៩​ខែ​មកនេះ ​ទេសចរ​អន្តរជាតិ ថយចុះ ៧៤% ភ្ញៀវ​ក្នុងស្រុក ថយចុះ ៥១%

ដោយៈ​មូល​សម្បត្តិ / ភ្នំពេញៈ បើតាម​របាយការណ៍រ​បស់​ក្រសួងទេសចរណ៍ បានបង្ហាញ​​ថាៈ ៩​ខែ​មកនេះ កម្ពុជា ទទួល​ទេសចរ​អន្តរជាតិ ជាង​១​លាន​នាក់ ថយចុះ ៧៤% និង​ភ្ញៀវ​ក្នុងស្រុក ជិត ៧ លាន​នាក់ ថយចុះ ៥១% បើ​ធៀប​ទៅនឹង​បណ្តា​ឆ្នាំមុនៗ​។ នេះ​បណ្តាលមកពី​វិបត្តិ នៃ​ការផ្ទុះ​ជំងឺ​កូ​វីដ ១៩ ។​

របាយការណ៍នេះ បានត្រូវលើកឡើង នៅក្នុងកិច្ចប្រជុំ បូកសរុប​លទ្ធផល ការងារ​ទេសចរណ៍ រយៈពេល ៩​ខែ នៃ​ឆ្នាំ​២០២០ និង​ទិសដៅ​អនុវត្ត​បន្ត ត្រីមាស​ទី​៤ ឆ្នាំ​២០២០ ហើយដែលបាន​ដឹកនាំ​ កិច្ចប្រជុំដោយ ោក ថោង ខុន រដ្ឋមន្ត្រី​ក្រសួងទេសចរណ៍ នា​រសៀល​ថ្ងៃទី ២៦ ខែតុលា ឆ្នាំ​២០២០។

​កិច្ចប្រជុំ​នេះ បានធ្វើ​ឡើង ដើម្បី​បូកសរុប ឆ្លុះបញ្ចាំង និង​វាយតម្លៃ ពី​លទ្ធផល​អនុវត្ត​ការងារ រយៈពេល ៩​ខែ ឆ្នាំ​២០២០ កន្លងមក និង​ការដាក់ចេញ​នូវ ផែនការ យុទ្ធសាស្ត្រ និង​ទិសដៅ​អនុវត្ត​បន្ត ក្នុងដំណាក់កាល វិបត្តិ​ជំងឺឆ្លង សកល​កូ​វីដ​-១៩ ។​

​កិច្ចប្រជុំ​នេះ មាន​បទ​អន្តរាគមន៍ លើ​ប្រធានបទ​សំខាន់ៗ ចំនួន ៦ ដូចជាៈ ១-​ផែនការ​អនុវត្ត​វិធាន​សុវត្ថិភាព​ទេសចរណ៍​។ ២-​ផែនការ​សកម្មភាព ជំរុញ​ចលនា​ទេសចរណ៍​ផ្ទៃក្នុង និង​ការពង្រឹង​មណ្ឌល ព័ត៌មាន​ទេសចរណ៍ ។ ៣- ការអភិវឌ្ឍ​ផលិតផល ទេសចរណ៍​ថ្មីៗ​និង​សហគមន៍​ទេសចរណ៍​។​ ៤-កិច្ចសហប្រតិបត្តិការ​ទេសចរណ៍ ជាមួយ UNWTO, WTTC, ASEAN, ASEAN+3 ។ ៥-​ការបណ្តុះបណ្តាល ជំនាញ​វិជ្ជាជីវៈ​ទេសចរណ៍ តាម​ប្រព័ន្ធ​អន​ឡាញ​។ ៦-​ការពង្រឹង​រចនាសម្ព័ន្ធ និង​វិន័យ​មន្ត្រីរាជការ នៅ​ថ្នាក់​ក្រសួង និង​ថ្នាក់​មន្ទីរ​ទេសចរណ៍​រាជធានី ខេត្ត​៕​/V

លោក ថោង ខុន រដ្ឋមន្ត្រី​ក្រសួងទេសចរណ៍ បាន​ដឹកនាំ​កិច្ចប្រជុំ បូកសរុប​លទ្ធផល ការងារ​ទេសចរណ៍ (រូបថតៈ ក្រសួងទេសចរណ៍)
លោក ថោង ខុន រដ្ឋមន្ត្រី​ក្រសួងទេសចរណ៍ បាន​ដឹកនាំ​កិច្ចប្រជុំ បូកសរុប​លទ្ធផល ការងារ​ទេសចរណ៍ (រូបថតៈ ក្រសួងទេសចរណ៍)
៩​ខែ​មកនេះ កម្ពុជា ទទួល​ទេសចរ​អន្តរជាតិ ជាង​១​លាន​នាក់ ថយចុះ ៧៤% និង​ភ្ញៀវ​ក្នុងស្រុក ជិត ៧ លាន​នាក់ ថយចុះ ៥១% បើ​ធៀប​ទៅនឹង​បណ្តា​ឆ្នាំមុនៗ ​(រូបថតៈឯកសារ)
៩​ខែ​មកនេះ កម្ពុជា ទទួល​ទេសចរ​អន្តរជាតិ ជាង​១​លាន​នាក់ ថយចុះ ៧៤% និង​ភ្ញៀវ​ក្នុងស្រុក ជិត ៧ លាន​នាក់ ថយចុះ ៥១% បើ​ធៀប​ទៅនឹង​បណ្តា​ឆ្នាំមុនៗ ​(រូបថតៈឯកសារ)

ទីតាំងផ្សាយពាណិជ្ជកម្ម

- Advertisment -



Most Popular