Home ព័ត៌មានអន្តរជាតិ ចិនវាយប្រហារប...

ចិនវាយប្រហារប្រព័ន្ធផ្សព្វផ្សាយអាម៉េរិកជាមួយច្បាប់ថ្មីដើម្បីជាការសងសឹក

ប្រែសម្រួល : កញ្ញាដាលីស/ប៉េកាំង ៖ ចិនបានរឹតបន្តឹងច្បាប់លើប្រព័ន្ធផ្សព្វផ្សាយរបស់អាម៉េរិកមួយចំនួនកាលពីថ្ងៃចន្ទ ទី២៦ តុលា ក្នុងវិធានការមួយ ដែលខ្លួននិយាយថា “ចាំបាច់និងតបតទៅវិញ” បន្ទាប់ពីអ្នកកាសែតចិននៅអាម៉េរិករងការរឹតត្បិតដែរ។

ប្រទេសសេដ្ឋកិច្ចធំជាងគេទាំង ២ នៅលើពិភពលោក ដែលទាស់ទែងគ្នាជុំវិញបញ្ហាជាច្រើនចាប់ពីពាណិជ្ជកម្មនិងបច្ចេកវិជ្ជារហូតដល់សិទ្ធិមនុស្ស បានរឹតត្បិតទិដ្ឋាការសម្រាប់អ្នកយកព័ត៌មានរបស់គ្នាទៅវិញទៅមក ស្របពេលដែលចិនបានបណ្តេញអ្នកសារព័ត៌មានចេញ។

បន្ទាប់ពីសហរដ្ឋអាម៉េរិកបានប្រកាសថាបណ្តាញផ្សព្វផ្សាយចិនជាច្រើនទៀតជា “បេសកកម្មបរទេស” រដ្ឋាភិបាលក្រុងប៉េកាំងកាលពីល្ងាចថ្ងៃចន្ទបានទាមទារឱ្យក្រុមសារព័ត៌មានអាម៉េរិកចំនួន ៦ រាយការណ៍ទៅរដ្ឋាភិបាលអំពីបុគ្គលិកហិរញ្ញវត្ថុនិងអចលនទ្រព្យរបស់ពួកគេ។

ក្រុមទាំងនោះរួមបញ្ចូលផងដែរនូវកាសែត LA Times, Newsweek និងទូរទស្សន៍ ABC។

អ្នកនាំពាក្យក្រសួងការបរទេសលោកចាវ លីជៀនបាននិយាយនៅក្នុងសេចក្តីថ្លែងការណ៍មួយថា តម្រូវការគឺ “ស្របច្បាប់និងបំពេញនូវការការពារខ្លួនដោយយុត្តិធម៌តាមគ្រប់រូបភាពទាំងអស់”។

លោកចាវបានបន្ថែមថា “អ្វីដែលសហរដ្ឋអាម៉េរិកបានធ្វើគឺផ្តោតសំខាន់ទៅលើបណ្តាអង្គភាពសារព័ត៌មានចិនដែលជំរុញដោយមូលដ្ឋានមនោគមន៍វិជ្ជានិងគំនិតសង្គ្រាមត្រជាក់”។

ចំណាត់ការនេះគឺជាវិធានការសងសឹកគ្នាចុងក្រោយបំផុតរវាងប៉េកាំងនិងវ៉ាស៊ីនតោន។

កាលពីសប្តាហ៍មុនសហរដ្ឋអាមេរិកបានចាត់ទុកប្រព័ន្ធផ្សព្វផ្សាយចិនចំនួន ៦ បន្ថែមទៀតជាកន្លែងឃោសនាការរបស់រដ្ឋចិន។

វាគឺជាជុំទីបីហើយនៃការចាត់ទុកប្រព័ន្ធផ្សព្វផ្សាយចិនជាបេសកកម្មបរទេស ដែលអាម៉េរិកតម្រូវឱ្យពួកគេរាយការណ៍ព័ត៌មានលម្អិតអំពីបុគ្គលិកដែលមានមូលដ្ឋាននៅសហរដ្ឋអាម៉េរិកនិងប្រតិបត្តិការអចលនៈទ្រព្យទៅកាន់ក្រសួងការបរទេស៕

ចិននិងអាម៉េរិករឹតត្បិតអ្នកកាសែតរបស់គ្នាទៅវិញទៅមក

ទីតាំងផ្សាយពាណិជ្ជកម្ម

- Advertisment -

Most Popular

​ហោរាសាស្ត្រ​

​ ​ ​ ​ ​ប្រចាំថ្ងៃ​ច័ន្...

រោងភាពយន្ត លេ​ជិន ផ្អាក​ប...

​ដោយៈ សុផល / ភ្នំពេញៈ រោង...

ក្រោយ​ការធ្វើ​តេស្ត​ជំងឺ​...

​ដោយ​៖ ទេព មង្គល / ភ្នំពេ...

ថ្នាក់ដឹកនាំ​និង​មន្ត្រី​...

ដោយៈ​ដេប៉ូ​/​ភ្នំពេញៈ​ថ្ន...