Home កីឡា ​វិភាគកម្មវិធ...

​វិភាគកម្មវិធី​ប្រកួត​បាល់ទាត់​អន្តរជាតិ​ថ្ងៃ ពុធ ទី ២៨ ខែ តុលា ឆ្នាំ ២០២០

ប្រែ​សម្រួលៈ ពិសិដ្ឋ
•​ ​ក្របខណ្ឌ Champions League រដូវ​កាល​២០២០ / ២០២១
(00:55) Istanbul BB vs PSG
(00:55) Krasnodar vs Chelsea
(03:00) Club Brugge vs Lazio
(03:00) Dortmund vs Zenit St. Petersburg
(03:00) Ferencvarosi vs Dinamo Kiev
(03:00) Juventus vs Barcelona
(03:00) Man Utd vs RB Leipzig
(03:00) Sevilla vs Rennes

​វិភាគ​គូ​ល្អ​
Juventus vs Barcelona
​ក្រុម​យក្ស​អ៊ីតាលី​នឹង​ទទួលភ្ញៀវ​មកពី Barcelona មកពី​អេ​ស្ប៉ា​ញ​ក្នុង​ក្របខណ្ឌ​ឆេ​ម​ពាន​លី​ក ហើយ​ក្រុម​ទាំងពីរ​សុទ្ធ​តែមាន​៣ ពិន្ទុ​ក្នុង​ដៃ​រួចហើយ​។ កីឡាករ​ឆ្នើម​អា​ហ្ស​ង់​ទី ម៉េ​ស​ស៊ី នឹង​ស្ថិតក្នុង​ក្រុម​ជម្រើស​ដំបូង​របស់​ក្រុម Barcelona ប៉ុន្តែ​បន្ទាប់ពី​ការធ្វើ​តេស្ត​រកឃើញ​វិជ្ជមាន​វីរុស​កូ​វីដ​មក យើង​មិនទាន់​ប្រាកដថា កីឡាករ រ៉ូ​ណា​ល់​ដូ នឹង​ស្ថិតក្នុង​ក្រុម​ជម្រើស​ដំបូង​របស់​ក្រុម Juventus ឬ​យ៉ាងណា​នោះទេ​។

​ក្រុម​ជើងឯក​អ៊ីតាលី​មួយ​នេះ​ចាប់ផ្តើម​ការប្រកួត​ក្នុង​ពូ​ល ដោយ​យកឈ្នះ​ក្រុម​កម្រិត​មធ្យម Dynamo Kiev ដោយ​កីឡាករ អាល​វ៉ា​រ៉ូ ម៉ូ​រ៉ា​តា (Alvaro Morata) រកបាន​ពីរ​គ្រាប់​ម្នាក់ឯង​។
​កាលពី​ចុង​សប្តាហ៍ ក្រុម Juventus បាន​ដេញតាម​យក​ស្មើ​ក្រុម Verona ក្នុង​ទឹកដី ១-១ ។ នោះ​គឺជា​លទ្ធផល​ស្មើ​លើក​ទី ៣ របស់​ក្រុម​យក្ស​អ៊ីតាលី​នេះ​នៅក្នុង​បួន​ប្រកួត​ក្នុង​លី​ក ហើយ​ប្រកួត​នីមួយៗ ពួកគេ​តែងតែ​ដេញតាម​ពីក្រោយ​គូប្រកួត​។

​លទ្ធផល​ស្មើ​ជា​បន្តបន្ទាប់​នេះ​បានធ្វើ​ឲ្យ​ពួកគេ​បាន​ត្រឹម​ឈរ​នៅ​លេខ​រៀង​ទី ៥ នៅពេលនេះ​។ កាលពី​រដូវ​កាល​មុន ក្រុម Juventus ចាញ់​ក្រុម Lyon ដោយសារ​គ្រាប់​បាល់​ក្រៅ​ទឹកដី​នៅ​វគ្គ ១៦​ក្រុម​ចុងក្រោយ​។
​លទ្ធផល​ចាញ់​នៅ​បារាំង​គឺជា​បរាជ័យ​មួយ​លើក​គត់​សម្រាប់​៩​ប្រកួត​ចុងក្រោយ​របស់​ក្រុម​នេះ​នៅ​ក្របខណ្ឌ​ឆេ​ម​ពាន​លី​ក​។ ទម្រង់​លេង​ក្នុង​ទឹកដី ក្រុម Juventus អាច​រកបាន​ជ័យជម្នះ ៤​ប្រកួត​ចុងក្រោយ​។
​ក្រុម​នេះ​ទើបនឹង​ជួប​ជាមួយ​ក្រុម Barcelona បាន​ពីរ​បី​លើក​ប៉ុណ្ណោះ​នៅ​ក្របខណ្ឌ​បាល់ទាត់​កំពូល​នេះ ហើយ​ជំនួប​ចុងក្រោយ​បំផុត​នោះ​គឺ​បានបញ្ចប់​ក្នុង​លទ្ធផល​ស្មើ ០-០ នៅ​ឆ្នាំ ២០១៧​។
​ចំ​ណែ​ក្រុម Barcelona វិញ​មាន​ទម្រង់​លេង​គ្របដណ្តប់​ខ្លាំង​នៅក្នុង​ប្រកួត​ដំបូង​ក្នុង​ពូ​ល ហើយ​ក្រុម​នេះ​បាន​យកឈ្នះ​ក្រុម​មកពី​ហុង​ហ្គ្រី Ferencvaros ៥-១ ក្នុង​ទឹកដី​ដោយ​កីឡាករ​៥​រូប​រកបាន​ម្នាក់​មួយគ្រា​ប់​។
​ក្រុម​នេះ​ទទួលភ្ញៀវ Real Madrid កាលពី​ថ្ងៃ​សៅរ៍ នៅ​ក្របខណ្ឌ La Liga ប៉ុន្តែ​ប្រកួត​ចាញ់​ក្នុង​លទ្ធផល ៣-១​។ ក្រុម​នេះ​អាច​រកបាន​ជ័យជម្នះ​មួយ​ប្រកួត​ប៉ុណ្ណោះ​ក្នុងចំណោម ៤ ប្រកួត​ចុងក្រោយ​របស់ខ្លួន ដោយ​ចាញ់​ពីរ​ប្រកួត​។

​ទម្រង់​លេង​នៅក្រៅ​ទឹកដី ក្រុម Barcelona ទើបនឹង​ចាញ់​មួយ​ប្រកួត​ប៉ុណ្ណោះ​នៅក្នុង ១០ ប្រកួត​ចុងក្រោយ​របស់ខ្លួន​នៅ​ក្របខណ្ឌ​ឆេ​ម​ពាន​លី​ក ហើយ​បរាជ័យ​នោះ គឺ​ចាញ់​ក្រុម Liverpool កាលពី​ពីរ​រដូវ​កាល​កន្លងទៅ​។ ពាក់កណ្តាល​នៃ ១៤ ប្រកួត​ចុងក្រោយ​នៅក្រៅ​ទឹកដី​ក្នុង​ក្របខណ្ឌ​នេះ ពួកគេ​បានបញ្ចប់​ដោយ​លទ្ធ​ផើ​ល​ស្មើ​។
​មើលទៅ​ក្រុម​នេះ​មិន​ទំនងជា​ប្រកួត​ស្មើ​នៅក្នុង​ជំនួប​ជាមួយ​ក្រុម​អ៊ីតាលី​នៅ​រាត្រី​នេះ​ទេ​។ ចាំ​មើលថា តើ​ក្រុម​ណាមួយ​មានសំណាង​អាច​រកបាន ៣​ពិន្ទុ​៕
ទស្សនៈ Juventus ៣-២ Barcelona

Sevilla vs Rennes
​បន្ទាប់ពី​បញ្ចប់​ការប្រកួត​ដំបូង​របស់ខ្លួន​នៅ​ក្របខណ្ឌ​ឆេ​ម​ពាន​លី​ក​នេះ ក្រុម​ទាំងអស់​ក្នុង​ពូ​ល E រកបាន​ត្រឹម ១​ពិន្ទុ​។ ក្រុម Sevilla នឹង​ទទួលភ្ញៀវ​ក្រុម Rennes មកពី​បារាំង​សម្រាប់​ការប្រកួត​ជុំ​ទី ២ នេះ ដោយ​ក្រុម​ទាំងពីរ​សុទ្ធតែ​សង្ឃឹម​ឈ្នះ​ដូចគ្នា​។

​ក្រុម​យក្ស​អេ​ស្ប៉ា​ញ Sevilla ប្រកួត​ស្មើ​ក្រុម Chelsea ០-០ ខណៈ​ក្រុម​បារាំង Rennes ប្រកួត​ស្មើ ១-១ ជាមួយ​ក្រុម​រុស្ស៊ី Krasnodar​។ ក្រុម Sevilla ដំណើរការ​ដោយ​រលូន បន្ទាប់​ពីលើ​កពាន Europa League កាលពី​ដំណាច់​រដូវ​កាល​។

​ក្រុម​នេះ​ចាប់ផ្តើម​ការប្រកួត​នៅ​ក្របខណ្ឌ La Liga ដោយ​យកឈ្នះ​ទាំងពីរ​ប្រកួត ប៉ុន្តែ​បន្ទាប់មក ពួកគេ​មិនអាច​រកបាន​ជ័យជម្នះ​ទេ​នៅក្នុង​ប្រកួត​បន្ទាប់​។ ក្រុម​នេះ​ប្រកួត​ចាញ់​ក្រុម Bayern Munich នៅ​ក្របខណ្ឌ Super Cup ហើយនឹង​ស្វែងរក​លទ្ធផល​ល្អ​ក្នុង​ការប្រកួត​នេះ​។

​ក្រុម​នេះ​ធ្វើ​មិន​បានល្អ​ទេ​ក្នុង​ការប្រកួត​កាលពី​ថ្ងៃ​សៅរ៍ ខណៈ​ពួកគេ​រង​បរាជ័យ ១-០ ដោយសារ​ក្រុម Eibar ដែល​ធ្វើ​ឲ្យ​ក្រុម​នេះ​មិនទាន់​រកបាន​មួយ​គ្រាប់​សោះ​ក្នុង​បី​ប្រកួត​ជាប់​គ្នា​។
​ការប្រកួត​ចាញ់​ក្រុម Eibar ធ្វើ​ឲ្យ​ពួកគេ​រក្សាបាន​ឃ្លី​ន​ស៊ីត​ត្រឹម​មួយ​ប្រកួត​ក្នុង​បួន​ប្រកួត​ចុងក្រោយ ស្របពេល​ពួកគេ​រក្សាបាន​ឃ្លី​ន​ស៊ីត​បី​លើក​ក្នុង ១០​ប្រកួត​ចុងក្រោយ​។ ទោះបីជា​យ៉ាងណា ការប្រកួត​ក្នុង​ទឹកដី ក្រុម Sevilla គឺជា​ក្រុម​ខុសប្លែក​ពីរ​គេ​។ ការប្រកួត​ចាញ់​ក្រុម Eibar នៅក្នុង​ប្រកួត​ថ្មី​បំផុត​នេះ គឺជា​បរាជ័យ​មួយ​ក្នុងចំណោម ១៤ ប្រកួត​ចុងក្រោយ​របស់ខ្លួន​។ ហើយ​វា​ក៏​ជា​លើក​ទី ២ ដែរ​ក្នុង​១០​ប្រកួត​ក្នុង​ទឹកដី ដែល​ក្រុម Sevilla ខកខាន​មិនបាន​រក​គ្រាប់​បាល់​។

​ដោយឡែក ក្រុម Rennes គ្មាន​បទពិសោធ​នៅ​ក្របខណ្ឌ​ឆេ​ម​ពាន​លី​ក​នេះ​ទេ ហើយ​ជំនួប​ជាមួយ​ក្រុម Krasnodar គឺជា​ប្រកួត​ដំបូង​របស់ខ្លួន​នៅ​ក្របខណ្ឌ​បាល់ទាត់​កំពូល​នេះ​។
​ក្រុម​បារាំង​នេះ មាន​អារម្មណ៍​ថា ស្ថិតក្រោម​សម្ពាធ​រួចទៅហើយ​នៅពេល​ជួប​ក្រុម​ខ្លាំង​នៅ​ពាក់កណ្តាល​សប្តាហ៍​បែបនេះ ហើយ​ភ្លាមៗ​បន្ទាប់ពី​ការប្រកួត​នៅ​ក្របខណ្ឌ​ឆេ​ម​ពាន​លី​ក ពួកគេ​បាន​ប្រកួត​ចាញ់​ដំបូង​នៅ​រដូវ​កាល​នេះ​ផងដែរ​។​

​ក្រុម Rennes ប្រកួត​ចាញ់​ក្រុម Angers ២-១ ក្នុង​ទឹកដី​នៅ​ក្របខណ្ឌ Ligue 1 ហើយ​ពួកគេ​ត្រូវធ្វើ​ដំណើរ​ទៅកាន់​ទឹកដី​អេ​ស្ប៉ា​ញ ហើយ​សង្ឃឹមថា នឹងធ្វើ​បានល្អ​ដូច​ពេលកន្លងមក​។
​បរាជ័យ​កាលពី​ថ្ងៃ​សុក្រ​មានន័យថា ពួកគេ​មិនអាច​រក្សាបាន​ឃ្លី​ន​ស៊ីត​នៅក្នុង​បី​ប្រកួត​ជាប់​គ្នា ប៉ុន្តែ​ពួកគេ​នឹង​រក្សា​ទម្រង់​ប្រយុទ្ធ បន្ទាប់ពី​រកបាន​គ្រាប់​បាល់​ទាំង​៩​ប្រកួត​នៅ​រដូវ​កាល​នេះ​។
​ក្រុម​បារាំង​នេះ​លេង​៤​ប្រកួត​ក្រៅ​ទឹកដី​នៅ​រដូវ​កាល​នេះ ហើយ​មិនទាន់​ចាញ់​មួយ​ប្រកួត​នៅឡើយ​ទេ ដោយ​រកបាន​ពីរ​ប្រកួត​និង​ស្មើ​ពីរ ប៉ុន្តែ​ការប្រកួត​នេះ​អាច​នឹងមាន​ភាពខុសប្លែក​ពី​ការប្រកួត​នៅក្រៅ​ទឹកដី​ដែល​ពួកគេ​ធ្លាប់​លេង​កន្លងមក​។
​ចាំ​មើលថា តើ​ក្រុម​ណាមួយ​មានសំណាង​រកបាន​៣​ពិន្ទុ​នៅ​រាត្រី​នេះ​៕
ទស្សនៈ Sevilla ២-២ Rennes

Manchester United vs Leipzig
​ក្រុម​ទាំងពីរ​បានឈ្នះ​ការប្រកួត​បើកឆាក​ដូចគ្នា​នៅ​ក្របខណ្ឌ​ឆេ​ម​ពាន​លី​ក​នេះ​។ ក្រុម Manchester United មាន​ការងារ​លំបាក​ដែល​ត្រូវធ្វើ ខណៈ​ពួកគេ​ជួប​ជាមួយ​ក្រុម PSG កន្លងមក ប៉ុន្តែ​អាច​យកឈ្នះ​ក្នុង​លទ្ធផល ២-១ នៅក្រៅ​ទឹកដី​។

​ក្រុម RB Leipizig បាន​យកឈ្នះ​ក្រុម Basaksehir ២-០ ដោយ​ងាយស្រួល​។ ក្រុម​អ្នកគាំទ្រ​របស់ United ប្រាកដជា​ឆ្ងល់​ថា ក្រុម​របស់ខ្លួន​មានរឿង​អ្វី​កើតឡើង​។ ពួកគេ​អាចនឹងទទួល​បាន​លទ្ធ​ផល​ល្អ​នៅក្រៅ​ទឹកដី​លើ​ក្រុម Brighto Newcastle និង​ក្រុម PSG ប៉ុន្តែ​ពួកគេ​ទើបនឹង​រកបាន ១​ពិន្ទុ ឆ្លងកាត់​បី​ប្រកួត​ក្នុង​ទឹកដី​នៅ​រដូវ​កាល​នេះ​ក្នុង​ក្របខណ្ឌ​ព្រី​មី​ញ៉េ​លី​ក​។
​ក្រុម United របូត​៩​គ្រាប់​រួចហើយ​សម្រាប់​ការប្រកួត​ក្នុង​លី​ក ហើយ​រឹតតែ​ខកចិត្ត​ទៅទៀត​នោះ គឺ​ពួកគេ​បាន​ត្រឹម​ស្មើ ០-០​ជាមួយ​ក្រុម Chelsea កាលពី​ចុង​សប្តាហ៍​កន្លងទៅនេះ​។
​ក្រុម​នេះ​ត្រូវតែ​ដោះស្រាយ​បញ្ហា​ខ្សែការពារ ជាពិសេស​សម្រាប់​ការប្រកួត​ជាមួយ​ក្រុម​ដូចជា RB Leipzig ។ មាន​តែមួយ​ប្រកួត​ប៉ុណ្ណោះ​ក្នុងចំណោម ៧​ប្រកួត​ចុងក្រោយ​របស់ខ្លួន​ដែល​ក្រុម​នេះ​រកបាន​ជ័យជម្នះ គឺ​ការយក​ឈ្នះ​លើ​ក្រុម LASK ។

​ទម្រង់​លេង​ក្នុង​ទឹកដី​នៅ​ក្របខណ្ឌ​ឆេ​ម​ពាន​លី​ក​មិនសូវ​ជា​ល្អ​នោះទេ ហើយ​ពួកគេ​អាច​រកបាន​ជ័យជម្នះ​ត្រឹម ១​លើក​នៅក្នុង​៦​ប្រកួត​ចុងក្រោយ​។ ចំណែក​ក្រុម RB Leipizig ឈរ​នៅលើ​កំពូល​តារាង​ក្របខណ្ឌ​បាល់ទាត់​អាល្លឺម៉ង់ Bundesliga ដោយ​រកបាន​ជ័យជម្នះ ៤ ប្រកួត​និង​ស្មើ ១ ឆ្លងកាត់ ៥​ប្រកួត​កន្លងមក​។
​ក្រុម​នេះ​ឈាន​ជើង​ចូលរួម​ការប្រកួត​ជាមួយនឹង​ក្រុម Manchester United បន្ទាប់ពី​យកឈ្នះ ៤​ប្រកួត​ជាប់​គ្នា​។ ក្រុម​នេះ​អាច​រកបាន ១០​គ្រាប់​រួចមកហើយ និង​របូត​ត្រឹម​មួយ​គ្រាប់ ដូច្នេះ​មិនសូវមាន​ការបារម្ភ​អំពី​ប្រព័ន្ធ​ការពារ​នោះទេ​។

​កាលពី​រដូវ​កាល​មុន ក្រុម​នេះ​អាចឈាន​ដល់​វគ្គ​ពាក់កណ្តាល​ផ្តាច់ព្រ័ត្រ​នៅក្នុង​ការប្រកួត​ក្របខណ្ឌ​កំពូល​នេះ​។ ក្រុម​នេះ​ចាញ់​តែមួយ​ប្រកួត​ប៉ុណ្ណោះ​ក្នុងចំណោម​៩​ប្រកួត​ចុងក្រោយ​នៅ​ក្របខណ្ឌ​ឆេ​ម​ពាន​លី​ក ហើយ​បរាជ័យ​នោះ​គឺ​ចាញ់​ក្រុម PSG នៅ​វគ្គ​ពាក់កណ្តាល​ផ្តាច់ព្រ័ត្រ​។

​ក្រុម​នេះ​នឹងមិន​ខ្លាច​ក្រុម​មកពី​អង់គ្លេស​នោះទេ បន្ទាប់ពី​ពួកគេ​យកឈ្នះ​ក្រុម Tottenham ១-០ កាលពី​រដូវ​កាល​មុន​។ ទម្រង់​លេង​នៅក្រៅ​ទឹកដី ពួកគេ​លេង​បានល្អ​គួរសម​ដោយ​យកឈ្នះ​ក្រុម​ខ្លាំង​ដូចជា Atletico Madrid, Monaco, Benfica និង​ក្រុម Zenit​។

​ពួកគេ​លេង​ចាញ់ ២​ប្រកួត​ក្នុងចំណោម ២៥ ប្រកួត​ចុងក្រោយ​ហើយ​ពួកគេ​អាច​នឹង​វិលត្រឡប់​មករក​ទម្រង់​លេង​ឈ្នះ​ឡើងវិញ​សម្រាប់​ការប្រកួត​នៅក្រៅ​ទឹកដី​នៅ​ពហុកីឡាដ្ឋាន Old Trafford ដែល​អាច​ទាំង​ឈ្នះ​ឬ​ស្មើ​។

​ចាំ​មើលថា តើ​ក្រុម​ណាមួយ​មាន​សមត្ថភាព​អាច​រកបាន ៣​ពិន្ទុ​នៅ​រាត្រី​ថ្ងៃ​ពុធ​នេះ​៕ ល​

ទស្សនៈ Manchester United ២-០ Leipzig

ទីតាំងផ្សាយពាណិជ្ជកម្ម

- Advertisment -

Most Popular

អ្នកក្លែងព័ត៌មានអំពីកូវីដ...

ដោយ:មុនីរ័ត្ន/ភ្នំពេញៈ ...

ប្រទះឃើញ​បុរស​ម្នាក់ ដេកស...

​ដោយៈ ចាន់តូ / ភ្នំពេញៈ ប...

​ប្រមុខ​រាជរដ្ឋាភិបាល​អំព...

ដោយ​៖​តារា​រិ​ទ្ធ​/​ភ្នំព...

មន្ត្រី​កសិកម្ម ខេត្តកំពង...

​ដោយៈ ទេ​ពក​ង្រី / កំពង់ឆ...