Home ព័ត៌មានអន្តរជាតិ មិន​ធូរស្រាល​...

មិន​ធូរស្រាល​ទេ​ថៃ ! ពួក​អ្នក​ប្រឆាំង​តវ៉ា​ថៃ​មិន​អើពើ​នឹង​សភា​ហើយ​ស្នើសុំ​អោយ​អាឡឺម៉ង​ស៊ើបអង្កេត​ស្តេច​របស់ខ្លួន​

​វាសនា​/​បាងកក​៖ ​ពួក​បាតុករ​គាំទ្រ​លទ្ធិប្រជាធិបតេយ្យ​នៅ​ថៃឡង់​ដ៍ បាន​បង្កើន​និង​ពង្រីក​ការតវ៉ា​ប្រឆាំង​របស់​គេ​ដល់​កំរិត​អន្តរជាតិ​កាលពី​ថ្ងៃ​ចន្ទ​និង​អង្គារ​ទី​២៧​តុលា​ដោយ​បាន​នាំគ្នា​ដើរ​ដង្ហែ​​ទៅកាន់​ស្ថានទូត​អាឡឺម៉ង់​ប្រចាំ​ក្រុង​បាងកក ដើម្បី​អំពាវនាវ​អោយ​រដ្ឋាភិបាល​របស់​អធិកា​ប​តី អង់​ហ្គេ​ឡា មឺ​គែល ធ្វើការ​ស៊ើបអង្កេត​ថា​តើ​ស្តេច​ថៃ​បាន​ប្រើ​ឥទ្ធិពល​នយោបាយ​ទេ​ក្នុងអំឡុងពេល​​ព្រះអង្គ​គង្គនៅ​ព្រះរាជដំណាក់​នៅក្រុង​បា​វ៉ា​រៀ​។​

​ពួក​បាតុករ​ក៏​រិះគន់​សភា​របស់​ខ្លួន ដែល​កំពុង​ជួប​ប្រជុំ​ចាប់តាំងពី​ថ្ងៃ​ចន្ទ​មក ដើម្បី​ពិភាក្សា​រក​វិធី​បន្ថយកំដៅ​នយោបាយ​បង្ក​ឡើង​ពី​ការតវ៉ា​ប្រឆាំង​ដឹកនាំ​ដោយ​ក្រុមនិស្សិត​ជាង​៣​ខែ​មកនេះ តែ​​មិន​និយាយ​អំពី​ការទាមទារ​របស់​ពួកគេ​ទេ​។​

​ពួក​បាតុករ​ទាមទារ​អោយ​នាយក​រដ្ឋមន្ត្រី ប្រា​យុទ្ធ ចាន់​អូ​ចា ចុះចេញ​ពី​តំណែង សរសេរ​រដ្ឋធម្មនុញ្ញ​ថ្មី​និង​កែ​ទំរង់​របបរាជានិយម​។​ពួក​គេ​ជឿ​ថា ស្តេច​បច្ចុប្បន្ន មាន​អំណាច​ច្រើន​ហួសហេតុ ខុស​ពី​ព្រះមហា​​ក្សត្រ​អាស្រ័យ​ធម្មនុញ្ញ​មាន​ចែង​ក្នុង​ច្បាប់រដ្ឋធម្មនុញ្ញ​។​

​បើ​តាម​អ្នកកាសែត​នៃ​ទីភ្នាក់ងារ​សារព័ត៌មាន​AP បាតុករ​ប្រមាណ​៥.០០០​ទៅ​១០.០០០​នាក់ បាន​ផ្គើន​នឹង​ការព្រមាន​របស់​ប៉ូលិស​ហាម​មិនអោយ​ពួកគេ​ជួបជុំ​តវ៉ា​ដោយ​ខុសច្បាប់ និង​បាន​នាំគ្នា​ដើរទៅ​​កាន់​ស្ថានទូត​ក្នុង​កិច្ចខិតខំ​មួយ​ដើម្បី​ទាក់ទាញ​ការចាប់អារម្មណ៍​ពី​ស្តេច មហា វេច​រ៉ា​ឡុងកន ដែល​ព្រះអង្គ​គង្គនៅ​អាឡឺម៉ង់​ភាគច្រើន​ជា​មួយ​ស្រីស្នំ​ជាច្រើន​។​ពួកគេ​បាន​ប្រគល់​លិខិត​មួយ​ទៅកាន់​មន្ត្រី​​ស្ថានទូត​ដោយ​ស្នើសុំ​អោយ​អាឡឺម៉ង់​ធ្វើការ​ស៊ើបអង្កេត​ថា​តើ ស្តេច​អង្គ​នេះ​បាន​«​ពាក់ព័ន្ធ​ក្នុង​នយោបាយ​ថៃ ដោយ​ប្រើ​បុព្វសិទ្ធិ​របស់​ទ្រង់​ដើម្បី​បង្គាប់​បញ្ជា​ចេញពី​អាឡឺម៉ង់​ដែរ​ឬ​អត់​»​។​

​ពួកគេ​និយាយថា​អំពើ​ដូច្នេះ​វា​រំលោភ​អធិបតេយ្យភាព​អាឡឺម៉ង់ និង​បង្ហាញ​ថា​ចំណាត់ការ​របស់​ពួកគេ​ដើម្បី​យាង​ស្តេច​របស់គេ​អោយ​វិល​មក​ប្រទេស​ថៃ​វិញ​ដើម្បី​ស្តារ​ប្រទេស​ឆ្ពោះទៅកាន់​«​មាគ៌ា​នៃ​របប​រាជា​​និយម​អាស្រ័យ​ធម្មនុញ្ញ​»​។​

នាយករដ្ឋមន្រ្តីថៃ ឡើងប់ើកសម័យប្រជុំសភាពិសេស

​សូមបញ្ជាក់​ថា ក្នុងពេល​បើក​សម័យប្រជុំ​សភា​កាលពី​ថ្ងៃ​ចន្ទ ប្រធានសភា លោក​ឈួន លី​ក​ផៃ បាន​និយាយថា សភា​មិន​ពិភាក្សា​អំពី​តួនាទី​របស់​ព្រះមហាក្សត្រ​ទេ ខណៈ​នាយករដ្ឋមន្ត្រី​ផ្តោត​លើ​ការត​វ៉ាប្រ​​ឆាំង​ខុសច្បាប់​។​

​បើ​តាម​លោក​ប្រា​យុទ្ធ «​នៅ​ថៃឡង់​ដ៍ មនុស្ស​រាប់លាន​នាក់​មិន​ចង់​ឃើញ​ការផ្លាស់ប្តូរ​តាមរយៈ​ភាពចលាចល​វឹកវរ​តាម​ដងផ្លូវ​ទេ​។​គ្រប់​គ្នា​មាន​ជំនឿ​ផ្ទាល់​របស់​គេ តែ​ពួកគេ​គួរ​ដោះស្រាយ​ការខ្វែង​ទស្សនៈ​​គ្នា​តាមរយៈ​សភា​»៕

​បាតុករ​រាប់ពាន់នាក់​ដើរ​ទៅកាន់​ស្ថានទូត​អាឡឺម៉ង់​ដើម្បី​សុំអោយ​មាន​ការស៊ើបអង្កេត​លើ​ស្តេច​ថៃ​

សិស្សនិងលោកសង្ឃក៏ចូលរួមការប្រឆាំងតវ៉ា

ទីតាំងផ្សាយពាណិជ្ជកម្ម

- Advertisment -

Most Popular

សម័យ​ប្រឡង​ឌី​ប្លូ​មនៅ​ថ្...

​ដោយៈ​ដេប៉ូ​/​ភ្នំពេញៈ​មន...

បញ្ចូលសមាជិកបក្សជាង១០០នាក...

ដោយ:ទេពកង្រី/កំពង់ឆ្នាំង:...

ករណីពុល​ស្រាស​៖ ​អ្នកស្លា...

​ដោយ​: ទេ​ពក​ង្រី / ខេត្ត...

លោកទេសាភិបាលធនាគារជាតិធ្វ...

ដោយ:បញ្ញាសាស្រ្ត/ភ្នំពេ...