Home ព័ត៌មានអន្តរជាតិ ប្តី​អាយុ​១១០...

ប្តី​អាយុ​១១០​ឆ្នាំ​បាន​លាចាក​លោក​ទុកចោល​ប្រពន្ធ​អាយុ​១០៤​ឆ្នាំ​

​វាសនា​/​គី​តូ​៖ ​បុរស​ដែល​បាន​ផ្សំផ្គុំ​បានជា​គូស្នេហ៍​វ័យ​ចំណាស់​បំផុត​ក្នុង​លោក​បាន​លាចាក​លោក​ហើយ​នៅ​អាយុ​១១០​ឆ្នាំ ដោយ​បន្សល់​ទុក​ប្រពន្ធ​អាយុ​១០៤​ឆ្នាំ​ដែល​លោកតា​បាន​រៀបការ​ជាមួយ​តាំង​​ពី​ឆ្នាំ​១៩៤១​។​

​ហ្ស៊ូ​លី​អូ សេ​សា ម៉ូ​រ៉ា តា​ព្យា បាន​ស្លាប់​នៅផ្ទះ​របស់​លោក​នៅក្នុង​ទីក្រុង​គី​តូ ប្រទេស​អេក្វាទ័រ កាលពី​ថ្ងៃ​២២​តុលា ដោយ​ទុក​អោយ​ប្រពន្ធ​វ័យ​១០៤​ឆ្នាំ លោកយាយ វ៉ាល់ដ្រា​មីណា នៅ​តែ​ឯង​។​

​អ្នក​ទាំង​ពីរ​ត្រូវបាន​អង្គការ​ឯតទគ្គ​កម្ម​ពិភពលោក Guinness World Record​ចាត់ទុក​ជា​គូស្នេហ៍​អាយុ​ច្រើន​បំផុត​កាលពី​ខែ​សីហា​ឆ្នាំ​២០២០​។​

​ហ្ស៊ូ​លី​អូ សេ​សា ម៉ូ​រ៉ា តា​ព្យា និង លោកយាយ វ៉ាល់ដ្រា​មីណា ជាប់​ជា​ប្តី​ប្រពន្ធ​អាយុ​ច្រើន​បំផុត​កាលពី​ខែ​សីហា​

​អ្នក​ទាំង​ពីរ មានកូន​៥​នាក់ (​កូនច្បង​ក៏បាន​ស្លាប់បាត់​ទៅ​ហើយ​ដែរ​) មាន​ចៅ​១១​នាក់ និង​ចៅទួត​២១​នាក់ ព្រមទាំង​ចៅលួត​៩​នាក់​។​

​គូស្នេហ៍​អាយុ​ច្រើន​បំផុត​ពី​មុន គឺ​ប្តី​ប្រពន្ធជ​ប៉ុន​ម៉ាសា​អុ ម៉ា​តស៊ូ​ម៉ូ​តុ​(Masao Matsumoto) និង​ម៉​យ៉ា​កុ សូ​ណូ​ដា​( Miyako Sonoda) ដែល​បាន​រៀបការ​នៅ​ឆ្នាំ​១៩៣៧​និង​រស់នៅ​អា​មួយ​គា្ន​​បាន​៨០​ឆ្នាំ​៕

លោកតា ម៉ា​តស៊ូ​ម៉ូ​តុ​ និង​ម៉​យ៉ា​កុ សូ​ណូ​ដា

ទីតាំងផ្សាយពាណិជ្ជកម្ម

- Advertisment -



Most Popular