាថ សីហនុ ព្រះវររាជ​មាតា​ជាតិខ្មែរ ក្នុង​សេរីភាព សេចក្តីថ្លៃថ្នូរ និង​សុភមង្គល ដែល​បាន​ខិតខំ​ប្រឹងប្រែង​ដើម្បី​សម្តេច ព្រះ​បរម​រតន​កោដ្ឋ នរោត្តម សីហនុ អតីត​ព្រះមហាវីរក្សត្រ ព្រះវររាជបិតា​ជាតិខ្មែរ ប្រទេសជាតិ​កម្ពុជា និង​ប្រជាជន​កម្ពុជា​។​

ឯកអគ្គរដ្ឋទូត​សហរដ្ឋ​អាម៉េរិក​ទស្សនកិច្ច “​បណ្ណាល័យ​សម្តេច​មែ​”។(រូបថតមជ្ឈមណ្ឌលឯកសារកម្ពុជា)


​ថ្ងៃនេះ​(២៦​តុលា​ឆ្នាំ​២០២០)​លោក​ឯកអគ្គរដ្ឋទូត ផា​ទ្រី​ក មូ​ហ្វី និង​ភរិយា​បាន​អញ្ជើញ​ធ្វើ​ទស្សនកិច្ច​មកកាន់ “​បណ្ណាល័យ​សម្តេច​ម៉​”​។ លោក​បានស្នើ​សុំ​ឲ្យ​មាន​ទស្សនកិច្ច​ជា​លើក​ទី​២​សម្រាប់​បុគ្គលិក​ស្ថានទូត​ទាំងអស់​នៅពេល​ក្រោយ​ទៀត​។ លោក ផា​ទ្រី​ក ធ្លាប់បាន​មានប្រសាសន៍​នៅ​មជ្ឈមណ្ឌល​សន្តិភាព​អន្លង់វែង​របស់​មជ្ឈមណ្ឌល​ឯកសារ​កម្ពុជា​ក្នុង​ខេត្ត​ឧ​ត្ត​រ​មានជ័យ ដូចខាងក្រោម​នេះ​ថា​៖ “​សហរដ្ឋអាមេរិក គឺមាន​សេចក្តីសោមនស្ស​យ៉ាង​ក្រៃលែង​ជា​ដៃគូ​និង​ជា​អ្នកគាំទ្រ មជ្ឈមណ្ឌល​ឯកសារ​កម្ពុជា ក្នុង​កិច្ចខិតខំ​ប្រឹងប្រែង​ចងក្រង​ប្រវត្តិសាស្ត្រ​កម្ពុជា ថ្វីបើ​ទំព័រ​ប្រវត្តិសាស្ត្រ​នេះ​មាន​ភាពស្មុគស្មាញ​យ៉ាងណាក្តី​ព្រមទាំង​បង្កើត​ការយល់ដឹង​អំពី​ព្រឹត្តិការណ៍​ដែល​កើតមាន​នៅក្នុង​អតីតកាល មិន​ឲ្យ​កើតមានឡើង​សាជាថ្មី​ម្តងទៀត ជាពិសេស បន្ត​ខិតខំ​ប្រឹងប្រែង​ដើម្បី​ឈានទៅ​សម្រេចបាន​នូវ​សន្តិភាព និង​ការផ្សះផ្សា ក្នុងចំណោម​ប្រជាជន​។ សហរដ្ឋ​អ​មេ​រិ​ក មាន​ទិសដៅ​ស្របគ្នា​ជាមួយនឹង​កិច្ចខិតខំ​ប្រឹងប្រែង​នេះ​”​។​
​ដំណើរ​ទស្សនកិច្ច ចាប់ផ្តើម​ដោយ​ការរៀបរាប់​យ៉ាង​ពិស្តារ​អំពី​ពិព័រណ៍​នៃ​ព្រះឆាយាល័ក្ខណ៍​របស់​សម្តេច​ព្រះ​បរម​រតន​កោដ្ឋ ព្រះវររាជបិតា​ជាតិខ្មែរ​, សម្តេចព្រះ​វររាជ​មាតា​ជាតិខ្មែរ និង​រាជវង្សានុវង្ស ផ្តល់​ដោយ​បណ្ឌិត ហូ​លី​យ៉ូ អេ​. ជែ​ល​ដ្រេ​ស អតីត​អ្នកសរសេរ​ព្រះរាជ​ជីវប្រវត្តិ​របស់​សម្តេច​ព្រះ​បរម​រតន​កោ​ដ្អ​ម​ជាមួយនឹង​ភ្លេង​ដែលជា​ព្រះរាជ​និពន្ធ​របស់​សម្តេច​ព្រះ​បរម​រតន​កោដ្ឋ​។

ឯកអគ្គរដ្ឋទូត​សហរដ្ឋ​អាម៉េរិក​ទស្សនកិច្ច “​បណ្ណាល័យ​សម្តេច​មែ​”។លោកកឆាំងយុនាយកមមជ្ឈមណ្ឌលឯកសារកម្ពុជាជម្រាបជូនភ្ញៀវអំពីសកម្មភាពទាំងឡាយ(រូបថតមជ្ឈមណ្ឌលឯកសារកម្ពុជា)


​លោក ឆាំង យុ បានបង្ហាញ​ដល់​លោក​ឯកអគ្គរដ្ឋទូត និង​ភរិយា​នូវ​បណ្ណាល័យ ជាពិសេស​គឺ​បណ្ណសារ​សោតទស្សន៍ ។ ឯកសារ​ជា​សំឡេង​តម្កល់​នៅ​បណ្ណាល័យ​សម្តេចម៉ែ​រួមមាន​បទសម្ភាសន៍​ជាមួយ​អ្នក​រស់រានមានជីវិត ដែល​ក្រុមការងារ​មជ្ឈមណ្ឌល​ឯកសារ​កម្ពុជា និង​អ្នកសិក្សា​ស្រាវជ្រាវ​ដទៃទៀត​នៅ​ជុំវិញ​ពិភពលោក បាន​ទៅ​ជួប​សម្ភាសន៍​ក្នុង​រយៈកាល​៤០​ឆ្នាំ​កន្លងមកនេះ​។​យ៉ាងណាមិញ​នៅមាន​អ្នក​រស់រានមានជីវិត​ពីរ​បប​ខ្មែរក្រហម​យ៉ាងហោចណាស់​បួន​លាន​នាក់​ទៀត​មិនទាន់​ត្រូវបាន​ជួប​សម្ភាសន៍​និង​ចងក្រង​ប្រវត្តិ​សាច់រឿង​ជីវិត​ពី​សម័យ​ខ្មែរក្រហម​នៅឡើយ​ទេ​។
​លោក ឆាំង យុ បាន​រៀបរាប់​យ៉ាង​លម្អិត​អំពី​សាវតា និង​អត្ថន័យ​នៃ​ប្លង់​រចនា​របស់​អគារ​វិទ្យាស្ថាន​ស្លឹករឹត​របស់លោក​ស្រី ហ្សា​ហា ហា​ឌី​ដ ដែលជា​ស្ថាបត្យករ​ស្ត្រី​ដ៏​ល្បីល្បាញ និង​កម្រ​មួយរូប​។ លោកស្រី សូ ហ្វា​រី​ណា បានបង្ហាញ​អំពី​ទីតាំង​ស្រាវជ្រាវ​, មជ្ឈមណ្ឌល​ស្រាវជ្រាវ និង​បណ្ណាល័យ​ខ្មែរក្រហម​នៅតាម​បណ្តា​ខេត្ត​ទាំង​១០ ដែល​គឺជា​ផ្នែក​មួយ​នៃ​គម្រោង​អប់រំ​អំពី​របប​កម្ពុជា​ប្រជាធិបតេយ្យ នៃ​គម្រោង​សំណង​តាមផ្លូវ​តុលាការ នៅក្នុង​ក្របខណ្ឌ​នៃ​សំណុំរឿង​០០២ របស់​អង្គជំនុំជម្រះ​វិសាមញ្ញ​ក្នុង​តុលាការ​កម្ពុជា កាលពី​ឆ្នាំ​២០១៣​។​

ឯកអគ្គរដ្ឋទូត​សហរដ្ឋ​អាម៉េរិក​ទស្សនកិច្ច “​បណ្ណាល័យ​សម្តេច​មែ​”។លោកកឆាំងយុនាយកមមជ្ឈមណ្ឌលឯកសារកម្ពុជាជម្រាបជូនភ្ញៀវអំពីសកម្មភាពទាំងឡាយ(រូបថតមជ្ឈមណ្ឌលឯកសារកម្ពុជា)


​លោក​ឯកអគ្គរដ្ឋទូត និង​ក្រុមការងារ​មជ្ឈមណ្ឌល​ឯកសារ​កម្ពុជា បាន​ពិភាក្សា​លើ​ប្រធានបទ​មួយចំនួន​ស្តីអំពី ទីមួយ​. បញ្ហា​សង្គមកិច្ច សុខភាព​ជនរងគ្រោះ​ពី​សម័យ​ខ្មែរក្រហម​នៅក្នុង​រយៈកាល​នៃ​ជំងឺ​កូ​វីដ​១៩ និង​គ្រោះទឹកជំនន់ ទី​ពីរ​. ការប្រមែប្រមូល​បទសម្ភាសន៍​ពី​អ្នក​រស់រានមានជីវិត​ពី​របប​ខ្មែរក្រហម ដែល​នៅ​សេសសល់​ប្រមាណ​បួន​លាន​នាក់​ផ្សេងទៀត ទី​បី​.​កិច្ច​ពិភាក្សាបាន​ផ្តោតលើ​ការអភិវឌ្ឍន៍​តំបន់​ប្រវត្តិសាស្ត្រ​អន្លង់វែង​ដែលជា​ទីតាំង​តស៊ូ​ចុងក្រោយ​របស់​ខ្មែរក្រហម​ដើម្បី​បង្កើន​សក្តានុពល​វិស័យ​ទេសចរណ៍​និង​សេដ្ឋកិច្ច​នៅក្នុង​តំបន់ ព្រមទាំង​ថែរក្សា​តំបន់​ប្រវត្តិសាស្ត្រ​សំខាន់ៗ​នៅក្នុង​ទីតាំង​នេះ ឲ្យ​ប្រកបដោយ​ភាព​ឋិតថេរចីរកាល​សម្រាប់​ម​នុស្ស​ជំនាន់​ក្រោ​និង​បួន​.​ការងារ​អប់រំ​ដែល​ក្រុមការងារ​មជ្ឈមណ្ឌល​ឯកសារ​កម្ពុជា​បាន​អនុវត្ត​។​គួររំឭកថា​ចាប់តាំងពី​ឆ្នាំ​២០០៧​ក្រោម​ជំនួយ​ឧបត្ថម្ភ​ដ៏​សប្បុរស​ពី​ទីភ្នាក់ងារ​សហរដ្ឋអាមេរិក​សម្រាប់​អភិវឌ្ឍន៍​អន្តរជាតិ មកទល់​ពេលបច្ចុប្បន្ន​មជ្ឈមណ្ឌល​ឯកសារ​កម្ពុជា សហការ​ជាមួយ​ក្រសួង​អប់រំ យុវជន និង​កីឡា បាន​បោះពុម្ព និង​ចែកចាយ​សៀវភៅ “​ប្រវត្តិសាស្ត្រ​កម្ពុជា​ប្រជាធិបតេយ្យ​(១៩៧៥-១៩៧៩)” និពន្ធ​ដោយ ឌី ខាំ​បូ​លី និង​ក្រុមការងារ​ចំនួន​មួយ​លាន​ក្បាល​ជូន​អនុវិទ្យាល័យ​ជាង​១៧០០ ដែល​ភាគច្រើន​ស្ថិតនៅ​តំបន់​ជនបទ​ដាច់ស្រយាល​។​

ឯកអគ្គរដ្ឋទូត​សហរដ្ឋ​អាម៉េរិក​ទស្សនកិច្ច “​បណ្ណាល័យ​សម្តេច​មែ​”។លោកកឆាំងយុនាយកមមជ្ឈមណ្ឌលឯកសារកម្ពុជាជម្រាបជូនភ្ញៀវអំពីសកម្មភាពទាំងឡាយ(រូបថតមជ្ឈមណ្ឌលឯកសារកម្ពុជា)


​លោក ឆាំង យុ បានលើកឡើង​អំពី​ការរៀបចំ ការបោះពុម្ព និង​ការ​ចែកចាយ​សៀវភៅ​ណែនាំ​សម្រាប់​គ្រូបង្រៀន និង​សៀវភៅ​លំ​ហាត់​ព្រម​ជាមួយនឹង​សៀវភៅ​សិក្សា​សម្រាប់​សិស្ស​។ ទន្ទឹមនឹងនេះ គម្រោង​អប់រំ​ពី​អំពើ​ប្រល័យពូជសាសន៍​នៅ​កម្ពុជ​សម្រេចបាន​លទ្ធផល​ក្នុងការ​រៀបចំ​វេទិកា​អប់រំ​សាធារណៈ​តាម​វិទ្យាល័យ​ចំនួន​៩៥០ និង​បានរៀបចំ​សិក្ខាសាលា​នៅតាម​សាកលវិទ្យាល័យ​ជាង​២០០ នៅ​ទូទាំងប្រទេស​កម្ពុជា​។ បន្ថែម​លើសពីនេះទៅទៀត មជ្ឈមណ្ឌល​ឯកសារ​កម្ពុជា បាន​បង្កើត​នូវ​កម្មវិធី​សិក្សាអប់រំ និង​វគ្គ​បណ្តុះបណ្តាល​គ្រូបង្រៀន​ជាង​៥០០០​នាក់ ទៅលើ​ផ្នែក​ប្រវត្តិសាស្ត្រ អក្សរសាស្ត្រ ភូមិវិទ្យា និង​សីលធម៌ ស្តីអំពី​ខ្លឹមសារ និង​វិធីសាស្ត្រ​បង្រៀន​ប្រវត្តិសាស្ត្រ​កម្ពុជា​ប្រជាធិបតេយ្យ​។ កម្មវិធី​អប់រំ​ពី​អំពើ​ប្រល័យពូជសាសន៍​នេះ​បន្ត​នៅ​គ្រប់​ការិយាល័យ​មូលដ្ឋាន​ទាំង​១០​របស់​មជ្ឈមណ្ឌល​ឯកសារ​កម្ពុជា​។​

លោក​ឯកអគ្គរដ្ឋទូត​ផា​ទ្រី​កមូ​ហ្វី​តំណាង​ឲ្យ​ស្ថានទូត​សហរដ្ឋអាមេរិក​ប្រចាំ​នៅ​កម្ពុជា​បាន​ចារ​ចំណារ​អនុស្សា​រី​យ៍​លើ​សៀវភៅ​ក្រាំងមាស​របស់ “​បណ្ណាល័យ​សម្តេចម៉ែ​”


​លោក​ឯកអគ្គរដ្ឋទូត​ផា​ទ្រី​កមូ​ហ្វី​តំណាង​ឲ្យ​ស្ថានទូត​សហរដ្ឋអាមេរិក​ប្រចាំ​នៅ​កម្ពុជា​បាន​ចារ​ចំណារ​អនុស្សា​រី​យ៍​លើ​សៀវភៅ​ក្រាំងមាស​របស់ “​បណ្ណាល័យ​សម្តេចម៉ែ​” ដែលមាន​ខ្លឹមសារ​ដូចតទៅ​៖
“​នេះ​គឺជា​កិត្តិយស​ដ៏​អស្ចារ្យ​ក្នុង​ដំណើរ​ទស្សនកិច្ច​មកកាន់ “​អ្នកជិតខាង​” របស់ខ្ញុំ គឺ មជ្ឈមណ្ឌល​ឯកសារ​កម្ពុជា និង​ទស្សនា​បណ្ណាល័យ​សម្តេចម៉ែ​ថ្មី​មួយ​ប្រកបដោយ​សោភ័ណភាព​ព្រមទាំង​បាន​មើលឃើញ​បរិក្ខារ​តម្កល់ទុក​និង​វិភាគ​ឯកសារ​សំខាន់ៗ ដែល​រក្សា​ការចងចាំ​អំពី​ប្រវត្តិសាស្ត្រ​ដ៏​ស្មុគស្មាញ​របស់​ប្រទេស​កម្ពុជា​។ បណ្ណសារ​ដែល​តម្កល់ទុក​នេះ បានរៀបចំ​យ៉ាង​ល្អប្រសើរ ដែល​នឹង​ដើរតួនាទី​ជា​ធនធាន​ស្រាវជ្រាវ​យ៉ាងសំខាន់​សម្រាប់​មនុស្ស​ជំនាន់​ក្រោយ​។ សហរដ្ឋអាមេរិក មាន​សេចក្តី​រីករាយ​ក្នុងការ​គាំទ្រ​កិច្ចខិតខំ​ប្រឹងប្រែង​នេះ​។ សូម​អបអរសាទរ​ដល់​អ្នក និង​ថ្វាយ​អំណរ​សាទរ​ទូល​ដល់​សម្តេចម៉ែ​។ – ផា​ទ្រី​ក មូ​ហ្វី ឯកអគ្គរដ្ឋទូត​សហរដ្ឋ​អាម៉េរិក​ប្រចាំ​នៅ​ព្រះរាជាណាចក្រ​កម្ពុជា​”៕សរន

ឯកអគ្គរដ្ឋទូត​សហរដ្ឋ​អាម៉េរិក​ទស្សនកិច្ច “​បណ្ណាល័យ​សម្តេច​មែ​”
ឯកអគ្គរដ្ឋទូត​សហរដ្ឋ​អាម៉េរិក​ទស្សនកិច្ច “​បណ្ណាល័យ​សម្តេច​មែ​”(រូបថតមជ្ឈមណ្ឌលឯកសារកម្ពុជា)
ឯកអគ្គរដ្ឋទូត​សហរដ្ឋ​អាម៉េរិក​ទស្សនកិច្ច “​បណ្ណាល័យ​សម្តេច​មែ​”(រូបថតមជ្ឈមណ្ឌលឯកសារកម្ពុជា)
ឯកអគ្គរដ្ឋទូត​សហរដ្ឋ​អាម៉េរិក​ទស្សនកិច្ច “​បណ្ណាល័យ​សម្តេច​មែ​”។លោកកឆាំងយុនាយកមមជ្ឈមណ្ឌលឯកសារកម្ពុជាជម្រាបជូនភ្ញៀវអំពីសកម្មភាពទាំងឡាយ(រូបថតមជ្ឈមណ្ឌលឯកសារកម្ពុជា)
ឯកអគ្គរដ្ឋទូត​សហរដ្ឋ​អាម៉េរិក​ទស្សនកិច្ច “​បណ្ណាល័យ​សម្តេច​មែ​”(រូបថតមជ្ឈមណ្ឌលឯកសារកម្ពុជា)
ឯកអគ្គរដ្ឋទូត​សហរដ្ឋ​អាម៉េរិក​ទស្សនកិច្ច “​បណ្ណាល័យ​សម្តេច​មែ​”(រូបថតមជ្ឈមណ្ឌលឯកសារកម្ពុជា)



ទីតាំងផ្សាយពាណិជ្ជកម្ម

- Advertisment -

Most Popular

សមាគមគ្រូពេទ្យស្ម័គ្រចិត្...

   ដោយ:មុនីរ័ត្ន/ភ្នំពេញ:...

មេបញ្ជាការកងទ័ពជើងគោកឧបត្...

ដោយ: មុនីរ័ត្ន,សុខុម/ភ្...

រកឃើញអ្នកប៉ះពាល់ផ្ទាល់និង...

ដោយ:មុនីរ៍ត្ន/ភ្នំពេញៈ ...

មេ​តំ​ហ្វេ​តា​មីន ៣០ កញ្ច...

​ដោយៈ ទេព មង្គល​- គ្រញូង ...